26
13
3
港鐵灣仔站 B2 出口, 步行約5分鐘
繼續閱讀
付款方式
以上資料只供參考, 請與餐廳確認詳情
食家推介
最後一夜所有貴賓都已集中係樓上雅座方便招呼款待，樓下空置擺個空城計。幾年來在劣國老漢病毒籠罩下，朋友的日本餐廳榮休在即，實在深表遺憾及無奈，無論如何都要遠道而來奉場一下，首次亦係最後一次了﹗本人對日本菜的執著，必定要依次序前菜、頭盤、刺身、壽司，上半場一輪衝刺後，中場休息飲碗熱湯暖暖胃清清味蕾，立即下半場開波！燒物、炸物、鍋物，最後粥粉麵飯。由淡到濃、由生到熟、由餓變飽、由瘦變肥🤣🤣🤣那就非常完美喇！經過整晚一大輪激戰後，早已心裡有數。刺身⭐️⭐️⭐️⭐️⭐️、壽司⭐️⭐️⭐️⭐️⭐️、串燒⭐️⭐️⭐️⭐️、鍋物⭐️⭐️⭐️、炸物⭐️⭐️⭐️。日本溏心蛋，涼浸浸一啖啪入細味嘴嚼，清新的日本醬油味道帶著一丁點的甜一丁點的咸，撞埋甘香黏滑蛋黃，層次有趣，喚醒我的味蕾。金目鯛刺身，如果直接品嚐會偏清淡，經火鎗炙過後簡直脫胎換骨浴火重生﹗那種焦香、那種爽脆、那種魚油，無可抵抗的誘惑，使得兩眼緊閉慢慢地享受綿滑的魚肉在舌齒間游走，甘甜的魚脂、芳香的醬油、清新的山葵﹗最後夾著鮮紫蘇葉齊齊塞入，味道再次得到昇華，每顆味蕾都感到異常震憾﹗伊佐目刺身薄切，耳熟能長的靚魚，聽到其名已經流定口水﹗綿綿魚肉滑滑，閃令令魚脂泛著粉紅色，越紅就越甘甜和味﹗活象拔蚌刺身，今晚榮休饕宴高朋滿座，我倆都只係爭到尾圍一席位乍﹗大部份鮮活游水已通通沽清，只剩下活象拔蚌，梗係要要要啦﹗雖然呎碼偏細明顯未成年，不過肉質嬌嫩而黏滑，鮮甜味衝出宇宙，回甘時間久久不散，頂尖味道。牡丹蝦刺身，非凡創意的演譯，目不暇給，刁鑽的廚藝﹗先將蝦頭膏煎到凝凅帶黏，再放回刺身齊齊一啖入口，濃縮的的蝦膏味道漿住我的靈魂，蝦肉先黏後爽，甜到入心﹗日式凍豆腐，作為前奏既刺身告一段落，先用純潔的豆腐搭上淡醬油清清味蕾，緊接著到壽司環節。豆腐上平均地鋪滿木魚碎，仿似蓋上毛氊一樣﹗每啖都要有醬汁加木魚才是皇道，木魚的甜撞醬油的鮮，還有清香的黃豆味道。迷你海膽飯，最後一客海膽掙崩頭要搭埋人情牌最終搶到了﹗師傅表示因為海膽已唔夠做一客，所以臨別秋波免費送贈，多謝多謝。物以罕為貴，完全唔舍得一啖了結，要分四五啖用最細隻匙羮慢慢品嚐﹗放到舌尖上，慢動作在口腔內旋轉翻滾，鮮味脫俗直擊露魂﹗黏滑濕潤的口感混著飽滿嚥韌壽司飯，使人陶醉萬分﹗吞拿魚壽司，罕見的花刀，罕見赤身可以油潤到閃令令反晒光﹗魚脂豐富到滲出來，看得見的甘香甜美。入口嫩滑無比，魚鮮味道濃郁，襯托著醋飯互相暉映天下無敵﹗鰻魚壽司，品嚐大量刺身後，轉眼輪到熟壽司，感覺完全被比了下去﹗薄薄鰻魚不夠肥美，甜甜黏厚照燒醬配上紫菜飯團感覺蠻可以。牛油果軟殼蟹手卷，新鮮炸起乾殼蟹不硬掘掘而鬆化，咬落先脆後軟塾再爆出蟹膏蟹肉連蟹汁，乾脆紫菜捲著靚飯還有清新牛油果及咸鮮蟹子助攻，百味交錯越趙越起勁﹗高潮疊疊起。海鮮茶壼湯，中場休息時間必定來碗熱湯暖暖胃，話晒衝刺了一輪生冷食物，要懂得養生之道，以及要為下半場盛宴好好準備。耐心等待海鮮更出味，所以不能急燥趕住飲。靜候 5 分鐘先來碗清湯，雞湯底突出再慢慢滲走海鮮的味道，熱熱直通腸胃打通任督二脈，全身暖笠笠。最後將所有食材連湯舀出﹗魚肉、螺頭、雜菌全部盡收肚仔去，美味湯汁當然消滅得一滴不漏。溫室青椒仔串燒⭐️⭐️⭐️⭐️⭐️，下半場由青椒揭開序幕﹗走到任何一間串燒店必點，短小精幹夠晒辣，燒到外層濕潤內裡軟塾帶焦香，燙著嘴特級美味﹗燒餃子雞翼⭐️⭐️，餃子餡太實偏乾，沒有丁點肉汁，而且味道十分單調，外購回來的嗎？