影片
港鐵葵芳站 D 出口
繼續閱讀
電話號碼
61089422
營業時間
今日營業
12:00 - 21:30
星期一至日
12:00 - 21:30
公眾假期
12:00 - 21:30
公眾假期前夕
12:00 - 21:30
以上資料只供參考, 請與餐廳確認詳情
.#foodie #hk #hkfoodie #HTB美食推介【葵芳泰式外賣店｜主打香蕉煎餅及袋裝飲品🫓🍌】葵芳出名都多唔同隱世小店，所以方便、細細份、可以拎住行住食嘅，絕對係大多數人嘅選擇！哩間泰式鋪頭細細間，但佢嘅裝修好有泰式風味，成功吸引咗小編過去試下👀.🐨法式焦糖香蕉煎餅 $40推薦度：⭐️⭐️⭐️⭐️⭐係香港好少地方可以食到泰式香蕉煎餅，呢一間即叫即整，熱辣辣加晒分！煎餅係以半煎炸方式，煎到外皮薄脆～ 法式焦糖口味更加係佢哋首創嘅添！又點可以唔試吓呢？外面加咗焦糖，令到外皮變得更加脆口，但又可以保留到本身餅嘅酥脆口感，設計認真花過心思～ 內餡同外面都分別有香蕉片，份量豐富所以食到濃濃香蕉嘅香同甜味，口感同焦糖都好配合👍 行過嘅朋友，不妨可以試吓！份量都非常之多兩個share食都唔過分🫶🏻.🐨炸饅頭（2件） $15推薦度：⭐️⭐️⭐️⭐炸饅頭同樣都係即叫即炸，外面炸到啱啱好金黃色，唔會令到個饅頭好乾或者好硬～ 保持到本身饅頭應有嘅鬆軟度。另外喺表面輕輕唧咗少少煉奶，唔會太甜，份量同味道都啱啱好！.🐨泰式奶綠 $20推薦度：⭐️⭐️⭐️⭐️平時慣咗喺香港都會係膠杯裝，見到佢圖顯示係用袋裝，睇黎想還原返泰國嘅感覺😂 不過小編之後要做嘢，所以都有問店員可唔可以唔用袋裝...... 店員好好，轉咗個熊仔樽俾我，既得意又實用🫶🏻 味道方面，飲落都好順滑，奶味好出，後勁就有淡淡綠茶，神還原泰味道！——☼——☼——☼——☼——☼——蕉積妹📍地址：葵芳葵富路7-11號葵涌廣場3樓301E號舖🐨推薦度：😋😋😋😋/5 💰人均價格：$50-100🪸環境：👾👾👾👾🗣️服務：👍🏻👍🏻👍🏻👍🏻👍🏻📸食物打卡度：💡💡💡💡🛠️分類：#HTB葵芳 #HTB泰式.#葵芳美食 #葵芳 #泰式 #小食 #煎餅 #袋裝飲品 #外賣 #美食推介
繼續閱讀
落大雨最好去商場hea，是日就黎左葵廣掃街。呢間蕉積妹想食好耐啦，但平時經過無乜心機等，是日個fd都想食就可以一齊排😆⭐花生醬香蕉煎餅幾款口味都想食，先試花生醬吧🥜煎餅塗左勁厚花生醬，extra加Oreo碎，仲有煉奶係面，熱量真係唔講得笑😆入口好香脆，連邊邊都沾滿醬料㗎🤤入面係煎熱左嘅香蕉，甜得黎帶少少酸，花生醬又鹹鹹地，成個煎餅好食到無得彈🤤好好食兼邪惡感滿滿，哈哈，間中淺嚐無問題嘅😘⭐炸饅頭朋友話要食埋個炸饅頭，叫左四個，即炸起的拎上手超熱，好香脆，最正係勁多煉奶😍⭐泰式奶綠食左咁多煎炸野，食返個凍奶綠先，泰式的膠袋包裝好啱打卡，夠得意呀🤭茶香又冰凍，正👍食完都飽左，仲點去掃下一間😂
繼續閱讀
葵廣三樓終於有泰式香蕉煎餅賣啦！平時去泰國旅行日日食，今次香港都有，仲要係即叫即炸，熱辣辣！好感動🥲。榛子香蕉煎餅：等大約10分鐘左右，即製剛炸起的煎餅到手，熱燙非常！聞落好香香蕉味，煎餅半煎炸，煎至外皮焦香金黃薄脆，喜歡內餡熟透香蕉棉蜜口感，表層加上邪惡榛子醬同煉奶，但味道不會過份甜！趁熱食一流。炸鮮奶：外層炸至金黃酥脆，咬下時會發出卡卡的聲音，內饀則是柔軟、滑嫩的鮮奶凝固體，散發出濃郁的奶香甜味，外脆內軟！奶香十足，又不會死甜。泰式奶茶：用上袋裝上冰奶茶，跟泰國一模一樣，風味十足。一大袋兩人飲的好飽，喜歡其奶茶有就到香港人口味甜度適中， 不是泰國飲到個隻會打冷震。總結：濃濃泰國裝潢風格 即叫即製香蕉煎餅
繼續閱讀
泰國香蕉Pancake終於降臨到葵廣啦！🍌法式焦糖香蕉煎餅即叫即炸，大約等10分鐘左右，聞落香噴噴，煎餅入面包住香蕉肉，煎餅面層有燒過的焦糖香，微微焦黃色外層酥脆，入面柔軟甜蜜，賣相非常吸引，整個煎餅唔會太油，味道唔會過份甜，記得趁熱食！🍞炸饅頭外層炸得金金黃黃，火喉控制得好，外脆內軟，配煉奶係完美結合！🍵泰式奶綠本身想嗌泰式椰奶，但已經賣晒，但錯有錯著奶綠真係驚為天人，首先，唔會太甜又有綠茶香氣，夏天飲真係透心涼又爽！
繼續閱讀
蕉積妹 (葵芳)葵芳葵富路7-11號葵涌廣場3樓301E號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：法式焦糖香蕉煎餅 $40，炸鮮奶 $30，泰式椰奶 $20法式焦糖香蕉煎餅：煎餅非常大份，即叫即炸，熱辣滾燙，惹味非常，煎餅有著香蕉內餡，面層再放上4片香蕉，帶來了一種既甜蜜又滿足的味覺享受！😄😄😄炸鮮奶：外層炸至金黃酥脆，內部則有濃郁的鮮奶，香甜可口，每一口都充滿了奶香的滋味和酥脆的口感，令人愉悅！👍👍👍泰式椰奶：椰奶濃稠甜美，濃郁的椰子味和奶香味撲鼻而來，以膠袋盛裝，附以冰塊，飲落冰涼透心，帶有淡淡香甜，口感滑順而豐潤，令人感受到泰國的風情！😍😍😍
繼續閱讀