影片
開飯介紹
每天由日本師傳團隊新鮮制造以健康為宗旨,低油--低鹽全部熟食
繼續閱讀
附加資料
免費送貨: 九龍灣(部份地區), 紅磡(部份地區)
其他地區: 須收送貨費, 請致電查詢
營業時間
星期一至五: 11:00-16:00
星期六: 只接受外賣速遞
星期日: 休息
以上資料只供參考, 請與餐廳確認詳情
有日喺民泰街附近經過發現呢間日式便當店. 入到去拎左張傳單一睇, 佢地嘅便當賣相真係非常唔錯!所以我二話不說就買左個返屋企試下啦!西京便當 - 成個便當好似藝術品一樣, 賣相非常吸引. 一望落去你更會發現玉子燒上「森川」兩隻字, 非常之有誠意, 而且每樣食物都擺得好整齊, 真係好靘!但食物嘅味道整體比較淡, 而佢嘅煙肉卷就做得唔錯, 蝦膠入面加入左蔬菜, 成個味道好有層次, 都幾特別.
繼續閱讀
一路很想到這裡買她的日式便當，但始終要找個機會專道而來是未太方便。相隔了多時，最後的起心肝找了個週末中午，在小友上過課後拖著他一同來，買兩個便當回家開餐....一走入店內，看到那個樣子極吸引又可愛的"車車便當"，一向愛車如命的小友便馬上興奮的指著要這個。但對於我來說，全場收費最䀚貴的"西京幕之內"便當反而最讓我著迷....店員很好客，說可免費贈送一小罐蘋果汁及沙律，但小友的咳還未清所以唯有望門輕嘆了....另外她又極力推薦一道的薩摩芋沙律，看起來也挺吸引之餘亦不貴故此也要了....一睇見車車便當的可愛狗仔 (但看來又像似熊仔呢)造型封面盒，也難怪小友對之愛不釋手了....就連我這個大朋友也覺它可愛極...打開盒一看，顏色繽紛多彩，特別是那做成笑臉的飯團就更呈可愛....不過拿起宣傳單張一睇才發現，飯團應是弄成兩架小車的模樣的，這樣才可稱作"車車便當"嘛....此時登時感到失望。但及後小弟惻聞原來以車為造型的飯團是要預訂的，所以今次便原諒她吧....說回食物本身，這類便當最大的不足之處便是所有東西入囗都不是熱的，故此在便當中的好些材料如炸雞伴的味道自然是稍遜一籌 (幸好在醃味上是頗足)；小蕃茄呈鮮紅漲卜卜又夠多汁，小友就最愛吃了；煎蛋入囗凍冰冰而硬實，棄之亦不太覺可惜；兩個飯團中其一是用了沒加味的白米搓成，入口帶黏性米香不甚濃，論吸引力當然並未能與身旁的下了芝麻粒及紫菜碎的有味飯團相提並論。不過那用上了兩小片薄香腸再加了芝士及火腿弄成的笑臉實可以輕易博得小友及本人一笑。若光論這造型來講，就算飯本身有多難吃也能值得諒解了.....收得最貴的價錢，我那西京式便當的用料及賣相亦自然是最好也最"豪"。所有的材料皆放在一個九宮格內。最左面的豎行放了兩種囗味的米飯加上用來醒胃的醃菜。兩款米飯中以加了醃黃蘿蔔粒的來得較有味道；至於呈櫻花顏色的賣相固之然較佳但入口卻是無厘味道的平平無奇；置頂的梅子自不然是酸至令人咪眼的；至於醃菜則主要是子薑片及梅子粒兩種，其中又以前者的辣度夠強勁而令人留下較深印象....中間的一行主打的是不同類別的海鮮 ---- 蝦的肉質夠糯口而鮮甜但爽度就略有不足；帆立貝肉夠厚中間呈半生夠啜囗亦很鮮美，調味上下了點點辣椒粉令進囗沒覺那樣單調；西京燒銀雪魚入囗淡mou mou的反覺甚平凡，肉只是慣性的一味滑但毫無個性已是意料中事；假蟹柳則只空餘一股甜味但鮮味全欠，這同樣也在意料之內；煎蛋的味道及水準一如那車車便當般的不太濟，在此也不再累贅闡述了....最右的一行置上的是別出心裁的煙肉蝦卷，以一片略灸過的煙肉卷進混入了紅及黃蘿蔔的蝦肉，味道好之外也美觀引人；中間的是簡簡單單的小蕃茄及山芋粒；而在下面的則是小朋友的摯愛曲輪卷及魚蛋之類的物體。小友對之自然是愛不釋囗的但對我而言這些"口立濕"的味道當是不太有吸引力....贈送的沙律的蔬菜雖鮮度一般但由於有加入了胡蔴醬汁的關係，所以也不難入口的....那薩摩芋沙律看上去只是一pat紫色的東西，但料不到裡頭也有不少的材料....全部配料皆屬十分健康的蔬菜類，吃後更很飽肚 (由於有大量的紫蕃薯的關係)。味道甜甜的質地也很綿密柔軟，很令人討好。但頗可惜的是原本舖在面上的炸麵條竟然缺貨....不然的話整個沙律的咬口差別會加大，從而更容易令人留下深刻印象....吃畢兩便當後的即時感覺是 --- 賣相及包裝一流，侍者的服務也很好，不過食物就平平無奇....所以在現今飲食業當中要突圍而出的話，好的包裝賣相仍是成功重要的一環呢.....
