影片
特色
慶祝紀念日
營業時間
星期一至日
12:00 - 15:00
17:00 - 02:00
以上資料只供參考, 請與餐廳確認詳情
諗住同朋友黎食燒肉，點知上到黎發現招牌唔同左，變左隻熊仔!!我地以為德家執左啦，但係仲見到以前個經理同d侍應，原來佢地轉左營，而家賣漢堡扒~~新舖叫做asakuma，冇中文名，新餐牌定價比以前低，不過個經理話岩岩開始轉營，餐牌上ge選擇比較少，過多個星期就會有多d喇...我地3個人，叫左1個芝士羅馬菜沙律，1個西班牙拌八爪魚，1個超級漢堡扒同埋芝士野菜漢堡扒。沙律d菜好新鮮，仲有好多芝士^^，西班牙拌八爪魚個汁好特別!!!超級漢堡扒同埋芝士野菜漢堡扒都用鐵板上，好香，漢堡好多肉汁，yummy~~下次可以再黎~~
繼續閱讀
好耐冇上黎食飯喇，今次約埋幾個朋友仔黎食飯，其中一個仲係牛魔王!!今次我地5個人，待應話星期一至星期四所有套餐都有85折，好似好扺...所以我地點左個2人套餐A，份量已經夠3個女仔食!!(除非個個都好大食啦...)套餐入面已經有牛脷、牛排，仲有和牛添呀~~好有牛肉味為左滿足個牛魔王，我地仲加左份牛柳粒，燒到個皮脆脆地，但係中間林林地，超正!!食得出佢冇用鬆肉粉，好有咬口!!當然唔可以錯過我地最愛ge生牛肉絲，食完套餐果份都仲要加多份
繼續閱讀
友人提議食日本燒肉，在街上猶疑了很久，想了很久，見這間在派傳單，又未試過，便決定一試！上到去，一個客人都沒有，心知不妙，但同行友人好想吃，便算了吧。有很多套餐可選，我們點了299任食燒肉的餐，所有貴價肉都不能點。雖然還有很多牛款可選，如牛舌，牛柳，牛排，牛肋骨，每碟分量都算大，但每碟上的牛肉都好像不太新鮮，顔色是深紅，煮后D味又怪怪的，沒有應有的牛鮮味，反而料就很重味！每种牛款叫了一次后都沒有再叫了！擔心吃下會肚子疼其他的肉類都是普通貨色！整餐的印象都不太好，反而熟食比較好味，日本年糕好得，炸得幾脆！不過想叫多一碟日本年糕都不可以，真的是只限你吃一個半小時而已！令人有點失望！服務不好，明明沒叫的菜，但跟我們說一定有叫才送來，我們堅持一下才收回！食物水準，服務，價錢不符時，我應不會再來了！
繼續閱讀
一個人去食個LUNCH,由於是平日兩點鐘,午飯人客已所剩無幾。坐低之後,侍應遞上午餐餐牌,細心介紹其中兩三款SET,終選擇吉列和牛漢堡定食。等約十分鐘,吉列不且香口,和牛漢堡預屬一般,不過肉味尚算可以。飯後叫左女侍應送上晚餐餐牌看看,亦有細心介紹,態度有禮。
繼續閱讀
想食燒烤, 上左openrice睇, 就揀左這間. 因為係星期日, 無 discount, 我地無 make reservation. 20:00pm 上到去, 等左一陣. 我地得兩個人, 個 server 俾左張二人單邊枱我地. 後來有張四人枱, server 主動換俾我地話舒服D. 咁好服務, 值得加分. 其實個 MENU 有好多不同的套餐. 可以單點, 有 buffet $288 $388 $488, 2 人 set 又有幾個不同套餐. 我其實覺得選擇太多, 我唔知點叫好. 飲左大約 2 杯茶, 叫左個 $688 套餐. (我擔心 buffet 會俾佢地罰錢, 因個 MENU 好大隻字話食淨幾多要按 50g 罰錢, 仲只得 90mins食)$688 套餐有: 兩杯 Soft Drink - Lychee Drink, Pear Drink. Quite good.SALAD - Dressing 唔錯. 係酸醋汁 (好似千島汁), 做前菜好好. 韓式前菜 - 麻油菠菜, 麻油豆牙, kimchee, etc. 牛舌 - 均勻切片 1mm ~ 2mm, 有幾片燒得好跪 cruncy!!!牛肋肉 - d肉好有味牛柳 - 燒到黑炭咁, d肉依然好稔兩個扇貝 - 幾好蔥絲加雞肉 - 味就夠, 但切得唔平, 好難燒得好. 全雞脾肉.兩個湯 : 牛尾湯 (GOOD, 真係有牛尾), 東菇海帶豆腐湯 (唔得. 豉油味重)~~~*** 其實我地以經好飽 ***~~~蒜茸牛柳粒蛋炒飯 - 飯幾好, 蒜茸仲生. 可能用 kimchee 炒會好D.甜品 - 兩碗有 D 細湯丸, fruit punch 雜果, 上面一 pet 紅豆榕. 太甜, 我情願要碗淡淡地"海帶綠豆沙"份量好夠, 我同老婆見到個炒飯以經支持唔住. D 牛牛每碟都有十多片, 好大份~~埋單有口香糖去口氣. 好細心.. 味道 : 食到後邊, 稍覺得甜左D.環境 : 食完又無油煙味, 抽風好好... 有多部大 LCD..服務 : 好 welcome feel. 如果可指導下點燒得 cruncy D, 就更正~~衛生 : 完全唔擔心. 抵食 : 連加一$760, 同去帝苑食個 buffet 無多大分別.. 正因為咁, 比較少人. 情侶約會的推薦. 追到女, 物有所值!
繼續閱讀