影片
這兒早餐到11:30am,還有幾分鐘便過早餐時段,我和老公快坐快叫早餐.這店舖很細小,外面下住雨,難得店內地面仍很乾爽,煮車仔麵的廚房就在入口旁邊,很乾淨企理,個圓厚'真板'好乾淨.卡位旁的調味架亦是.阿姐態度有禮,靠她口講知道餐飽可選方飽/蒜茸飽/多士/小餐飽(menu內沒詳述的)$20雪菜肉絲公仔麵(味道適中)+炒蛋(有蛋香,不油膩)+腸仔(煎香但不油膩)+多士(好香脆,烘得夠燶,但無燶味,好味)+熱奶茶(茶味不足,有奶香)
繼續閱讀
以上資料只供參考, 請與餐廳確認詳情
油麻地既食肆都差唔多食哂，因為有d餐廳似乎衛生麻地，所以一直都唔敢試。德苑好似係新開，我諗個廚房應該ok乾淨掛。叫左魚餃、牛腩、蘿蔔、菜...共六款餸(二人共兩碗，$19/碗)，配料足，麵都夠多，一個男人應該都夠飽。雖然個咖喱唔算香濃，不過簡簡單一餐都算ok喇。
繼續閱讀
睇完戲是但搵間食肆食飯,去左德苑,點左個$25飯餐,魚柳紅腸煎蛋飯,真係好普通好簡單而且食材好廉價,但係就好好味,食完令人回味!碟飯其貎不揚,有一塊炸魚柳,雖然乾乾咁,但係唔油,個皮唔厚,當然魚肉又唔係好多,梗係無麥記魚柳包既魚柳咁好味,但係都ok啦; 紅腸好好味,有四片,雖然少少油,但係好夠味道,又香; 煎蛋都有兩隻,新鮮,唯一唔太好係個黃熟左,唔可以撈飯;最正係個豉油汁,無論撈落個蛋度定係撈飯,都令人覺得好好好好味!可能因為好耐無食呢類飯款,感到特別好味!
繼續閱讀
某日經過...見到好似幾吸引咁，就入左去...ORDER左個咖哩豬扒腸仔蛋飯，點知...D飯硬到唔知咩咁，D咖哩汁又爆少...而且仲要爆咸>口<"，唔知間野搞咩...咁都算啦，佢地D服務態度仲好唔得囉...叫左十幾聲都唔應，自問我都唔算細聲丫，唔想做生意...咪講囉!!唔會再幫襯...。
繼續閱讀
27/4(五) 8pm是晚被我的"好同學"放鴿子;下課後到這環境光鮮企理,沒半點烏煙瘴氣痕跡的車仔麵店獨食.此店位於較僻靜的碧街,晚飯黃金時段也不滿座,對食客來說無疑是樂事!要了三送車仔麵$18,韭菜餃牛肚拼唐生菜米配豬骨湯底;3隻薄皮的韭菜餃富韭菜香,唯豬肉餡稍肥;唐生菜質感爽脆,牛肚入口軟腍爽口兼備,且滲出淡淡五香;米粉份量足,入口也稱得上滑溜!遺憾地那跟米粉水沒兩樣的豬骨湯教人吃得納悶!有禮的服務乃此店另一加分處!吃得過的簡餐!
繼續閱讀