影片
開飯介紹
在日語中，「悠」（Yururi）的意思是「團爐」，顧名思義，店子的構思是希望讓客人團坐爐邊，悠閒地吃火鍋。為了貫徹這理念，店內的裝潢用上大量和紙、古和服、竹和石等材料，營造出一個寫意安逸的環境。座位大多以卡位和廂座為主，每一個都以紗簾或花木雕飾隔開。
繼續閱讀
營業時間
星期一至日
12:00 - 15:30
18:00 - 01:30
以上資料只供參考, 請與餐廳確認詳情
招牌菜
星期日下午想在銅鑼灣找東西吃,原本想吃和民,但發現和民旁邊的yururi未食過,而且價錢不貴,所以即時改變主意。我們走入食店,但侍應隔了一分鐘才招呼我們,我發覺全店只有兩個侍應,反應明顯比較慢。而且店子格局奇怪,我們的枱沒有侍應走過就沒有人招呼。店子不隔音,有客人大聲說話,但侍應沒有任何action。下午茶menu得自選下午茶套餐,包括迷你飯(六選一),迷你麵(四選一),有炸物,刺身,兩小碟前菜,甜品,餐飲。價錢是根據迷你飯配搭而定。滑蛋雞肉飯($45): 很好味,雞肉很嫩,蛋也很滑。不過汁過多,食到最底,隻碗都係水。冷稻庭烏冬: 普通,份量真係好少。刺身: 得一片三文魚和一隻甜蝦,都幾大塊同大隻。不算上等貨色,中規中矩。炸物: 雞軟骨,炸得略耐,有點乾淨淨。前菜: 有芽菜,酸蘿蔔,菠菜等,份量的骰。笑來美: 笑來美即是糯米滋伴紅豆容,軟林林,外面醮上黃豆粉。男友覺得好味,所以點了一客下午茶set(配雪糕及飲品$36)。
繼續閱讀
呢日同朋友睇完"INCEPTION"後續DINNER, 想食未試過既日本野, 就去到呢間"悠"試試...可能用左成2個半鐘睇套咁有深度既戲, 所以特別肚餓; 3個人叫左好多野:-申燒拼盤 : 入面有元貝, 露筍牛肉卷, 牛舌, 墨魚咀, 鴨舌, 雞膝軟骨, 雞腿肉, 蜜味燒雞翼-) 元貝, 露筍牛肉卷都唔錯; 鴨舌同墨魚咀好特別好少有; 牛舌好軟熟不過味道唔名夠; 如果整體的味道再加強少少, 會多番D風味天婦羅烏冬 : 味道不錯, 不過隻天婦羅直接放係湯度, 所以已經淋左D...最好都係分開上囉...芝士三文魚卷 : 芝士味唔夠, 但卷本身幾好食雜錦天婦羅烏冬壽司御膳 : 鳥冬入面有牛肉,冬菇,金菇, 溫泉蛋, 幾隻蜆等; 牛肉有D老, 同埋又係放了隻天婦羅蝦係湯入面, 點解唔放埋係另上既天婦羅到呢? 蜆有D腥, 總體一般壽司有5件, 都係手握壽司, 有帶子, 鰻魚, 墨魚, 三文魚同吞拿魚, 全都很新鮮很OK炸忌廉蝦餅 : 開頭以為入面係固體, 切開原來入面好CREAMY , 有D似濃濃既龍蝦湯咁味, 幾特別炸蝦餅 : 嘩..原來我地叫左好多蝦顃既野, 相比炸忌廉蝦餅, 呢個平凡左少少, 有D似食麥當當既蝦堡咁...入面有打溶左既蝦醬, 亦有D細蝦肉粒炸雞軟骨 : 呢個唔得, 太油, 太椒鹽FEEL, 一D都唔日式黑椒牛肉片 : 肉質OK, 味道亦都係有待加強...費用TOTAL差不多480, 唔係話好貴, 味道有D唔錯, 由其係壽司類, 但係牛肉類就有待加強調環境唔錯, 卡位坐得幾舒服又唔噪, 裝修都幾靚
繼續閱讀
成日經過,, 但係每次都去左隔離間和民....今日終於決定要去試一試...去到都係好多人係門口等位,,, 原來全部都係等和民...帶位個個唔知點解要帶到我坐最入個個位..唔入尼都唔知呢到原來係咁大, 有咁多位...不過都好多空位,, 唔係太多人食....餐牌有圖片所以都幾容易揀食咩好...但係唔知係咪因為LUNCH,, 就冇小食...坐部都係定食... 不過都好大份,, 但係如果SHARE又應該唔夠食...結果我叫左.. 和風牛肉烏冬加五件壽司定食. 和風牛肉烏冬 個湯底冇咩色... 我初初以為會冇咩味...但係試下就覺得佢清得尼都幾好味...手打烏冬既質感一般,, 粗幼都好平均. 不過就有D味切開...牛肉好硬,, 而且冇咩牛味,,, 其實略過左D牛肉個烏冬就好好味喇. 五件壽司 有帶子, 燒鰻魚, 魷魚, 吞拿, 三文魚. 有驚喜,, 我諗住呢到唔係專做壽司既應該會係一般,, 點知比預其中好...
繼續閱讀
一大班朋友想找一個食物好味又可以坐得久的地方，本想去和民但要等位，於是來了對面的這間店。 老實說有點驚喜~早前都來過了幾次，今次來發現增加了不少食物。彩花卷: 有三文魚、吞拿魚，醬汁有2-3種味，配合不同的魚，本人最愛忌廉蝦薯餅: 自己好喜歡食薯仔，覺得不錯，但由2件變1件就變相貴左，好唔抵饅魚飯+牛肉飯: 饅魚ok，牛肉一般，最後牛肉飯慘遭遺棄蒸蛋: 跟餐附送，也可散叫，幾滑，但一個人食哂一個都好滯壽司+雙色冷麵: 味道不過不失，壽司真係好普通，冷麵盤的傾斜設計好好，可以把醬汁落下去而麵又不會吸了太多醬汁漢堡扒:最最最好味!!!好juicy!!!!好有驚喜!!本來以為這裡以日式食物為主，估唔到漢堡扒咁好食!!! 配菜薯角都好好味!!可能因為本人中意食薯仔~
繼續閱讀
星期六和男朋友得閒去恆隆,見到餐牌的食物好吸引,打算一試.首先講帶位小姐的態度唔錯.跟住入到裡面坐好,發覺一陣酸味,我諗因為人少吧.然後找人order時,那位小姐用十分之有氣勢加面朝天仰45度角同我地講"落order呀",雖然這句唔多特別,但我地聽到係"你係唔係想打呀"......跟住d食物到左,發覺賣相唔錯,好吸引,值得一贊的係,圖片與真實食物係一致的,食到我地都幾飽.結論~味道：ok , 環境：表面上ok , 服務：差 (不單只幫我地order的小姐,其他的全部都唔得,個個都黑口黑面) , 衛生：表面上ok , 抵食：幾抵食,唔錯.
繼續閱讀