影片
開飯介紹
近水樓台座落在香港國際機場的核心地段。在擁有視野廣闊機場景色的精品中菜館，細意品嘗多款經典粵菜，絕對可以滿足味蕾及視覺的享受。憑雅致裝璜，別具氣派的氛圍，近水樓台帶來高水準的中菜餐飲體驗。
繼續閱讀
特色
浪漫情調
慶祝紀念日
附加資料
只招待會員。
營業時間
星期一至五
11:00 - 15:00
星期六至日
全日休息
公眾假期
全日休息
以上資料只供參考, 請與餐廳確認詳情
招牌菜
裝修豪華嘅《近水樓台》，一直係機場員工嘅高級食店，最近，<近水樓台>亦都因應抗疫情況, 為員工提供外賣自取。適時嘅應變，呢個實時都10分便利員工👍🏻我講返食物質素啊 食物嘅主菜食材都比較多，例如是日叫咗咖喱薯仔炆雞, 飯很大碗，雞嘅數目都有接近10件，價錢CP值高$42
繼續閱讀
近水樓台最出名係佢個停機坪無敵 view,可惜今日煙雨朦朧，乜都睇唔到😅呢個廣東點心套餐，每位盛惠$180，另加茶界$35。個雞絲燕窩羹得過鹹字，點心拼盤欠鮮味；order左蜜餞欖角骨同豉椒咸酸菜炒牛肉，味道賣相均欠佳。仲要個侍應態度非常敷衍，價錢和服務成反比👎🏻
繼續閱讀
今日lunch 無帶飯，之前聽同事講office樓上果間中菜廳做外賣，價錢實惠，第一次買外賣用mastercard俾錢可以減30蚊。佢普通一個外賣賣緊60蚊一個，宜家30蚊可以成交，真係好吸引。我早十五分鐘用OpenRice app落order, 佢每日都有4-5個choices, 而我今次揀左滑蛋涼瓜炒牛肉配絲苗米，飲雀巢檸檬茶 （佢仲有烏龍茶揀）佢好準時就有得拎。食物份量算多，飯同餸分開上，前菜有yip青瓜，好食😋呢個肺炎疫情咁緊張關係，呢個外賣選擇算是唔錯啦😌
繼續閱讀
我係用美國運通卡果個優惠，本身2大1小，有兩張卡，到達方知原來三歲以上要有卡或需要付費食同一套餐，否則不能入，亦未能叫其他野，當時條款係無寫。但佢又比外賣喎，最後我們便係街食左個餐了。其實幾歲小孩，成個餐跟本食唔曬，唔係錢問題，係浪費。而比我外賣，亦不環保，要知道小孩入內，最多坐多個坐，食物無多到，亦唔䁛有成本分別，不似一般候機室任食。如果唔係信用卡包，都唔會知哩間無生意餐廳。再者，而家都唔會再去，處事太差了。
繼續閱讀
不嬲都有用Amex張Cathay Pacific card，相信唔少人都知用個張卡同boarding pass可以入Plaza Premium Lounge，今次本身諗住去T2個個，點知裝修，不過門口有告示牌話可以去呢間近水樓台食一個餐，咁所以我地就去喇要出另一棟大樓再搭lift，唔算好遠但抽住行李就有啲麻煩。上到去個環境都唔錯，應該係平時飛行學校/寫字樓啲人食野既地方，算靚既代替lounge entry既就係食一個set，有湯有點心同埋可以揀一款小菜，我揀左菠蘿咕嚕肉，朋友就揀左蝦球。湯我地都揀左粟米蟹湯羹，幾好飲。點心方面都一般啦，唔係好高質個隻，都似平時係lounge任攞個啲質素。小菜我覺得都ok，算係正正常常，蝦幾大隻。總括而言，用信用卡優惠食都算ok，係機場等既時候坐下填下肚飲下茶都唔錯
繼續閱讀