燒肉市場 (已結業)

深水埗燒肉市場 - 超級勁差, 茶餐廳都好食過佢!! 我完全極度後悔買了這個團購，非常差及不值，更加完全不能相信會有人評這間食店是ok, 有沒有可能團購有接近4,000人買了? 還要第2及第3轉，你請我免費吃我都唔會再去呀!!!現在還要寫下我平生第一次吃得最差的一次，及我第一篇食評讓其他人不要受騙 更不要相信那勁靚的食物相片...... 團購 $109 + 【五六日收加一 $17】 + 【8-10pm $9】 = 每位要 $135 (不是太便宜)1) 時間安排甚差，門口柜面時間到都無接待員 - 其實當我去到時還有5分鐘先開始第2輪，但食店還不清場，上場是6-8pm，我們排第三，但都要8:10分先能就坐，每場來講完全就不足2小時吃! 根本就是不安排有足夠時間及看似吃 2 hours，其實就有心出術! 不過我們吃了1.4 hr 就走了，冇心機!! 2) 侍應看似全是十幾二十歲樓下的靚仔 - 店來好似得3名好細過的後生仔做樓面+1位似老細的中年男人，當我在等位時看到這情景，已心知不妙!因通常此表示食店無能力及無錢請人，只請10幾歲的後生仔係夠平，而且不理會服務質素! 食

就是因為好想試黑烏冬便特登走嚟食, 结果午市一枱客無, 就連黑鳥冬都停售了很久, 剛巧水吧師傅臨時請假, 午市只可以喝汽水。午市套餐送前菜、餐湯及啡/茶, 凍飲加＄２前菜...中華沙律...無乜特別蕃茄湯拉麵...蕃茄湯味淡且清, 拉麵煮得頗腍, 較勝之處是多蔬菜炸豬扒炸得好乾, 雖然是脆但乾柴柴, 好難吞究竟店鋪怎樣才能營運下去？

見到大家咁多劣評...自己琴日食完唸番起都忍唔住上黎幫佢抱下不平!琴日同男朋友2個黎大食1餐輕鬆下,見之前團購左就趁得閒去試下於是前幾日就打去book左8-10個場!去之前搵下地址時見到大家咁多劣評都由興奮期待變到有點擔憂...去到!環境幾得意丫,雖然好似其他食家咁講有d似茶餐廳(?)但我同男朋友都覺得幾有趣!到達門口入去有個男人安排位子的,相信就是大家之前所講的"疑似經理定老闆"的男人吧我地都覺得佢份人冇咩野,亦好快安排左個卡位我地坐...可能係星期4人不太多也沒什麼混亂情況吧?坐到去食放題當然即刻啦啦聲填紙食野啦!第1round係除左我地碟炸物冇黎到其他都黎齊哂!刺身都幾好味(可能我地冇咩要求?)至少唔會腥亦有三文魚味!鐵板燒因為冇油俾埋的關係...1燒就痴底 但後來其他食物有d油...愈燒愈正至於炸物等無可等就麻煩後生仔waiter跟跟單...佢都好快番番黎話唔好意思叫我地可唔可以再寫多次!之後再落勁快就到野飲方面起碼有5種以上任揀...蘋果汽水/橙汽水/提子汽水/可樂/啤酒/巨峰提子汁/蜜桃汁...全部都係自己自由去雪櫃到拎可以自己慢慢睇岩先揀!勁快已經食飽飽我同男朋友都食得好

已經好耐冇寫食評, 今次差到冇朋友, 不得不寫...買團購票, 本來都冇咩期望。訂8-10點, 8點入去, 6-8點嗰輪D人都未走, 冇位坐, waitress話可以坐住張壞爐嘅吉枱先, 一陣畀個卡位我哋。再過一陣, 前嗰輪D客走得7788, 有個疑似老闆/經理嘅男人出嚟, 話D位編錯哂, 幾十個客人企响度等佢編位, 佢只係喺度騰來騰去, 最後D客都係自己搵位坐, 擾攘成20分鐘先坐定。點咗D嘢食, 好多都冇嚟, 特別係貴D成本嗰D, 一樣都冇嚟。 冇嘅嘢又唔同人講。只不過係汽水(百事、美蓮達)任飲最好。D刺身碎濕濕, 冇味, 又有根, 其他食材都唔靚, 小食未融冰, 玉子、粟米甜到好似浸過糖水。加埋個鐵板唔掂, 黏哂底, 個場又冇抽氣, 焗到呢.雖然係團購, 都唔駛畀呢D嘢畀人食架??我最佩服係幫佢哋做團購廣告個攝影師, 可以影到咁靚, 咁吸引。最後一句, 圖片只供參考。