繼續閱讀
是咁的，近月發現民泰街食圈街多了一間日式店今日放LUNCH搵食搵到店前，研究試唔試下好時，店員出來兜搭我 話便當唔係凍冰冰賣，可加熱，咁就決定一試（食後感： 決定的正確的）以前去大阪旅行也有食過炸豬排三文治 味道竟然比大阪食的好！＠＠咪睇好似凍冰冰硬掘掘，原來肉好嫩，肉仲有肉汁＠＠D沙律菜好大兜囉，食極都仲有，性價比ＯＫ嘩，個［葵］便當賣相高級到呢！？ 引到同事想搶劫我的便當粒帶子不得了，勁大粒，好想知師傅點整到咁入味，鮮甜肉嫩 蝦有街市７，８０蚊一斤的靚蝦質素，肉爽，熟度燒得剛好仲有３舊魚魚，銀鱈魚甘香，鯖魚唔會癡牙，鰻魚無腥味，新鮮靚食材真係好屈機個飯就可能我慣左食醋味濃些，覺得淡一點，但蛋絲幾多幾有誠意食完好滿足，飽飽，呢個便當啱哂海鮮愛好者～推薦！買飯送的ＵＳＡ製造的菠蘿果汁，太細罐對男仔黎講！今日午餐的美中不足
繼續閱讀
是咁的，某次在面書看到別人分享精緻的餐盒，就上網找找看，發現在紅磡這間外賣日式便當，店員好客地介意各款食物。這個是最貴最精美比較多食品種類的松竹梅😏$98好貴，貴又美，女生就是愛多款式愛每樣可嚐一口的空氣餐，男生不明白女生愛外表愛精美不喜飽肚的感覺 ；正如女生不明白男生愛分量愛豪邁能夠充電的感覺。右上是煙肉蝦滑卷，味道濃郁，煙肉有脂肪。下格是軟圓芋頭小茄子。像關東煮的鳴門卷、獅子狗、蘿蔔等，味道清淡。卷蛋，日式甜味，不太死實。西京燒比目魚，好味，魚肉滑滑。蝦仁有手指般粗，帶子半生熟加上黑椒輕煎，雪藏蟹捧。梅子日本飯與漬物，日本飯煙靭有咬感，原以為兩格飯很少，但吃起上來很飽。親身在店外買，會送面豉湯（沖包）與芝麻沙拉，正！
繼續閱讀
尋日經過紅磡見肚餓，去左黃埔新村一帶搵野食，但係眼見間間唔係意粉就係油膩餐，抱住試新野既心態就揀左生果檔左近果間森川便當，見佢門面細細，賣既係日式便當飯盒(FB 成日有人share圖果種)。睇左一輪為穩陣起見買左個牛丼，最多咪當食吉X家。咁我就大錯特錯喇!收銀姐姐好俾心機咁同我介紹我個飯盒，小巧既便當盒裏面分左兩層，有牛肉、半隻蛋、兩種配菜同埋加左味素(我最愛 XD)既白飯。白飯份量唔算多，女仔細食都handle到。牛肉係心機貨，肉嫩而且筋少，唔似吉X家果d咬極都唔斷，醬汁配方好明顯同吉X家唔同，唔係死甜之餘仲勁有牛味，抵讚!但係亮點在於幾塊唔起眼既配菜，一咬，嘩，從未食過咁爽口既茄子同南瓜!出面食呢兩種蔬菜成日都係爛蓉蓉吸晒油，今次真係刮目相看!好送得飯!食到一粒都無剩 今次仲送左即沖湯同西柚汁添，番到屋企先沖，咁就唔怕凍晒啦。原來收銀姐姐仲攝左張單張，下次可以叫外賣食喇 呢排天寒地凍，今次，食到一份溫暖。
繼續閱讀