影片
港鐵牛頭角站 A 出口, 步行約4分鐘
繼續閱讀
附加資料
暫時主要提供三餸飯
營業時間
星期一至六
11:00 - 20:30
星期日
全日休息
以上資料只供參考, 請與餐廳確認詳情
一心諗住去食點心，點知去到見到飯堂隔局，有好多款餸比你選擇。一問之下，原來已經無賣點心。橫掂黎到，試吓。36蚊兩餸飯，送茶或湯。味道都唔錯，回鍋肉居然用花椒，有驚喜。
繼續閱讀
自從兼賣兩餸飯餐$36連湯/飲品後多左幫襯椒鹽豬扒必吃 食到有香茅椰漿味道 醃得幾入味 有些炸蒜同辣椒碎掛面 鐘意食既應該幾滿足 仲有個老火例湯都幾清甜同夠熱 飲落順喉個白飯食落唔會太腍正常 最怕食到爛飯 都唔知煲左幾耐咁其他餸菜都有質素 有好多選擇 例如回鍋肉落足花椒辣椒煮 都幾香惹味 自己覺得唔算太辣涼瓜牛肉炒得唔老岩岩好 睇得出煮得都幾有心機唔會死鹹附近就多車仔麵就無咩外賣兩餸飯揀 所以追求快靚正又貪多款可以揀呢間試下
繼續閱讀
突然想食點心，發現呢間匿喺啲棚架下面見到下面無位坐，以為係外賣點心舖，點知原來樓上係堂食裝修設計全部以日式風格為主連茶都係俾綠茶，唔係平時中式嘅濃茶，而呢隻綠茶又幾好飲個老闆好似幾識諗gimmick嘢送點心係用火車車軌，估計係參考日式風格嘅同上次去食sushiro一樣咁款不過每次一到就會叫枱號拎點心，啲聲略嫌有少少大聲金魚鮮蝦餃齋睇差啲唔記得自己叫過外表係金魚造型，入面係蝦餃嚟都算有料，蝦肉都爽嘅，整條金魚嘅皮厚咗少少不過好有gimmick，可以打卡流心鵪鶉蛋燒賣開頭以為隻蛋係平時酒樓咁放燒賣上面隻蛋放咗入面，啲蛋汁喺燒賣入面呈流心狀好似食egg benedict咁流心蛋汁同燒賣混合，好滑好滋味爽彈鮮蝦腸腸粉皮可以俾合格嘅餡料會俾高啲分，因為佢真係好唔吝嗇咁放蝦肉夾開一半之後舊舊都仲有成舊蝦肉而且蝦肉唔係梅嘅，幾爽口薑汁雞包仔雞包仔落咗薑汁，入口好重薑味幾新鮮，餡料充足四寶滑雞札值得一讚係隻雞札入面有火腿+魚肚+冬菇+雞髀肉已經好久無食過雞札入面真係有火腿同魚肚啦迷你版咖哩魷魚質素尚可，迷你版份量都唔算少入味少少會更好荷葉花菇滑雞籠仔飯飽肚之選，不過入味少少會好啲流沙煎堆仔煎堆入面係流心狀態食完其他點心再食，個餡都未凝固入口外面香脆，內裏軟心灌湯餃專登叫呢個嘅，睇吓係湯灌餃定灌湯餃起碼佢知道係一隻上，湯係放餃入面雖然加咗上湯，但無上湯反而會更好爆趣QQ紫薯包呢味好特別好得意開頭睇到以為自己無叫到外接係冬菇造型搣開佢先知原來係紫薯包個包啲皮表面似平時麵包舖啲麵包上面層皮入口幾香入面都係普通酒樓包咁不過內餡係紫心蕃薯狀蕃薯蓉幾綿密，入口只係輕輕有甜味上點心上得好快，唔怕等得耐會餓有好有唔好，鍾意相機食先就可以一次過影wide shot但有機會有啲會攤凍所以建議點心最好都係趁熱即食價錢叫咗超過10碟有多，2個人都係200鬆啲真係幾抵食！
繼續閱讀