之前係團購見到 $ 118 位,d相又影到好新鮮,好抵,好靚....咁就想試下啦 ,結果買左 3 位.....早前打去訂位, 態度已經好差,訂8-10點,日日都話滿座,咁算啦..我就改左訂6-8點,一去到就有位唔洗等位,一入到去比我地既感覺就係一間茶餐廳,只係改左桌上有個爐...咁我地就開始叫食物,d 刺身壽司一d都唔新鮮,無味....炸物一般....肉類都係果d...個爐又會"痴"住d肉..........落左好多張order紙都無野到,叫侍應check 單,又話有,等勁耐先到,仲要係唔齊,又要再落單,左攪右攪都一個鐘,都唔知自己食左d咩...咩都唔到...有幾多小時比人任食都無用啦....叫極都唔到....之後我地搵左一個肥肥地既男人幫我地睇下d單(相信係可以話事既人)....佢話我地無單係廚房,叫我地再寫比佢,佢幫我地入....原來我地叫左好多野,佢都係無架...佢話無晒,無貨....好o 咀,食6-8點都話無,無又唔話比我地知,等我地係到等野食,又話任食....叫咩無咩.....真係好唔掂.....比佢呃一次....唔會有下次...又唔係真係平人好多....我寧願比多幾十蚊,旺

去咗呢間食團購,大約12：30pm到達,唔知係咪剛剛開舖,一個人都冇,得我同男友,坐低之後,佢地就俾好多肉我地燒,有牛肉,豬肉,另外自己叫金菇,雞翼,青口,勁多,但係未解凍,唔掂。而且又唔抵,食飽咗唔駛點其他,咁都得有少少欺騙成份…………壽司刺身都過得去,凍身,算係咁!!但係我下次唔會再到law…………

試過食任食未夠一個鐘就走未? 我就岩岩試完. 買了團購 $118 一位, 前日假期就去試下. 我地早到了 10 mins, 想早少少入去坐 (街好熱), 但店員一口拒絕, 話費事整親我地喎. 算啦, 唯有遊街多 10 mins.入到去, 佢有 d 紙比我地點野食. 但我想寫時, 同一店員又話 "唔洗寫呢 d 住, 入面d 人未得閒攪, 你食住刺身先". (又要人 2 個鐘內食完, 又唔比人點野食..)算啦, 食刺身先, 嘩.. 個刺身完全唔掂, 唔新鮮, 無味. 瘀色.唔理佢, 照入紙點野食, 送來既食物, 一樣超唔掂, 好似打邊爐既食物. 我知 $118 唔可以要求高食物質素, 但都唔洗難食成咁掛...空氣調節完全唔掂, 全程焗到暈, 其實攪唔掂空調, 又何必做燒烤店 ?結果佢原本比我地 2 個鐘食, 但我地未夠一個鐘就走了. 從來未試過全食會食咁少野. $118 都蝕比佢呀. 真係以後唔會幫襯. 咁既食物 & 服務.. 呢間野都可能好快玩完了.

