影片
港鐵柴灣站 D 出口, 步行約8分鐘
繼續閱讀
營業時間
*逢周一晚休息
星期一至日
09:00 - 22:00
以上資料只供參考, 請與餐廳確認詳情
招牌菜
自從返工嚟咗柴灣之後，澳排就成為咗我晌柴灣區最愛吃lunch 嘅地方，事關佢嘅意粉的確係足料同夠味，攪到永遠嚟幫襯總係叫我愛嘅「c」餐後來轉為帶飯做lunch, 出街吃飯嘅機會少咗好多，近日晌同事口中得知澳排做到今個月尾就因唔續約而要結業，要等搵到新地方先可以再開，即刻好愕然兼點都要臨別秋波去食一次咁耐而嚟未食過嘅嘢相隔咁耐我先第一次食扒餐，永遠c餐嘅我轉投雜扒（$48）懷抱，份量足，又有得揀咩汁同飯、意粉或薯菜，上到碟仍熱哄哄，黑椒汁足，非常滿意，由於一向擔心食唔晒到呢一刻先嘗試，覺得好抵食，吃完連埋飲品非常飽，可惜餐廳已踏入尾聲
繼續閱讀
作為一個住左柴灣30年既街方，邊有可能唔識呢間澳門大排檔! 無論你平日或假日，都一定多人到你唔信!我相信係柴灣漁灣街市咁出名咁多人黎食野，都係因為靠"澳門大排檔"帶起。現今係香港食一個LUNCH，無40~50蚊基本上係好難有野食到，仲要好多都係唔好味。但係呢度40蚊內有大把好野食比你揀！！！平時六日中午我都會黎食飯，呢度最出名係意粉，好多人黎呢度食係得2樣叫，一係意粉，二就係鐵板餐。意粉我真係最愛，10餐有9次都叫，今次我揀左個鐵扒黎食。鐵板雜扒餐 ： $48蚊 蒜蓉汁雜扒配薯菜（可選飯或者意粉），入面有腸仔同火腿，雞扒，豬扒同魚，腸仔同火腿就唔使點講啦，都係咁上下。但呢度D扒次次都好大塊，好足料，雞扒幾好食唔會乾，仲食到個皮有少少脆，豬扒重比左2塊我，真係唔飽都唔信。
繼續閱讀
假日中午時段，成個熟食中心最爆滿既一間，點解？因為真係好好食。午餐同下午茶都好抵食，佢地既意粉係推介！食過佢地既意粉，其他餐廳賣到百幾二百既意粉都唔夠佢地好食！而且佢地午餐茶餐都係四十左右，好抵食！平時如果驚太飽，都會叫個茶餐沙律餐，點知，個餐又有生果又有三文治，都係好飽晚餐食過牛肉炒飯，超夠火喉！佢地既小菜都係冇得輸！仲有佢地個侍應哥哥都幾好笑！好好人！
繼續閱讀
那天和同事一起去漁灣村街市食中午，這間食店客似雲來，人山人海，好像很受歡迎，而我亦光顧了幾次，感覺出品唔錯，而且都幾抵食。我點的是午餐推介的香蒜魚柳忌廉汁意粉，聞起來很香，但我本身比較喜歡濃味點，所以就加了點芝士粉，芝士粉令意粉食起來更美味可口，忌廉汁亦令意粉的味道更突出，香蒜不會令意粉太鹹，反而令意粉變得很香，感覺味道跟一般西餐廳沒太大分別，甚至比一些餐廳還要好味，至於份量方面，魚柳的份量則較少，菇類和意粉份量適中，中午餐都夠飽，但如果很餓的話可能選擇鐵板餐或飯會更飽肚。整體來說，這間食店中午餐價錢大眾化，味道可以，作為午餐都是不錯之選。
繼續閱讀
喺街市熟食中心lunch可以食到鐵板餐，真係唔係天方夜談$45有齊豬牛雞腸腿，汁飯意薯自由選擇包餐飲，加$5仲可以配餐湯同蒜蓉包，CP值極高。出菜快，牛雞扒細塊咗少少但豬扒大大塊，薯角保持脆卜卜，當然咁嘅價錢對肉質唔可以要求太高，但lunch放縱吓据個扒，的確幾開心。
繼續閱讀