明星海鮮酒家 (已結業) 查看

訂位接線態度極差，本身想訂7：30pm, 又話得7:00pm 同8:00pm, 咁都算，問佢有無時間限制, 佢反問我要食幾耐，最多咪2個鐘？我幫襯得仲要限我用餐幾耐, 你當自己放題？喺呢個時勢仲咁嘅態度，請你哋管理層諗下

因長輩住附近，而當天下大雨，所以推介就近的明星酒樓食點心，老顧客的關係，不用等太久就可以有位了。長輩熟手，手快快叫了好幾樣他們常吃的點心，其中的鮑汁鳳爪，薑汁紅棗糕比較出色，其他的略為普通。蒸粉果的皮好厚又熟得過火，口感好差，對喜歡吃粉果的我，第一次吃得非常失望。茶具方面，第一次飲茶見到咁細嘅茶杯，好似飲緊一口茶😂比小朋友玩就差不多😂環境一般，光顧當日有職員嗌交，影響了食慾，雖然我覺得一般，但對長輩來說，他們食的是人情味吧。

想投訴深水埗間明星，剛打去打算訂今晚7位食飯，聽電話既阿姐又唔知聽咩，我話訂今晚，又聽話訂中午，中午唔比訂，我幾時有話訂中午？聽聽下又話係咪10位，究竟想點？我話訂今晚7位7點半，跟住話冇得訂7點半，淨係得6點半，我問點解冇，佢話假期冇7點半訂，傻的嗎？態度超衰，你一係唔好開放訂位啦，個個都6點收工咩，跟住我再打多次，搵話得事既經理講，可以訂7點半，但要安排可能要等，一早咁講條氣都順d啦，咪等下囉，咩叫唔比訂位，咁態度覆客真係第一次見，唔比人訂其他時間，你又唔係分時段放題，食晚餐都有限時間，係咪有問題呀？

等位等左個幾鐘，以為好好食啦，點知啲點心差到冇人有。馬蹄糕黑蚊蚊，唔講以為佢係年糕，但口感似漿糊！！！其他嘢都唔好得去邊，啲乜豆苗餃、乜餃物餃個皮全部都好淋好爛！啲餡仲要食唔出係乜！最好食就係個春卷啦，個皮夠脆，唔差得去邊，算係最安全嘅一個點心！鹹水角果皮都OK嘅，但啲餡真係少到冇人有！成嚿都係粉,幾粒餡咁囉！腸粉睇落好似好好食咁，其實個腸粉皮又係勁淋..成餐飯最好食應該就係個福建炒飯啦！好食過茶餐廳囉！

未曾試過遇到企門口一個帶位阿婶咁串咁差，一d用餐意欲都冇，簡直劣劣劣連基本服務態度都無，自己面對唔到人羣，就返屋企做少奶奶，聲大大又怎，酒樓咁多，一定要嚟受你哋氣

一家人去飲茶，近近地去明星。等位等足一個鐘...坐得迫又嘈就唔在講。落單留單照收錢都經常有！啲點心差到一個點！ 潮州粉果個皮厚，仲要削， 又淋又爛！茶苗餃，同樣啲皮又淋pat pat , 又厚又削。仲要食唔出係咩餡。冇蝦冇菜！奶皇包算做得最正常嘅一個點心。不過不失腐皮卷最好食，夠脆皮差到一個極點嘅馬蹄糕！ 一啲爽口彈牙嘅感覺都冇。淋pat pat , 咬落成口粉漿咁！ 想當佢係年糕咁食？又唔得！總之爛到一個極點！ 算正常紅豆糕正常好多絕對唔值得排一個鐘囉！