其實去之前睇到d食評咁差，都有d驚，不過因為買咗團購，所以都會去食。去到又無我想像中咁差，起碼d人服務態度都ok，見個冷氣有d問題都不斷去整，野食都算上得快，但係剔咗幾次火炙壽司都無嚟，又無交代，咁我都唔知好唔好等~燒肉就認真一般，無乜特別野揀，又要無乜味，最離譜係切到勁厚，d雞肉、豬頸肉全部係一舊舊長方體，而唔係一片片，咁有排都唔熟啦!反而厚玉子就幾好味，至少唔驚佢唔熟嘛。至於個場都坐得幾舒服，唔會好迫又唔會好大油煙；d熟食刺身都ok。中規中矩啦，以團購價錢嚟講都ok既，不過如果正價就唔多值嘞。

10點去到 係門口等佐陣都無人招待入到去點野食 佢問我食唔食刺生拼盤 食就加廿蚊 我就唔要個拼盤 就咁叫得唔得 佢話得之後就點刺身個d 啦 點完佢又問我 你又話唔食刺身 食就要加廿蚊我話無問題啦 點知d 刺身黎到係咁樣我以為人地食淨拎過黎d 刺身又唔凍 哇咁樣另外收多我廿蚊我覺得上佐賊船之後我再點啦 點知黎都唔黎呀d 刺身廿蚊食呢幾舊野 味道又唔新鮮 好啦放棄刺身 燒肉+熟食 點佐好多野都無黎 又無講係唔係無晒d 野食上枱個時又好似d 餸尾咁堅係無乜胃口呢百令蚊當買個回憶啦

一直都唔寫食評, 今次真係迫我出手了~ 買左團購coupon $114每位, 去到再另收$17 加一費~ 一路都好想試下呢間店, 好似好抵食咁~去到6點, 係晚市既第1 round, 心諗應該俾d新鮮食物我食喇卦~點知d食物質素真係好差, d所謂既刺身, 好唔新鮮, 由其係三文魚刺身, 勁細塊又好碎, 一睇d色澤就已經知, 食落口仲要係覺得霉霉地, 好似變壞左咁~ 老媽子食左幾片, 就唔敢再食, 話驚肚痾.....d 雞肉, 肥牛, 牛柳, 金沙骨, 真係又係好唔掂, 由其係d 牛柳, 金沙骨, 有咩理由冇醃過, 就攞俾人燒架, 食落口係無味架....d 肥牛算ok啦, 不過都係d渣野, 同埋有d太肥, 肥到你見到都唔想食~　d 雞肉呢, 佢俾哂雞胸你, 雪藏雞黎, 燒完又硬又鞋口又霉既 燒既野, 最安全都係食腸仔, 魷魚囉咁都有個似係燒鏝魚既手卷& 雞腎係ok好味既~ 仲有, 佢出食物真係出得好慢~~搞到我地最初嗌左好多壽司,等左好耐無黎又再嗌過, 卒之, 食到尾水, 先捧黎一大盤壽司.....真係, 頂!!!! 想唔side野都唔得.... 呢餐生日飯, 唔覺得好抵食，食到我想

因"團購"關係，平平地就試下la.1. 冷氣唔夠凍，好似無抽風設備(唔肯定，因為超焗)，空氣唔流通，成間店充滿燒烤味， 食到身水身汗，好難頂2. 食物好行貨，無咩特別，我記得食"刺身"時發覺有骨，小心小心3. 洗手間要行出舖外，都幾核突

本來打算幾個朋友一齊食野傾下計…不過坐都算可以…但係食真係唔好期待太好…一去到就話要我地等15分鐘…明明係訂左位…最後都等左成半個鐘…之後就黎左刺身同燒肉…刺身超唔得呀！！唔新鮮…揚物…唔脆重要厚粉…燒物其實唔多…肥牛同牛肉片最正常！豬頸肉係一條條白色的…見到唔想燒了之後牛柳粒係好似排骨咁！勁多脂肪…飲既種類唔多…都無特別…醬汁都係很普通…第1round叫10片肥牛就黎左5片…第2round叫5片肥牛就黎左10片…第1round同第2round都係叫半磅牛肉片…但係第2round係多一倍~~係到食最好食既已經係肥牛同牛肉片同芝士腸~~餃子既皮好硬~獅子狗唔好味…用優惠買左$118一個人…都覺得唔值呀！！！最多值50蚊~~食左既野我係屋企整應該都唔駛50蚊~~因為真係唔得呀！！