好耐冇飲茶啦！夜晚揀左一間新開嘅酒樓同爹嗲食晚飯。餐廳打破傳統酒樓格局，佈置成日式餐廳，好似迴轉壽司咁，枱面有水機自己倒熱水，以茶包取替茶葉，點心就用小電車傳送，很有趣，爹嗲都覺得很驚喜，係打卡好地方🤣睇餐廳簡介，佢哋有三大賣點：1. QR code 落單2. 用小電車送遞點心3. 迷你點心近年乜嘢都要scan 一scan , 用QR code 落單可以免除人手下單出錯問題，當按下落單，廚房收到單後，就會即刻將點心由小電車送到你枱號碼，客人就需要從小電車上取出點心。因為每件點心即叫即蒸，所以每樣食物都熱辣辣，出餐時間亦好好，唔會等好耐。其中我最欣賞佢地個剪豬流心包，外面很脆口，咬落去就有奶黃流出。 以前好怕飲茶，因為每件點心大大件，會好快飽；佢哋一口點心既設計可以令客人叫多幾樣唔同點心食。兩個人埋單220蚊食到九個點心，仲有依個新體驗都唔錯啊！
繼續閱讀
朋友搜羅了一些物資，說要分贈一點給我，實在讓人感動。為免她舟車勞頓， 所以相約到她公司樓下接收，順便一起去吃頓晚飯。朋友話佢公司附近最近開咗間迷你點心專門店，店內的點心味道唔錯，水準絕對趕得上不少名店，而且價錢好親民，所以想帶我去試下。店舖位於馬蹄徑，由牛頭角站行過來只是數分鐘路程。樓下以外賣為主，而用餐區則設於樓上。沿著梯級往上走，原來店內地方都幾大，除了卡位外，還設有一列吧檯位，唔講仲以為自己去咗間迴轉壽司店添。餐廳採自助形式落單，客人只要掃一掃二維碼，便可以即刻用手機點餐。至於食物方面，同一般點心店一樣，分門別類，不過就以迷你版為主，所以就算叫多幾款都唔怕食唔曬。入座後店員會送上杯和茶包，而牆身則設有用茶杯按出水的水喉，客人可以自助斟水，茶位費每位 $5。這裡的點心不是以人手送上，全部用「高速列車」或「軍艦」經路軌送遞到客人面前，非常特別！荷葉花菇滑雞籠仔飯 ($19)：雞肉蒸得很滑，無骨；冬菇好大片，飯面淋咗豉油，米的質素亦唔錯，粒粒分明，入口帶有荷葉香，加上飯量十足，食完都幾飽肚！醬皇蒸鳳爪 ($15)：鳳爪好大隻，外皮滑嫩，食落軟腍又夠入味，醬油豆豉帶少許微辣，味道非常惹味。竹炭鮮蝦餃 ($19)：蝦餃造型好特別，每隻都分成黑白兩色，黑色那面外皮加入了竹炭粉去搓，而另一邊則用上普通水晶皮，望落去隻隻都好晶瑩剔透，入口煙韌，蝦肉爽口彈牙而味鮮。是日燉湯 ($20)：燉湯用迷你瓦煲盛載，是日燉湯為青紅蘿蔔豬骨湯，湯水火喉十足，應該無添加味精，打開蓋時已聞到鮮甜濃郁的香味，非常足料。酥炸順德鯪魚丸 ($16)：鯪魚丸一客有四粒，雖然粒粒Size都唔算好大，但係都非常抵食，而且最正就係魚肉札實，食落夠曬彈牙，唯一可惜就是無配埋蜆介，否則食味更佳。流心鵪鶉蛋燒賣 ($28)：其實初頭還以為是店員弄錯，因為喺燒賣面頭見唔到有鵪鶉蛋，原來佢哋嘅做法比較特別，鵪鶉蛋係包裹喺豬肉同鮮蝦之中，咬開可以見到原隻鵪鶉蛋，而且仲有蛋汁流出，可見時間控制得非常之好。流沙煎堆仔 ($15)：煎堆仔一客有三個，份量不算太多， 面頭鋪滿黑白芝麻，咬開煙韌的糯米皮會即時湧出熱辣辣的奶黃流沙，奶黃味好出眾，味道夠曬濃，所以一定要記得趁熱食。食完煎炸嘢梗係要配返個蔬菜中和一下，揀咗白灼菜心 ($15)：菜心以清灼方式烹調，每條都相當粗壯，色澤翠綠，而且灼得合時，食落新鮮嫩口又無渣。甜品點咗薑茶湯丸 ($15)：湯丸用迷你木桶盛載，外皮幾煙韌，內裡有滿滿的嘅黑芝麻餡，加上甜度適中，用作飯後甜品就最適合不過，食完成個人暖笠笠。以「新派」點心店而言非常抵食，平均廿蚊份點心，食物有水準，在百物騰貴的今天，實屬難得。
繼續閱讀