雞皮燒得甘香薄脆，白肉有點乾不夠肥美不夠滑溜。雞肝串燒⭐️⭐️，在我心目中到今時今日都只係冰師傅的雞皮、雞肝、雞腎、雞翼最頂級最惹味﹗雞肝細細粒無怎樣咬口，燒到過熟變得乾硬，沒有汁沒有彈滑感覺。牛脷串燒⭐️⭐️⭐️⭐️⭐️，雖然不是牛脷芯，竟然有過之而無不及﹗厚切以保存更多香甜肉汁，燒得四面焦香以鎖住精華在內，擘大口一啖一塊不比任何機會有一滴汁逃走﹗爽口彈牙，只有牛甜沒有牛羶，掃上少許醬油最後海鹽黑椒輕輕調味，簡單就是美妙﹗雞腎串燒⭐️⭐️⭐️⭐️，界花刀功不得了﹗使得雞腎更入味更爽脆，雞甜味在口腔內亂衝亂撞，感覺超然﹗帆立貝串燒⭐️⭐️，抱歉地只能附于2星級數。巨型珍寶厚厚實實，免強可以一口一粒塞入我的櫻桃小嘴。咬落白肉鬆軟，裙邊爽脆，黏稠照燒醬，欠一點鮮味。清酒煮蜆⭐️⭐️⭐️，越簡單的菜色越易出錯越難掌握﹗清酒去掉辛辣只剩下香甜，跟蜆味菇味混和的湯底十分可口吸引。不需要任何添加調味，最緊要蜆肉熱熱地掉入口中，肥美脹卜卜一咬爆汁，嚥韌彈牙舒服暢快。雞肉雜菜煲⭐️⭐️⭐️，錦繡山河雜菜煲﹗仿似風景畫一樣美麗，色彩繽紛優雅。食材豐富，有大量我喜愛的雜菌鮮蔬，使得湯汁極為清甜充滿菜甜味，雞柳浸的嫩嫩肥美，醃味食到陣陣麻油香。盛碗熱湯載著滑雞雜菜齊齊灌入，滋味無窮﹗
繼續閱讀
再次留食評，因婉惜這小店不敵疫情快結業。再開無期已是光顧了5年，第一次是被日式門面吸引，興奮是超有居酒屋feel 樓下吧枱。Happy Hour 套餐 獨特豐盛及價格優惠，多年來只加左少少。 前菜見到已開心，燒物很好食，配不同飲料，當然最正係可選冷／熱清酒一瓶。師父做燒物手藝好好，有其店特有味道。百食不厭係牛舌。刺身 厚厚配靚靚碟上天婦羅 配熱沾汁第一次叫燒油甘魚鮫，魚皮脆 肉厚 美味至愛海鮮茶壺湯，無咩店做這日本風味菜其實已好飽，但外脆內軟的芝士年糕都要食完作為句號。
繼續閱讀
灣仔日本定食餐廳魚八蟹子沙律前菜十分開胃燒鯖魚便當皮燒得剛好，很香脆，魚肉很滑，配上檸檬汁十分惹味！！蒲燒鰻魚飯分量都算大鰻魚無骨，十分厚身好食！飯後亦有一個小甜品十分煙韌整體有驚喜的午餐！
繼續閱讀
今日品嚐了魚八更新午餐餐牌的吸引set lunch 魚生飯、照燒雞扒飯、和風牛肉飯🍲🍣🥤🍲 及餐牌內的🍱咖喱🍛吉列豬扒飯，一開始是清新麥茶 ☕️，之後先飲魚八鮮甜的麵豉湯，令人飲後有幸福感覺🥰，期待已久的主菜到了！超級美味，色、香，味及服務都非常滿意，最後飲杯冰凍青🍋梳打水、波子汽水，超正！👍雖然去不到日本，但在魚八食嘢的水準十分滿意💯⋯⋯完全令您有一份神奇感受好似置身在日本吃日本風理料一樣！令人回味無窮！🥰😋😘，同家人一齊去真是最好的享受😎😋！
繼續閱讀
一個字，西。谷住道氣到第二日都係覺得要打番個review，唔想其他人都要受氣，貼錢買難受。侍應態度惡劣，粗聲粗氣不在話下，唔知以為我欠咗佢。魚生整咗半個鐘，我地冇追但佢追我地last order加野時，我地提出魚生未到，侍應raised her voice: 咁而家last order有冇野加？我地呆咗但果下覺得食飯都係為開心無謂計較。但之後成餐飯好似比人追住黎食咁，不斷interrupt你傾計要收碟，然後9點9開始不斷係你身邊執野掃地。Last straw係佢大聲interrupt我地傾計話要閂門，見佢咁嬲趕我地走以為過咗鐘，行出去望望鐘未夠10點黑人問號你嬲咩。咁想收工不如唔好開門做生意please. 野食正常，但not impressed. 灣仔區要搵間好食啲食得開心啲唔洗受氣既話咁易。呢間永不錄用。
繼續閱讀