影片
港鐵銅鑼灣站 C 出口, 步行約1分鐘
繼續閱讀
電話號碼
36190669
開飯介紹
台灣過江龍首間海外分店，其魚料理主打酸菜魚口味，另亦供應6款特色湯底，如日式的極道明太子奶香魚、鮮味十足的海派蝦湯魚，配上多款台味私房菜、炸物和飲品更加滋味。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
有關餐廳
有關獎賞計劃
年頭去台灣時已經食過築間打邊爐，係當地好受歡迎 。意外地竟然插旗黎香港開酸菜魚先，而唔係火鍋 。可能知道香港人太鐘意食酸菜魚 😂 。今次我係睇中嘉義砂鍋魚所以黎試，香港好少地方有，但睇台灣節目就形容到砂鍋魚好好食 。好彩餐廳嘅魚係分咗大、中、細份量，想試兩隻味就叫兩個細都OK 。🍲 嘉義砂鍋魚原來係以沙茶醬為底，整體味道好重口味，係香濃沙茶香但唔辣嘅 。有別於酸菜魚用魚片，呢一度係用炸過嘅魚塊 。開頭趁熱食嘅時候魚皮仲係帶脆，魚肉厚實嫩滑，不過就會有啲骨，唔係啖啖肉 。配料方面有紅蘿蔔、娃娃菜、炸過嘅鵪鶉蛋、金菇等。始終呢款比較重口味同油，建議幾個人share一個細嘅砂鍋魚都OK，跟住叫吓其他口味嘅魚食 。🍲酸菜魚手機點餐冇得揀辣度，default嘅酸菜魚係台妹style—好溫柔 。佢同平時大陸style酸菜魚唔同，整體口味平衡啲同埋食落舒服，唔會太酸或者太辣，係襟食嘅酸菜魚 。配料方面有寬粉、金菇、腐竹、木耳等 。💡淨係比較魚嘅話，成餐飯食完總結出比較鍾意酸菜魚，無咁膩可以食多啲 。食台灣嘢點可以冇炸物，叫咗個炸甜不辣同埋鹽酥雞 。甜不辣份量相當多，炸到外皮脆，中間係煙靭，好食 。鹽酥雞就係店員力推，結果都冇失望嘅，中間雞肉仲係好嫩滑，仲有炸九層塔，都算係有完整還原台灣味道。特別值得一提嘅係炸物嘅底部有啲生洋蔥，可以解膩，都幾貼心。🍥柚香蘿蔔上菜時店員話我哋好識揀，因為蘿蔔係自己醃嘅 。淡淡柚子香配埋酸爽嘅蘿蔔，好啱食炸嘢同砂鍋魚嘅時候解膩 。🧋檸檬紅茶雖然冇得調整甜度，只可以少冰 ，兩位飲開走甜嘅都覺得尚可接受 ，茶味都算香濃，但希望遲啲有得走甜 。🍨紅豆仙草仙草質地比較挺身，有仙草嘅甘味，適合食完炸野要下火嘅感覺 。整體全部嘢都唔錯，咁多野食埋單都係400幾 。難得佢有細份魚嘅選擇，下次行過一個人食都得 。
繼續閱讀
位於銅鑼灣的川菜餐廳。據聞是台灣銷售第一的火鍋品牌，而築間酸菜魚更旗下餐廳，首間的海外分店便選址於香港，對於選址在香港雖感莫名，但仍心存感激，要知道現今的香港有多繽紛呢。 「湯比魚更鮮，一碗記三天」⋆_____ᴛᴏᴛᴀʟ ᴏʀᴅᴇʀ______⋆ ⭒總長酸菜魚 $148⭒海派蝦湯魚 $178⭒鐵漢小酥肉 $35⭒復刻炸排骨 $45⭒紅豆仙草 $28⭒芒果奶凍 $28⭒冬瓜檸檬茶 $18⭒暴走波奶茶 $22 ___⋆ ⋆ ___ ✿ 總長酸菜魚酸脆勁爽的酸菜再搭配招牌湯底，加入鮮嫩幼滑的烏鱧魚片，口感麻酸香辣，很是過癮。另外湯內更有很多配料，萵筍、寬粉、薯仔及金菇等，飽腹感十足。.✿ 海派蝦湯魚不吃辣的朋友可以選這個口味。魚肉份量雖然較少，但有加入青口、蜆及海蝦等海鮮配料，搭配清甜可口的蝦湯湯底，鮮嫩不腥，很是鮮甜。.✿ 小食鐵漢小酥肉及炸排骨的份量雖不算多，但炸漿厚薄適中，香脆可口，涮嘴不錯。.✿ 甜品兩款甜品還原台灣路邊攤地道的味道，不會太甜，算是不錯的飯後甜品。.✿ 飲品飲品偏甜，如果可以調較甜度會更好~
繼續閱讀
呢間店都幾新潮,聽講係來自台灣,即係全港首家台式酸菜魚。酸菜魚既變化都好多。估唔到除左酸菜魚,呢度仲有得食蟹膏蟹子丼飯,好有創意。我叫左個明太子酸菜魚,呢個係1-2人既份量,所以一個人都食到。一上到檯就聞到好香濃、奶白味既酸菜魚,有蝦、青口、沙白、粉,同埋一片片既魚肉,賣相同埋味道都冇得輸。飲品方面簡簡單單,叫左杯可樂,已經好圓滿。如果多d人黎食,可以叫左d小食,台式小食既選擇都唔少架,仲有奶凍果d甜品。
繼續閱讀
喺網上見到有人介紹呢間全港首家台式酸菜魚，一直都俾佢嘅環境設計風格吸引，佢哋係用漫畫做主題，好有創意好特別，今日終於有機會去試吓！我哋嗌咗細嘅嘉義砂鍋魚，雖然佢寫1-2人份量，但我覺得份量超大，真係要兩個人先食得晒，而且十分足料，除咗魚，仲有好多唔同嘅配菜，例如白菜、金菇、雲耳、芋頭同埋粉面，食晒嘅話真係超級飽肚！魚非常嫩滑，好好食，就算份量好多我都清晒！更加值得一提嘅係佢嘅湯底，非常濃郁，好有鮮味，配埋魚肉一流！另外我哋叫咗雞軟骨同埋小酥肉，兩碟都係即叫即整，熱辣辣，我特別鍾意小酥肉嘅味道，椒麻口味，有少少麻香，稱唔上辣，但成個口味好夾好正！飲品我哋嗌咗可樂同埋冬瓜檸檬茶，冬瓜檸檬茶絕對值得一試！只係貴可樂$3，就可以飲到好似去咗台灣夜市先飲到嘅飲品，非常地道，而且好清爽！最後甜品我哋分別嗌咗個紅豆仙草同埋冬瓜黑糖奶凍，作為結尾非常滿足！
繼續閱讀
築間酸菜魚⭐️總長酸菜魚⭐️復刻炸排骨⭐️冬瓜檸檬茶最近聽人講銅鑼灣開咗一間來自台灣嘅酸菜魚專門店，味道唔錯，而且性價比幾高。我喺OpenRice見到餐廳有好多唔同size嘅選擇，一個人都可以食到酸菜魚，心郁郁就去咗試下。一人份酸菜魚嚟講魚肉份量都算好多，食落惹味但係又唔會太辣。復炸炸排骨用左豬肋排同埋豬軟骨，雙重口感，加上少少台灣梅子粉，酸酸甜甜好開胃。餐廳嘅裝修風格都幾得意，有種漫畫風，整體感覺都乾淨。
繼續閱讀