之前係到食過晚飯，必定會食呢到既乳🐷，皮脆肉嫰，晚飯食物吳錯，招呼也ok，飲茶就小D，一來我吳係甘鐘意撘枱，二來之前飲早茶食物麻麻，但陪老人家就無所謂，因為老人家都鐘意舊式酒樓，可能我都有好耐無去過呢到飲茶，今日全部好似吳同哂。叫左不太多點心，只是幾個點心都好滿意，呢區都較多老人家，見到D服務員好有禮貌同對D老人家好客氣，服務好好👍👍👍👍👍首先我覺得有一樣既我自己就覺得好吳錯既就係個小茶壺同一隻大約盛40ml既水份小茶杯，旁邊放了一個大約兩公升保溫水壺，通常大部分酒樓係大茶壺，茶葉浸到發哂可能都未飲完，自然茶味又不夠好味，呢個小茶壶，不會浸泡太久，水不太多，倒出來飲，茶味又可濃郁，茶又永遠都係熱，吳錯👍點心1-炸狗肚🐠—-脆醬夠薄🐟肉夠滑😋點心2-鮮🦐腸粉—-啖啖都係成隻🦐👍點心3-尖椒釀魚肉—🐟肉彈牙尖椒㻎口😋點心4-🐟肚鮮竹卷—🐠肚甜鲜竹卷料多皮薄點心5-藥膳雞腳—湯夠甜，🐔腳夠淋隨左食物質素算吳錯之外，最欣賞係見到D待應對D老人家好有愛心，一間好有heart的懷舊酒樓👍👍

果曰相約朋友深水埗明星酒樓晚膳，聽講晚飯小菜好抵食。可能我地早到，不用等位，洒樓地方企理干淨，几寬敞，几舒服的，我地點左幾個菜式，有波士頓龍蝦芝士燴伊面，片皮鴨、西芹炒雜，雖然龍蝦不算大只，但勝在鮮味十足，龍蝦肉爽口彈牙，芝士好足，伊面索左汁夾住芝士一起吃濃郁鮮甜，好夾好好味片皮鴨是最抵吃之选，粉皮做得不錯煙煙韌韌加上甜醬、京葱青瓜、鴨包住食，口感十分豐富，令人回味，芹菜炒雜，炒到翠翠綠绿，爽口惹味，好醒胃！

晌另一篇美孚Pacific Coffee嘅食評度，講過朝早嘆完個早餐，跟住出發同朋友行衛奕信徑第5段，由沙田坳（唔喺晌沙田，而喺晌黃大仙上面）行到去九龍水塘（即馬騮山一帶），整段路唔太難，對我哋行開山嘅人嚟講，算喺輕鬆，亦因為天氣有啲熱，先至揀呢段嚟行。完成3小時嘅路程，剛好中午時份，最好就一行6人落深水埗飲茶啦。嚟到呢間「明星」，純因方便，一程巴士就到門口。以前間酒樓佔地兩層，依家只得番三樓，二樓變咗惠康。門口阿姐見我哋行完山，一身行裝，專登俾個房裡面嘅12人大枱，方便擺嘢，真喺唔話得。環境就唔多講，以前亦同屋企人嚟食過好幾次晚飯，都曾經寫過吓食評。貼出咗張點心紙俾大家當個參考，因為唔單止睇到有咩食，仲有晒價錢，佢哋啲價都唔算平，而且，星期六午市都無乜優惠。茶位$11個，收加一，飲茶嘅基本入場費。此外，仲有張「特色推介」嘅茶式點心紙，有晒圖片作參考。由於是次飲茶嘅朋友中都只得小弟喺「相機先食」嘅人，所以，點心一嚟，就快快手影張相就算，無特別搞太耐阻大家食嘢。蟹籽燒賣皇 $24叫得燒賣皇，就梗喺包得夠大粒啦，不過，佢哋將蟹籽跟燒賣一齊蒸，蒸黃咗就無咁靚仔，我見過有啲酒樓就後加蟹籽，等啲

