新金鹿茶餐廳 (已結業)

OT到10點，夜晚喺銅鑼灣好難搵到常餐，行咗幾間連鎖店都無，竟然呢度有。忌廉磨菇奄列: 蛋好韌，太老了餐肉辛辣麵: 加咗$10轉辛辣麵，一黎到竟然聞到出前一丁麻油味 ，照食，點知…連個湯都係出前一丁味粉，但係個色依然係辛辣麵！好失望，最後食咗幾啖就放棄了，幻想唔到辛辣麵嘅味道 好處: 冷氣夠大

今日中午無時間食飯，直到下午三點幾，唸住叫個常餐並隨手抽張外賣紙，新金鹿--ok夠近；叫咗個五香肉丁麵配奄列，餐飲熱奶茶。果然好快，好似5分鐘倒就到，亞姐遞上外賣：「多謝50蚊。」，我話：「咩話？」擾攘咗兩分鐘，亞姐打返去問常餐係咪50蚊，電話裡面個人話係，我攞張外賣紙出嚟比亞姐睇，明明寫住HK34.00，亞姐覆述比電話裡面個人聽，佢回覆話嗰張舊架。嘩！真係打死狗講價，唔想喺公司搞咁耐，焗比50蚊亞姐。咩世界！張外賣紙點舊，都無理由加咗47%呀。

即將掛上八號風球，當送了女友返屋企，一個人見有點肚餓，便趁掛風球前吃一點東西才打道回俯。由於風暴將至，不敢四圍找食肆，只好在車站附近找食肆。來到新金鹿茶餐廳，見店內沒有太多顧客，也許因為要趕回家，餐廳顥得較為冷清。在下求其找個位坐下便算。看看餐牌，午餐有點貴，不點，點來一個下午茶。欖菜肉松炒飯是下午茶中的一款，端上來的時候，與普通炒飯無異，欖菜也少得可憐。吃罷實在與普通生炒牛肉飯沒有太大分別，而且味道較為一般，又久缺了鑊氣。熱奶茶要加上兩個大洋，茶味濃郁，有回甘度，淡奶與茶的比例適中，朼沒有蓋過茶味，是水準之內，這是可取的。服務上也算係咁，個個侍者都關心風暴消息，加上沒有太多顧客，當然較為清閒。

銅鑼灣租貴所以食物各樣都貴係正常，但未試過光顧完會唔順氣！當日同幾個朋友入到去都未坐低哂，就有人問你想食咩，於是我就同個伙計講等一陣先唔該！點知剛剛攞起分餐牌又有個伙計企埋黎，於是有個朋友就話我地未得！一掀到第二頁，又有人行埋黎！其實我地前前後後都只不過係分零鐘，明明間茶餐廳就冇乜人，洗唔洗催我地？我地自問總共花左唔到五分鐘點菜，但係我地點菜前就起碼俾人催左六七次！最後當我地離開嘅時候，有個伙計企左係條好窄嘅走廊中間發呆，完全發覺唔到我同幾個朋友企左係佢後面等緊佢讓路，直到我地好大聲咁講左句唔該先慢慢行開，連唔好意思都冇講句！整體而言，員工質素極度差劣，至於食物質素雖然尚算過得去，但相比價錢絕對係超級唔值！一細碟炒公仔麵$55仲要加$10先有熱飲，我不如過對面七仔買野飲好過！

深夜一點，在銅鑼灣區想找茶餐廳醫肚，到處看看，各有名茶餐廳宵夜餐也是偏貴, 而份量也不多，剛巧路過此茶餐廳，雖不是富麗堂皇，宵但夜餐連凍飲也只是$40上下，決定一試。他們宵夜套餐也有好幾款選，最後我是選焗豬排飯再加一杯凍奶茶少冰，等了一會，茶先上，飯再來，飯的份量算合格，是新鮮焗出來，豬排選料也是不錯，肥瘦適中，味道合格，特別要讚是飯中的紅蕃茄，可能蕃茄新鮮，焗出來吃很美味。凍奶茶也OK,我要少冰慢慢喝，喝到最後就算冰溶了，但奶茶味還是香濃的，賣單$41, 性價比已很好，沒有投訴了。宵夜想平平地食，可以一試。

午膳時間於新金鹿茶餐廳用膳，餐廳未滿，入內自行找座位，招呼一般。吃了一客焗豬扒飯，豬扒鬆軟度可接受，但肉香淡了一些，味道主要還是要靠蕃茄醬汁的酸甜味道。焗飯口感上較濕較腍，有欠焗飯熱氣騰騰的感覺。羅宋湯味道頗為濃郁，偏甜，OK。

我本來係OpenRice只睇唔寫，但今次真係忍唔到。話說我地今日去呢間茶餐廳食，今年加左好多價，又難食又細碗之餘都算，服務生既態度可以話係前所未有的差！好似佢地明明見到你，卻仍然完全唔應，我仲以為我死左係一隻鬼。咁都算啦，人地真係只得一兩個毫子，佢地居然係咁話人無賴，又話要趕人走。你唔好同我講香港法律，我知法律係允許你唔收毫子，但無情情話人無賴，仲要講曬粗口咁趕人走。大佬呀，我駛唔駛向你下跪呀！我地都講曬唔好意思，仲想點？我未見過有餐廳咁樣對客人。客唔係大曬，但唔係狗黎，唔係俾你地咁樣對法。呢間嘢簡直。。。。唔駛錢都唔會再係呢間食。

