影片
港鐵筲箕灣站 C 出口, 步行約4分鐘
繼續閱讀
付款方式
其他資料
Wi-Fi
酒精飲品
加一服務費
電視播放
以上資料只供參考, 請與餐廳確認詳情
食家推介
周六下午和家人聚餐，來這裡開了一個點心party 🍜🌯🥟🥙🍲，不亦樂乎先來個招牌順德菜一炸鮮奶，即叫即做，外脆內軟，流心餡料奶味香濃，堪稱傳統版的流心芝士卷這個脆皮雪山叉燒包，也是必食點心之一，又是即叫即焗，熱呼呼的，脆皮鬆化，叉燒餡甜美多汁其他的點心出品，皆能做到中規中矩，熱度十足，大快朵頤，吃得極滿足女士們對甜品的喜愛通常都是沒法解釋的，所以無論如何都會點幾個試試！這𥚃的甜點果然選擇多多，涵蓋中西南北高力豆沙表面灑了粉紅色的糖粉，幾有櫻花🌸feel ，好睇又好吃班蘭椰汁糕，充滿椰香，煙煙韌韌，好味加多碗綠豆沙，完美結局
繼續閱讀
呢一間係我係筲箕灣裡面最鍾意嘅酒樓，無論係茶市定晚市都覺得食物質素很不錯。話說今日有親戚係外國返嚟、兩日就走，專登係食晏時間打電話過去叫外賣點心諗住買返去孝敬婆婆由中環仆過去筲箕灣打去問佢哋可唔可以叫定點知佢哋又話公司唔俾又呢樣果樣咁我已經一而再好好聲氣咁拜托佢哋同佢哋講真係喺中環即刻過緊黎如果唔係去到再叫等20分鐘+真係冇時間個姐仔都話唔得 咁我都明佢應該難做好啦 問佢可唔可以叫經理通融下再叫經理聽 講返一樣既野其實規矩呢啲嘢真係好死我嘅要求真係唔過分我甚至同佢地講可以立即過左錢先去到先叫真係趕唔切點知好似錄音機咁經理做到佢咁 咁冇人情味永久black list
繼續閱讀
一向少黎呢個位, 感覺唔太就腳, 此位置即是楚樓香也。二黎呢度上落一係電梯, 一係樓梯, 有長者似乎唔係太方便。今日午飯黎食, 樓底幾高, 大堂有超大投影電視, 室內容間大, 人多但唔太嘈。呢度唔分咁午市下午茶, 一野去到下午茶, 有月份特價點心係唔貴, 9蚊位茶自己計計。我就叫左鳳爪骨反; 排骨超淋, 鳳爪豉味唔辣, 合我口味。上海面餐: 湯用花生醬開, 配一籠六只小籠包。一般般, 而本人一向覺得好多小籠包做得個皮好厚, 唔係太好食, 所以都好難評價。煎腸粉: 用心煎過, 但可能人手少, 送到黎有少少凍, 但個甜麻醬超多油, 麻醬唔夠香, 浪費左煎得咁靚既腸粉。陳皮牛肉球, 一籠三只好大粒, 有陳皮味, 可以再試。所以, 以呢區計, 係可以再食既酒樓
繼續閱讀
家人約o左尋晚(29-5-2017Mon)o黎呢o度食端午節晚飯,二哥一早book o左位,我o地一行9人準時o黎到攞枱,佢o地俾o左一張應該係12o既枱我o地,我o地決定要$1,088.00 o既燒鵝龍躉全包宴半席,另加三樣o野.落完咡,先o黎三罐藍她啤酒同三罐汽水,然後係:1.鴻運乳豬拼盤有油雞,燒鵝,乳豬,海蜇同叉燒,我先夾海蜇,爽口但鹹o左少少.我老公話叉燒唔錯,我又夾舊食,唔肥口感佳,蜜味唔過多,但都係鹹o左少少. 乳豬,我冇食到皮,肉反而唔太鹹. 燒鵝皮仍算脆,味道亦唔鹹.味道:3.025分2.上湯海蝦伊麵伊麵軟硬度同鹹淡適中,但海蝦我就覺得有啲霉.味道:2.75分4.紅燒海味燴翅6人份量係半碗o既,我o地都o岩o岩分到一人一碗,算足料,蝦爽,羹夠味亦唔稀,OK o既.味道:4.5分13.$68.00o既蜜桃京都骨賣相正常,食落仍香口,微微酸甜,肉仍juicy又唔硬,好食. 味道: 5分6.金蒜支竹蒸頭腩肉質滑亦唔鯹,支竹索晒啲汁o既味道,唔錯. 味道:5分12.$68.00o既椒絲腐乳炒唐生菜原來我一條都冇食.14.$118.00o既瑤柱福建炒飯大大碟,材料有蝦仁,肉丁, 叉燒粒,瑤柱就幾乎見唔到,食落亦唔鹹,蝦仁爽,OK.味道:3分3.碧綠彩鳳帶子帶子好厚,西蘭花翠綠爽口,味道同樣唔過鹹. 味道:5分7.花膠北菇扒翡翠各6件花膠係花膠頭,唔係好腍,花菇厚身,底o個啲係唐生菜,呢個都正式冇問題.味道:4分10.養顏紅棗糕半打菜都未上完就上呢o個,二嫂叫人俾個蒸籠蓋我o地冚住免得攤凍就唔好食,我就食到尾幾o既菜至食,佢已經開始變暖同黐紙,食落煙韌,唔太甜,紅棗味亦唔太濃,如果加少少,係少少薑汁(唔好太辣)就好好多.味道:4.5分9.灌湯小籠包半打我食o左一個,內裡有好多汁,餡又大舊,皮唔算太厚,OK. 味道:5分11.合時鮮果係西瓜,做咩又o係呢個時間上?8.燒乳鴿4隻原本係脆皮燒鵝皇半隻,但食食吓,經理走o黎同我o地講冇晒脆皮燒鵝皇,改燒乳鴿4隻或一隻半燒雞,我o地揀o左燒乳鴿4隻,我食o左半隻,皮唔算好脆,鹹淡適中,唔使蘸淮鹽或豉油食都已經好夠味.肉o既口感正常冇問題.我o地食唔晒,要拎走一隻.味道:4.5分5.伴水芹香炒龍躉球呢個幾乎漏上, 龍躉球彈牙,皮厚但同樣有彈性,亦鹹淡適中. 味道:5分服務:由於佢o地o既menu叫人預訂呢個餐,二哥打o黎訂位時,已經話想訂呢個餐,佢o地,話唔使,到最後咪就係冇燒鵝囉,雖然我o地唔係話一定要有燒鵝,但佢o地咁樣會唔係幾好.呢日有團體攪晚宴,令人手有啲緊張,有時叫人都要叫幾耐吓.3.5分衛生:同樣因人手問題,所以見到有張枱o既客人走o左都冇人執o野.環境:好好,好光猛闊落,椅背又特高,坐得好舒服.價錢:茶芥每位$12.00,但半席全包宴已包o左6位,而佢o地o係張咭o度寫o左10人,咁就計o左4人茶錢,成餐加埋係(68*2+118+48)*1.1+1,088=1,420.20.
繼續閱讀
一個湯，一個餸，一個麵。十分飽川宆白芷龍骨湯，唔怕腥，$138，但超美味，飲完有幸福嘅感覺！豉油皇炒麵夠乾身，夠香但豉油味可以重一點算是0k可惜個蜜桃骨實在太乾太少。有6件，如果美味我收貨。味道可以。但太硬了！
繼續閱讀