影片
開飯介紹
屹立於葵廣內的車仔麵檔，配料選擇多，抵食、地道。沙嗲辣汁及秘製醬汁乃其麵食之靈魂。
繼續閱讀
營業時間
今日營業
06:00 - 00:00
星期一至日
06:00 - 00:00
以上資料只供參考, 請與餐廳確認詳情
係葵青區長大，都對呢間車仔麵唔陌生讀書嘅時候成日食之後大個咗去返工都一樣係咁好食車仔麵方面一定要推介豬紅，雞翼，咖喱魷魚同埋大腸😝仲要加埋佢個辣汁小食方面每次去都一定會食佢哋個腸粉，中學既回憶返曬黎
繼續閱讀
車仔麵套餐 ($52)醬爆肉丸五香豬頸肉牛腩魚肉條菜肉雲吞蘿白嚟到葵廣就緊係唔單止掃街啦，其實仲有好多唔同嘅餐廳，其中就想介紹下一間好好味嘅車仔麵。首先鋪頭嘅位置真係好多，基本上都係唔使等好耐就一定會有位😆😆而且亦坐得好闊落，有時行到攰嘅落嚟坐低休息食個麵都係唔錯嘅選擇👍🏻首先想介紹下牛腩同埋五香豬頸肉，加上秘製醬汁同腩汁嘅湯底真係一流。牛腩長期浸住腩汁真係好入味，而且咬落口亦都好淋，唔使點用力都已經可以咬開🤩而豬頸肉就係好大塊，數量亦都係幾多，每舊大小都係切得啱啱好。另外就會想推介下餐廳嘅蘿白，只可以話係好好味😍😍咬落完全無渣，而且我估餐廳應該都係一直用糖水嚟浸住，令蘿白都係偏甜，之後再加埋腩汁就真係好出色😝大家嚟到葵廣都可以試下架👍🏻評分：9/10葵芳葵富路7號葵涌廣場地下A15號舖
繼續閱讀
放工肚餓去葵廣醫肚，貪方便同快咁去食車仔麵，估唔到有意外驚喜。車仔麵配料有多達52款，選擇困難症又發作。$52三餸麵，結果再加兩款餸，因為實在樣樣都想食啲。作為食肉獸，點咗五香豬頸肉、豬大腸、牛腩、滷水豆腐同埋菜肉雲吞，配粗麵。其實可以改配腸粉，見對面位女士食腸粉，可惜本人麻麻腸粉。五餸麵好豐富，岩曬極餓嘅我。個人最愛係五香豬頸肉同豆腐。豬頸肉肥瘦適中，食落唔會肥膩或者成口油，口感偏爽口。炸過嘅豆腐再吸滷水汁，好入味，帶少少甜味，唔會死鹹 。豆腐有厚度，咬落夠實在。菜肉雲吞食落新鮮。豬大腸清洗及烹飪處理得好，唔會有內臟味。牛腩嫩，仲有一兩舊牛根。湯底係特製小辣，惹味，但唔夠辣，早知叫辣啲。不過可以加辣菜甫。簡單又滿足嘅一餐，下次黎葵廣除咗掃街仲可以食車仔麵。
繼續閱讀
好耐都無食車仔麵啦！今日同朋友講起，原來都有同感，於是就來左呢間位於葵芳葵富路7-11號葵涌廣場地下A15號舖噶孖寶車仔麵，呢間都開左好多年啦！日日都咁多人，外賣又有，堂食又得，正啊！價格親民抵食。服務態度都好好，姐姐好熱情落單點左2個車仔麵加一個小食。雞中翅，滷得入味，但唔會好鹹，皮還有少少彈牙，肉質口感緊實，還有少少甜甜地。豬紅咖哩魷魚雞中翼孖寶辣汁米粉，佢嘅辣汁真係要試，唔食得辣嘅朋友可以好似我咁叫小辣，都好惹味，豬紅鮮嫩滑，咖哩魷魚入味彈牙，米粉軟硬度剛好。份量剛剛好。牛雜回鍋肉孖寶辣汁米粉，牛雜超多鋪都滿曬，煮到剛剛好，牛肺牛腸好入味，牛柏葉爽口彈牙。鍾意食牛雜嘅朋友真係要食。車仔麵真係好正，選擇又多，配一碗自己喜歡嘅麵食，又係超滿足嘅一餐。
繼續閱讀
好耐冇行葵廣，同行朋友買到一袋二袋，想掃街但拎住咁多嘢，實在太唔方便，最後揀咗最下層間食車仔麵食嘢，順便休息一下。自選三餸都係$52，包熱飲，凍飲加3蚊。我就叫左幼麵底，菜肉雲吞、雞腎、咖喱魷魚秘製醬汁，鹹香惹味，一定要加菜甫咖喱魷魚索晒咖喱汁，又彈牙，最鍾意佢分湯上。朋友就係雞中翼、豬大腸、豬紅雞翼同豬大腸都滷得非常入味，不得不讚。另外仲叫咗碟腸粉一齊開心食多醬走辣，的確好食。飲品大大杯，有下次。
繼續閱讀