最近餐廳食物已加價約20%，但服務態度及衞生程度每況愈下。坐下時發現啲餐具大部分有漬，於是叫伙計更換，但回應是：你自己用茶洗下啦。真係不知所謂！好啦，有個肯幫你換，但係換咗支攣嘅叉嚟，點呀！？決定以後唔再幫襯！😡😡😡😡😡

Sogo感謝日接近尾聲，梗係盡最後努力血拼！ 坐車去到銅鑼灣，先在後面街茶餐廳醫肚先啦！ 魚柳沙律：件魚柳唔腥又冇雪味，附上嘅係千島醬唔係普通沙律醬，令成碟沙律升價，抵讚！ Ｄ沙律夠多用料夠豐富（有粟米粒，菠蘿，甘筍粒，椰果，青瓜粒等）而且整體撈得好均勻，味道唔太酸！ 凍央：簡直係冰鎮！ 冰粒多但無損成杯央嘅味道。

我們要去看電影,因此在看電影之前來這裏吃飯。貪其方面就近。 店內卡位頗多，椅背也夠高。我們坐下來看餐牌後，都非常後悔選了這家茶餐廳，因為實在是貴得讓人吃驚，一個在普通茶餐廳以廿多元吃到的常餐，在這裏竟要三十八九元，更是不包飲料；我要的魚柳薯條，要以兩元才能加熱奶茶，媽媽的牛腩撈麵則要另加六元才有熱飲，實在貴得太過分了。 且看食物的份量吧，實在很少，我的魚柳薯條，魚柳和薯條都炸得很乾，魚柳也很細。勝在夠熱和夠新鮮，這是唯一可取的地方。 至於牛腩撈麵，牛腩實在太鹹，吃完之後媽媽整晚都在不停喝水。 熱奶茶方面，夠香濃軟滑。 因為價錢實在太貴，我猜以後我們都不會來光顧的了。

早上，有充足的時間就決定在銅鑼灣下車。找早餐，當然先以老字號行頭，食左一間在老銅屹立多年的茶記先。在近Sogo的駱克道同謝斐道，店舖的租金也相對的貴，充滿小食肆的這兩條街，除了近灣仔地鐵站的一段，要找回一間平民化的港式茶餐廳，真是買少見少。而呢一間新金鹿，多年來都是帶點簡單，帶點骯髒。當年不是在銅鑼灣一帶打工的我，對呢一間野從來看不上眼。但現在為了增加篇幅，反正又路過，試一試吧。叫了一個扒麵套餐，有一個奄列，餐飽，都麵同奶茶，咁多樣野只是收27元，難怪此餐廳人群不絕。奄列，餐飽，奶茶，只是普通的質素，蛋就煎得過熟，沒有蛋漿泡出，味道就全靠火腿支撐，餐飽是甜餐飽，軟綿綿，感覺幾好。此早餐，唯一令我開心的，就是杯質素不錯的濃滑奶茶。 麵，我要的是豬扒麵，麵來到時，我還差一點想投訴...若不是看見豬扒有骨，我真的以為是一碗豬肉肉片麵。證明了，塊扒薄得可憐。味道，就是一般沒有味道的光身麵麵底及湯底，豬扒沒有肉味，沒有帶起湯的味道，豬扒沒有咬口，食左等於冇食...... 早餐質素未夠好，地方不覺衛生.......食了這一份早餐才知

下午茶，全涷干炒牛河，微暖楊州炒飯，得個甜字凍檸茶，半暖熱奶茶，勁淡柯華田，瘦身雞肶沙律，拿支飮管都要三分鐘，特別要講碟牛河，喺冇可能好似炒完放咗一個鐘咁，返炒完鞋到唔想食，一定冇下次。

七月二十七日 (星期三)今晚做完gym,到了金鹿吃晚餐爽快的,點了常餐快餐各一常餐沙爹牛肉米份量夠足不過湯卻相對較少,牛肉很腍沙爹醬惹味非常別給其名字騙到,其實只是一般的火腿炒蛋味道一般,炒蛋過熟麵包,吃得出是用了粗糙麵粉所製質地頗硬,口感差快餐較特別的組合漢堡扒沒有太大期望,欠肉感反而煎雞扒有點驚喜雞味豐富,外脆內嫩,算是收貨之作這裡的一個普通的快餐要差不多四十元其他小菜客飯更要五六十元,通脹問題很嚴重!

今日行到銅鑼灣有d餓.去到新金鹿見有好多名人相合照就試下...點知!叫左個"麻辣豬扒米線"同晚餐"咕嚕雞球"飯!酸辣豬扒米線 - 個賣相已唔吸引!完全唔覺得似酸辣- 普通煎豬扒一件,冇分開上浸到豬扒"梅梅"地,骨佔三分一件豬扒.- d湯啖.唔多覺酸辣,反而酸菜就辣! $38 凈一碗米線...貴"咕嚕雞球"飯- 個賣相都ok! 聞落幾香, 食落味道可以!- 雞球d炸粉多左d,雞肉細d- 有湯及白飯, 要飲品加$5$50個餐比較貴! 整體上唔掂! 價錢又貴,D味唔多好! 唔會再去食!

四月上旬‧晴不是說這裡的環境很好，就是因為卡位夠多，地方光猛，又有電視看，如果要找個地方坐下寫點東西，是個很不錯的地方。要了杯熱咖啡，雖然濃，但苦，亦有微酸味，唯一一個好處就是，夠熱！當然這裡沒有wi-fi及電制，但已很不錯。13元一杯咖啡是貴了一點點，但至少都值笑面一個。