湯之料理 (已結業)

一間不俗既麵店，選擇多，味道都唔錯，只係舖面較細，坐得唔多舒服 ~ 每日飯市都爆滿 ~ 因近年成本高漲，已決定係 2011 年 1月31 日榮休結業喇 ~ 老板娘話做到本月既 31 號就榮休結業喇，要試就趁早喇。張近結業，好多食材已唔再供應，但今日落單位阿姐有啲失準喎，叫四碗麵錯三碗，救命 ﹗見您咁忙，我都唔想煩您架，錯成咁都無計。天下第一重慶酸辣粉大辣，今次都係叫大辣，無上次食咁辣，但仍然食到全身出汗、額頭滴汗。勁辣又勁酸，好刺激，越食越想食，但最衰今次啲湯唔夠熱，煙都無，又唔湯手。可能因今日啲湯唔夠熱，唔夠熱味道都差啲，又油啲，雖然朋友們唔食辣，但都有同感。配菜要豬大腸、雞柳同蘿蔔，腸爽滑、雞柳滑溜，係蘿蔔差啲，唔夠甜囉。薯粉依舊嚥韌、口感滑嘟嘟，好正呀 ﹗ 繼續閱讀

剛才諗住外賣自取，叫左兩食送薯粉，點知返到公司發覺變o左齋薯粉，D丸冇晒，灰。之後打電話，佢話一係過去換番(來回20 mins)，一係下次扣番錢…不過Overall o黎講呢間都幾好食，但就唔好外賣自取，因為漏o左o野佢都唔會有時間理你。 繼續閱讀

D著粉好好食,個豬骨湯又好濃,仲成日有新野出,豬軟骨係一定要食.如果LUNCH去,就會meet到好好招呼的婆婆 繼續閱讀

湯之料理~~~好食~~~正~~~由其係個番茄豬骨湯呀~~~次次去親都會食ga~~~豬軟骨一定要試~~~like食辣既可以選擇大, 中, 小辣...不過我會見意叫中辣...因為呢度辣既定義次次唔同...有次我叫大辣...辣到我食唔倒...但有次我叫大辣又覺得佢唔夠辣...所以大家真係去食既話叫中辣...唔夠辣先再落辣椒油... 繼續閱讀

由於不想食飯（太飽），又覺得食粥又唔夠飽……食碗麵吧！路過該處，其實舖頭同大街有段距離，遠睇基本上睇唔到佢招牌寫咩，但係知道係食店囉！結果八掛行去門口睇，真係食店來的，咪試下囉！居士和友人選了兩款麵！“天下第一”和“牛腩茄湯米線”！天下第一！個名勁到！其實係用一種叫“重慶酸辣粉”做主食，綠色透明粉像啫喱！配以多種配菜如花生、炸菜、莞茜等，彈牙好味！辣度加選大細，唔錯！牛腩茄湯米線！牛腩像日式的，無肥肉而較清淡，女仕該會歡喜！茄湯好味！帶點點酸辣實在美味！而且兩碗粉份量都好足，不用加小食/小菜都好夠飽！基本上佢仲有好多招牌菜，相信日後會再試，希望佢地可以繼續keep住！仲有，老闆娘很好人，佢唔會因為你只叫食又不叫野飲就不招待或不高興，知道我地第一次食都叫我地慢慢揀！ 繼續閱讀