母親節在每年五月第二個星期日，今天提早慶祝，走到這家酒家吃頓晚飯。這酒家由原有的三層改為一層，供食客品茶。可能是租金昂貴，地下的燒爉部已經失蹤了，至於二樓食堂也改為一所超级市塲，只餘下三樓營運。细細個已經跟母親光顧這家酒家，舊名稱"迎賓"至現在"明星"。雖然它的轉變，但我們的足跡及情感依舊。晚市在六點開始，食客滿滿的，估計也該是一家人齊齊整整的提早慶祝母親節吧。點了數個小菜，有媽媽最愛吃的翠塘豆腐，滑滑的，配上海鲜，送飯一流。還有爸爸最愛吃的白灼蝦，點了辣椒豉油，味道更見鮮美。還向侍應生點了香蒜竹籠雞，賣相極為吸引，味道也不輸蝕。雞粒被灑滿蒜粒，配上香脆可口花生，唐芹，送啤酒一流。咕嚕肉及蒜蓉白菜仔係我家姐們的至愛。咕嚕肉配上火龍果，不油膩，感到清新香口。白菜仔炒得鑊氣十足，不老，夠嬌嫩。由於爸爸媽媽是常客，送上飯後甜品必是指定動作呢!縱使它已改變，但食物質素仍然保持一流水準。

今日同朋友係呢間酒樓食飯，呢間酒樓係第一次去，不過酒樓係正十字路口到，所以唔算難塭一眼就睇到，不過酒樓裝修欠奉比較殘舊，不過唔緊要啦最緊要係啲嘢好食就得。龍蝦肉質好彈牙，而且好鮮甜。鮮蟹肉海皇燴翅好足料，啖啖蟹肉。百花釀蟹鉗睇落去應該炸得過火左少少，所以外皮食落去有啲韌，不過都整得好好食。當紅炸子雞個賣相就麻麻地，不過食落口總算外皮香脆而且肉質嫩滑。

今日諗住落去福榮街睇下精品途經這間明星酒家便隨便上去飲個茶， 十時半左右入座率大概八成。 所以好快搵到位。 可能舊區 關係大部分都係老人家， 地方唔算大 個埸篇窄。 點心似唔算太多選擇不過都有特色嘢 我們點了 蘿蔔糕一般， 粉多個蘿蔔 春捲都一般， 但鼓汁纕茄子幾好食個汁唔錯。 鳳爪排骨飯蒸得唔錯， 叉燒腸就一般粉漿不夠滑偏厚。 雞扎一般。 蝦餃皮都算薄。

放工後去左同事介紹係深水埗既電話維修鋪頭放低左電話後同事介紹去明星晚市有海鮮優惠，就跟佢行幾條街去食餐牌有好多款海鮮優惠我地最後揀左上湯加拿大龍蝦伊面底、4隻蒜蓉粉絲蒜元貝同埋金銀旦莧菜龍蝦唔算大隻但肉質係彈牙既...即係幾新鮮個上湯味都好好味，用d 伊面吸晒汁一齊食👍🏻😋元貝比我想像中大隻，諗住～$20/隻應該好細，但又唔係，而且都好新鮮，不錯！最後係個菜 好大碟，正常味道～呢度有樣好係海鮮優惠任叫，唔係限死只能揀一款，鍾意食海鮮可以黎試下～

服務非常差的接待！1:50分去等下午茶，我向女接待說唔該2位下午茶，她沒有說話，頭也冇抬起，只指一指貼在牆上的黄貼紙！我再問，她又指一指及說2點！我激氣的大聲再問，使唔使先攞飛，她只說2點開始！全程都冇解釋程序，也只正面望了我2次！

作為外食族，每天都要考慮吃什麼，實在諗到頭都爆有時懶得諗，行落樓下見到乜就去食乜，今天就到明星吃個迷你海鮮餐因為只有2個人，實在無法點太多餸菜，揀選了以下幾款薑葱焗桶蠔$88蠔好大隻，仲有成5隻咁多，又脆身，正！蒜蓉粉絲蒸元貝$58蒜蓉粉絲好香但係元貝蒸過火，硬了一點清蒸沙巴龍躉仔$88以價錢來說，這條魚好抵食，但還是老問題。。老了飯後奉送紅荳沙感覺較稀，味道偏甜了點，但以此甜點作結也算完滿