前一陣子在網上看到團購只要120元的放題《燒肉市場》，雖然看到評語一般，最後還是買了4位的劵第一次訂位的時候，因為前一天才記得要訂，所以已經滿額，第二次我在1星期前已經打去訂位。他在電話中已經說明了可能要等15分鐘左右我認為這也是合理的來到之後，可能大家都真的很忙~語氣真的只是一般而已坐下來之後，又覺得侍應的態度算是很不錯只有一個"很瘦削"的男生態度非常惡劣其他幾位跟我們也會有說有笑態度之後說一下食物其實120元的價錢，我覺得食物方便是還可以接受的吉列、天婦羅、壽司、刺身、熟食、生肉種類不算很少，食物質素只是中等而已已於漏單方便，除了第一次的刺身有之外，之後兩次叫都沒給我們當我們寫第三次的時候，他們有點像發脾氣一樣把3次的份量一次過給我們還在吃的時候 卻被 "很瘦削"的男侍應 說我們浪費我們那時候還沒結帳，也沒叫他收東西，他就走過來說~不要浪費食物感覺很討厭的我很喜歡吃三文魚眼，我在點菜紙上要求要魚眼，他們都有給我^^最後 : 我們已經盡力把他吃光，可是真的沒法把3次的份一次吃完 其實我們也不想浪費食物....如果他們沒漏單，就不用浪費掉那些食物我個人認為最值得一讚的

因為團購關係 去了這個地方食飯 看見之前食評都有點擔心 我哋二人係當日第一枱客 坐到去見到d環境都唔差 服務亦都ok 做嘢好快 可能冇客o既關係啦 一開始當然嗌刺身啦 三文魚刺身好細件 嗌咗十件先收手 我也點了不少揚物 有薯格,吉烈豬扒,炸蟹蚶,炸魚餅,蝦天婦羅等 薯格都某炸雞店上下啦 吉烈豬扒就真係唔好點喇 除了粉我機乎食唔到肉囉 其餘蟹蚶,蝦天婦羅同炸魚餅都算過得去 之係亦點咗不少肉烤嚟食 不過嗰紅外線爐就真係差了一點 有排先熟 不過那些牛柳粒同牛舌真係好食 再者巿幾多嘢揀架 豬頸肉 腸仔 魷魚鬚....但係一次過叫多d擺去燒 唔係有排都冇得食 其他手卷同壽司也不差 汽水又任飲 但只得百事 最重要係地方唔就腳 都可以食得飽o既 成餐飯食咗$266

　　團購$119　2小時任飲任食兩小時　團購上明明話：任飲任食兩小時! 壽司、刺身、火鍋、板燒等等，應有盡有！　火鍋係冇嫁！刺身難食！板燒食物等起碼 30分鐘，落10張單漏10張！　6點入到好見到都 Full左一半，覺得都ok！就好開心咁寫紙落單！汽水要自己出去拎 　咁第一輪就每樣寫少少，唔洗5 分鐘就泥左 6成食物， 4成食物漏單，算，正常之事！　泥到有，半邊雞翼、肥牛肉、牛肋條、牛舌、翠肉瓜、金菇、豬頸肉、炸蝦，全部都係cheap貨。　半邊雞翼、肥牛肉、牛柳粒、牛肋條、牛舌、翠肉瓜、金菇、豬頸肉全部冇醃冇味，要點醬or自己落鹽。　牛舌超級建議唔好叫泥食，好大陣"壓"味！ 牛柳粒只係一粒完完全全的肥膏 (見圖) 　炸蝦熱辣辣，好味。　仕應收碟超級快，快到我準備夾碟上最後一舊食物就已經遞定手o係碟邊準備拎走...　收汽水罐ge 男仕應會將汽水罐 o係你台上大力敲繼而從頭到尾冇問過你飲完未就扔...　半個鐘後落第 2輪單，等左足足 30分鐘都唔泥，其間我仲不停入紙落單超過 5次。　　其間我好有禮貌咁催催問問 d 仕應只係會話 ok，幫你 check check，而且問多次就開始黑你面！