影片
佳景已經係25日結業了～～果日我撘車返工時見到佳景個鋪位入面d野冇晒初時以為佢裝修當晚返到屋企上網係facebook見到有人話老闆娘因年紀大同貴租所以要結業真係好唔捨得以前晚晚收工都會係果度食宵夜最鍾意食佢既雲吞麵d雲吞真係好足料同d麵好彈牙粥底夠靚 煲得好綿每次諗起食麵第一個畫就係佳景唉～而家都已成過去了以後都冇好既雲吞麵了(我認為佳景係我食過最好食既雲吞麵)
繼續閱讀
以上資料只供參考, 請與餐廳確認詳情
由於女友住於附近加上送完女友返屋企後通常都肚餓想食d 野有次走左入去見到有黑柏業食喎呢個年代好少有(可惜既係依家無左老闆娘話攞唔到喎)咪試下羅又ok 喎之後久不久都幫襯發現最正原來係鵝腸呢到既鵝腸唔會太多肥羔最緊要既係佢絕對唔會"淋治治"直情係爽既另外一樣我覺得係好食既就係火鴨絲米(或粥)我通常都一碗鴨絲米加一碟鵝腸一齊黎架
繼續閱讀
會考完 晚晚好夜訓有日11點餓到喊突然又想食粥就落左街搵無意中就搵到E間啦!叫左碗皮蛋瘦肉粥 外賣13蚊粥底好入味唔係得D水味e+晚晚落去食 哈哈
繼續閱讀
呢個米粉我去親都一定叫既!肉丸粥D肉丸好新鮮,呢個都值得推介!脆魚PAY有時好淡,唔夠味!個老板娘都幾惡下,有時入到去都驚驚地!
繼續閱讀
我都係由細食到大... 容我介紹佢特色!新鮮鯇魚皮 - 而家出面好少有得食,我知得葵芳金潮都有,但佳景價錢平好多水餃 - 味道一流, D 唅有shrimp, pork, 雲耳, 筍.... 而家好少做到咁多料...湯底 - 正, 真係自己試麵 - 老闆錄麵技術一流, 我覺得好食過中環個d 麥义記和羅义記粥 - 好有火候, 好似事頭婆一樣其實基本上樣樣都好有水準ps 要忍下事頭婆氣焰
繼續閱讀