樂園茶餐廳 (已結業)

經過求其搵間餐廳食午飯。見佢4X 蚊一個鐵板餐就試下。要自己去收銀度落單, 佢地之後會送餐。竟然有例湯, 係青紅羅白, 又幾清甜, 老火湯幾時都咁好飲, 特別天寒地凍更要飲熱湯。鐵板豬扒有兩大塊炸過GE 豬扒, 如果唔係炸GE就更好, 少肥糕位同骨位, 算係啖啖肉, 唔錯。不過鐵板上桌時已經「滋滋」完, 無得欣賞鐵板個效果。薯條都幾多, 不過炸得乾左D, 另外燒汁唔夠多。不過40幾蚊係幾抵呀

很多時候，也需要獨自搵食，畢竟我就是個孤獨精。靠近香車街街市的樂園茶餐廳，唔知開左幾耐，反正最近才發現，或者係以前走漏眼都未定。午餐之中，選了咖喱牛腩飯。咖喱汁雖算不上很香濃，但用來耮飯，亦不是太差。牛腩份量唔少，但每件都好大舊，同埋未見鬆化。最合心的，是夠粉嫩的薯仔。這裡的熱奶茶，有欠茶香細滑，只是一般。

在外家附近搵到間樂園茶餐廳食埋lunch先返去~麻甩佬餐廳格局~價錢很大眾化~甫坐下伙計便送上免費例湯給我們是日木瓜排骨湯車爸爸不飲生果湯益我飲多碗,夠火喉絕非例水般行貨~車爸爸的鮮茄蛋花牛肉湯泡飯$33真材實料湯底酸香清甜我也忍不住爬了好幾口他說牛肉也頗嫩滑好味呢~我食常餐$31炸菜雞絲公仔麵配即炸豬扒~ 個麵煮得好爽是我最愛的質地~豬扒炸得非常香口又不油膩肉質淋滑味道醃得不錯我十分滿意^0^凍檸檬跟餐+$5味道沒甚特別,熱奶茶跟餐+$3車爸爸略嫌未夠香滑茶濃~