影片
港鐵荃灣站 B2 出口, 步行約5分鐘
繼續閱讀
營業時間
星期一至日
11:00 - 19:00
以上資料只供參考, 請與餐廳確認詳情
招牌菜
嗰日去到熱狗之家，雖然已近12點，但係舖頭仍未正式開門。或者係openrice開門時間有誤？我企係門口望望吓，老闆娘見到我就好有禮貌咁問我係度食定外賣，我話係度食，於是佢即刻開張枱比我坐低。過咗頗耐我都未揀到應該試邊款熱狗，老闆娘見我揀唔到，走過嚟好有禮貌同細心問我中唔中意食辣等喜好，再向我介紹我可能會中意既熱狗。因為個人做決定真係頗慢既關係，老闆娘亦叫我慢慢揀，佢就行開咗，令我完全無壓迫感。真係好欣賞老闆娘細心有禮既態度！其實老闆亦都好nice，見我影低餐牌就即時醒目送上外賣傳單，態度非常之好，無令我覺得影相好尷尬！👍👍👍😆我order咗個三響炮芝士熱狗。落order後老闆娘問我需唔需要飲品，買熱狗包一杯茶包菊花茶，另叫飲品就半價。當我考慮緊既時候，老闆娘亦請我慢慢選擇，佢地整住個熱狗先，需要飲品可以再話比佢地知。去到尼度我真係完全被老闆娘嗰份細心感動到我要打篇食評大讚吓佢地既服務態度。😄雖然好想試吓其他食評讚既hazelnut latte,但係因為怕肥，都係要菊花茶算了。無幾耐，老闆就遞上菊花茶。菊花茶好熱，我等佢再泡耐啲先飲。味道正常，清新之選。等咗頗耐，熱狗終於嚟喇！一嚟到我就聞到好強烈既mustard味，嗰吓覺得不妙，因為我唔係話好中意mustard。點知食落mustard味又唔會過重喎！一點酸，微辣，加上比較漏既早餐腸，恰到好處！另外不得不提既係令我驚喜既既芝士醬。我以為會係好流質既芝士醬，點知咬落竟然有拉絲既效果！重要一直拉一直拉，幾吓之後先拉斷，太正了！至於麵包簡直係尼個熱狗既一大亮點。之前睇過尼間既食評話包既表面烘到脆，實在有啲怕佢會烘到好似法包咁硬脆。結果尼個包係烘到我心目中最理想既效果，包面薄薄的一層微脆，內層仍保持新鮮的那種鬆軟！整個包香甜美味，真係值得為尼個包再嚟多幾次！！三響炮熱狗既重點就係三條腸。個人對腸既認識的確有點混亂，又唔好意思咁蠢叫老闆介紹三種腸，但係我覺得我唔會搞錯既。以下係也許有點核突既三種腸「橫咬面」圖白色既應該係早餐腸，尼種腸比較漏，食得多既話一定會覺得滯！切開成兩部分既應該係兵加腸，尼種腸有啲黑椒，相對野味👍👍。最後係大家都熟悉既法蘭克福腸，因為尼種腸比較普遍，我食既時候就無乜細心品嘗了，不過係好味既！食到尾聲既時候附近既中學都開始放lunch，幾位店主開始愈嚟愈忙，但係佢地都無望我，無比壓力我要我快啲走。唔好意思既係我因為想幫家姐買個熱狗番屋企，食完仍然坐係度等佢覆我要邊款。等到回覆後我就比錢，順便話要多個三響炮拎走。於是我繼續坐係度等，老闆亦無要我企起身等（雖然係無人要坐我個位，但係始終坐位有限，或者有客人會因為見到無位而揀第二間呢？所以始終覺得唔好意思）。等咗頗耐，熱狗做好了！老闆小心翼翼咁拎過嚟，再細心問我要唔要個袋。有袋當然好！於是我就拎住個熱狗快快樂樂咁番屋企喇。真心好欣賞尼間有heart有質素既誠意小店，今時今日要搵咁既服務態度真係不容易。雖然位置隔涉，但係都好希望多啲人會去試吓，支持佢地！個人認為38蚊一個熱狗（最貴的選擇）對比附近食巿係有啲貴，不過又真係好好食，值得既！要數缺點就係熱狗制作真係需時啦！希望尼樣可以改善，同時保持質素啦！
繼續閱讀