影片
開飯介紹
提供全日早餐、手工意粉、手工薄餅等，款式眾多，特別推介手工啤酒烤雞，十分惹味。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
🍴PiPi Pizza 套餐 $388 兩位🍴蕃茄湯 (5/10)係正正常常嘅蕃茄味🦞龍蝦湯+ $18一碗 (6/10)飲比較鹹香，都從龍蝦味嘅入邊有少少龍蝦肉都算合格！附送嘅蒜蓉包就唔夠香脆，蒜蓉味都唔夠香濃，唔好食。🥗泰式柚子墨魚仔沙律 (7/10)食落去有酸甜味，亦都同時有少少辣味，都幾清爽嘅，墨魚仔都好爽口。🍕招牌明太子海鮮薄餅 (5/10)個皮都幾厚，都係鬆軟嘅，普通千島醬，冇乜料，冇明太子味，得少少蟹柳就當海鮮。🍴波士頓龍蝦占米多黑松露關麵 +$88 (6/10)龍蝦個肉鞋口好銀，比較鹹香，有少少黑松露味，正常，但唔值加$88。😘焦糖駌鸯烏龍芝士奶蓋 +$28 (2/10)咖啡味重，幾苦，芝士奶蓋死甜，勁難飲，冇飲到。推薦指數: 5/10$600埋單，只能夠講未如期望般好食。
繼續閱讀
好耐無去homeland今晚朋友gathering 去食晚餐🍽叫咗Pipi Pizza set首先食個沙律，泰式柚子墨魚仔沙律墨魚仔好大隻，口感爽脆👍🏻沙律配柚子汁最清新，低卡路里減肥之選🤣招牌明太子海鮮薄餅明太子配pizza一定非常惹味🤪有唔少煙三文魚，好食👍🏻主食揀咗蒜香辣椒炒大蜆意粉🍝蒜香味道啱啱好，揀咗小辣全碟清晒🥹唔叫要加錢嘅主食或者另外加配食物嘅話只係$388一個餐，三個人食都夠飽，抵！
繼續閱讀
呢間分店既牆壁上到處掛滿咗好有創意嘅畫作，真係好吸引眼球！今次我哋點咗個pizza 2人餐，再加左一樣野食同升級野飲。首先有個鮮打法式龍蝦湯，個湯好濃郁，龍蝦鮮甜無比，配上蒜蓉包真係一絕！跟住有個泰式柚子墨魚仔沙律，酸酸的柚子味同墨魚仔、沙律菜啱啱好，食落有種清新嘅感覺。重頭戲登場啦！波士頓龍蝦配米多松露闊麵，龍蝦鮮美肥美，加上松露嘅香氣，真係奢侈到爆！招牌明太子海鮮薄餅都好正，個餅底脆脆地，配上鮮甜嘅海鮮同濃郁明太子醬，真係口口都滿足。講到飲品就更加不得了啦！有玫瑰荔枝果肉芝士奶蓋，荔枝味鮮甜，加上玫瑰花瓣嘅香氣，真係好特別。焦糖鴛鴦烏龍芝士奶蓋都好吸引，甜甜嘅焦糖同烏龍茶香，配上 creamy 嘅芝士奶蓋，真係好正！其實我哋仲加多咗一味，就係香草蒜香焗田螺拼薯蓉。田螺煮得剛好，配上蒜香薯蓉真係好match！呢間餐廳嘅食物真係令到我哋食指大動，無論係主餐、小食定甜品，每一味都好有水準，加上獨特嘅裝潢設計，真係係食西餐嘅好選擇！如果你想搵食西餐，不妨考慮下Homeland，保證你有個驚喜嘅體驗！
繼續閱讀
一開始強迫顧客手機落單，但由於手機程度過於複雜，請求幫忙人手落單。唯綠色制服經理態度惡劣，最後誨氣坐在桌上為客人下單，每上一道菜如啞巴，更上最後一道菜時呼喝客人：讓一讓丫！怪不得整晚餐廳空盪盪，食物味道一般，青口妨如失左味覺，飲品正常失控，沒有令人失望。入得黎預左俾人兇一晚，不愧係兇land，以為去左欠錢未還遠房親戚既home
繼續閱讀
Homeland 荃灣💡💡泰式柚子墨魚仔沙律，作為前菜嚟講呢一個菜令人非常開胃，我好鍾意佢泰式柚子同埋沙律嘅配搭，冇諗過都幾襯，而且墨魚仔非常新鮮，加埋沙律嘅配搭非常有咬口，令到成個沙律嘅口感提升咗，沙律亦都非常好食，refreshing指數高，口感同埋配搭上都做得唔錯，作為第一道菜嚟講非常有驚喜。💡bbq醬ribs, 作為主菜，呢個係仲會有薯條嘅搭配，薯條即叫即炸熱辣辣，燒烤醬同埋豬肋骨嘅味道非常相襯，而且味道非常好，喺中間落刀，成件豬肋骨就好容易食，非常有肉味，冇諗過呢個價錢都可以食到咁高質素嘅西餐，加埋薯條都幾飽，其實都幾抵食，我會覺得CP值幾高。薯條仲可以點茄汁，餐廳喺擺盤上都有花心思，而且絕對不馬虎，我同朋友都忍唔住即刻攞電話出嚟打卡！💡黑松露牛肝菌芝士薄餅，呢個嚟到嘅時候已經非常香，份量都幾多，每一件pizza都充滿邪惡嘅味道！！！佢嘅黑松露同芝士配搭非常夾，令到入口嘅味道更加好食，黑松露味非常香濃，成個Pizza嘅口感非常高級，我同朋友都非常鍾意食，大份到差啲食唔晒💡芝士蒜香焗西蘭花，只是打算用呢一個配搭不嬲都係非常穩陣，而且佢哋喺控制火候嘅時間做得非常好，西蘭花唔會好乾，而且有埋芝士同埋蒜蓉嘅香味，更加容易入口，我都幾鍾意食！
繼續閱讀