泰和堂涼茶店

營業中

休息中

想起某年夜晚收工後與幾個同事必經旺角轉車順便去食宵夜/糖水才回家⋯每次這時候先有機會一班人聚在一起排排坐下來傾談相當難得，辛苦了一天總算值得期待的時刻。雖然不是特別的糖水店但帶有懷舊氣息的店鋪，現在好少會見到。

🧑🏻‍🍳 未食過咁難食嘅中式糖水🥹…夜晚經過旺角，見到有間傳統涼茶舖有賣糖水，同埋好多人幫襯，所以就買咗外賣返屋企食，點知中晒伏，價錢仲要唔平，未食過啲咁難食嘅嘢，所以要警世⚠️—————————————————————🍴 蛋白燉鮮奶 ($31) 質地同味道都好差，真係用差嚟形容🥹，質地係爛到一pat野咁，好似未燉好咁，味道方面，係…冇味😋 美味指數: 0/10—————————————————————🍴 合桃糊 ($32) 本身對佢嘅期望好高，同埋見到都幾多人嗌，一打開就聞到好香嘅合桃味，不過食落去係冇味，感覺似係用粉溝出嚟嘅，冇合桃味，食咗十分一已經食唔落了，如果想食呢間，我會強烈建議食波仔嘅糖水，好食10倍😄😋 美味指數: 0/10

恭和堂價錢💲: $36/ $48好味程度😋: 3.3/5服務🍴: 3.3/5環境🗾: 2.5/5性價比🥢: 3.7/5回頭率😚: 3.3/5-有時去到旺角唔知食咩糖水好，可以參考下呢篇啦！係先達個邊的小巴站對埋有間涼茶舖竟然有糖水賣，仲要開到朝早六點，就算幾夜都好都唔怕無糖水食啦😱平日大約11點去到都坐滿人，位置當然迫啲，有機會要同人搭枱。同埋冷氣好弱，所以都建議涼小小先來。-✅粉絲椰汁撈芒果。粉絲其實好似大菜糕咁，切成一條條，粗身過平時粉絲，無味道的，食佢爽爽地的口感🤔 椰汁唔係好香濃，不過溝埋🥭汁都夠味😉 芒果比得多，幾甜。成碗份量好夠。-🆗什果椰汁紫糯米。什果有芒果、西瓜、哈密瓜、罐頭雜果等，芒果最甜，但西瓜哈密瓜都唔係好甜，水果質素一般🤨 紫糯米煲得夠，煙煙韌韌好好趙，同埋紫米味道好香🤩 不過紫米+水果🥥的配搭唔係好夾😳-唔算好特別，不過涼茶店有糖水賣又應該淨係得佢一間。味道一般，下次可以食返芝麻糊個類🤭想食個中式糖水都可以來體驗下🤣- #piggyfoodiein旺角

火麻仁. 得個甜字. 又如－匙匙白糖食落肚. 仲意食砂糖嘅人首選. 雖然火麻仁係中葯. 加上大量白糖. 有幾養生？ Hemp Fruit drink is kind of a Chinese med with the cold temperatures and full of white sugar . How healthy is that? Worst that ultra processed food. Shitty drink 黑芝麻糊： (法案分兩個階段管制即棄膠餐具，第一階段禁止銷售和向外賣顧客提供發泡膠餐具)你冇嘢啊，用發泡膠熱嘢. 黑芝麻本身有嘢彈俾你啲塑化劑污染晒，請問有幾健康啊？佢答我賣咗20年都係咁賣. 講返質素啦，黑芝麻糊淡而無味，至於滑唔滑樓啊？用機器整出嚟嘅嘢啊個個都係咁㗎喇. 中葯嘅舖頭sell 糖水. 諗住佢哋會健康啲啦，點知最差係佢哋. 仲要專登去個區. Black sesame soup is awful. They put the hot dessert on the BPA plastic . How healthy couldIt be ?

食完晚飯，其實好飽，不過都想食啲甜嘢，想食傳統一點的糖水，好耐無到訪泰和堂，順路經過，就來吃吃吧😋🥢冰花燉雞蛋，蛋味香濃，不太甜 $31🥢熱芝麻糊，不太甜 ，都幾滑 $29

.同朋友食完燒肉又唔想咁快散場所以就搵下糖水食～之前見過有人介紹恭和堂又係附近，所以就一齊去試下啦餐牌上面有好多選擇，有選擇困難症嘅我哋都揀咗好耐。最後我揀咗粉絲椰汁撈芒果我仲細細聲同店姐姐講要多多芒果結果上枱時芒果真係好多🤭唔知係真係俾多定本身就係咁呢？我當係姐姐特登俾多我🫶🏻粉絲本身無味，我以為好滑身但又唔係，真係似粉絲不過比平時食粗d成碗其實個味道冇乜特別就係粉絲撈左芒果加一埋椰汁其實幾甜下加上我哋食到好飽，所以食埋呢碗成個腦都係「好飽」但以呢個份量，CP值好高..

見門口好懷舊， 涼茶鋪有賣多款糖水， 食完晚飯搵地方坐就入去試吓。以一間涼茶舖黎講，中式糖水款式算多選擇，環境衛生一般。外面食個糖水都要排隊， 食完又要趕住埋單， 因為出面有其他人排緊隊。呢間完全唔洗排隊， 可以慢慢坐， 但座位環境令你唔會想特別坐得耐😂😂😂♡ 鮮什果西米撈 $48份量睇落係好大份， 不過水果唔夠新鮮好味， 菠蘿勁酸， 芒果同西瓜都唔甜， 什果款式唔多，裝到咁滿其實好難拔起，價錢係平， 但味道一般。♡ 香滑芝麻糊 $29口感好厚實， 但唔香芝麻味，食完好想飲水😂

男朋友話 呢間涼茶鋪嘅 中式糖水好好味涼茶舖賣糖水？？聽到我一頭霧水🤨🤨於是佢就直接 車左我係門口😂又真係叫涼茶店....但又真係賣糖水架喎😂😂🍴香椰奶西米撈 💰36椰汁味唔夠濃 ☹️ 見佢個名咁特別 叫西米撈我仲以為係啲椰汁好杰身 可以變西米羹咁點知都只係普通西米露.....🍴芒果粒撈椰奶 💰48個名係改得幾靚嘅....🙃只係芒果粒偏多的 椰汁芒果粒....外賣個碗好細個....外賣仲要加$1 老實講 呢個價錢 好多選擇都可以更好或者....涼茶舖都應該...飲返涼茶好啲☠️☠️

🤩🤩🤩超大碗西瓜涼粉🍉西瓜🍉多到就嚟跌出嚟，多汁，顏色鮮紅，咁先係$36，旺角黎講真係超級超級超級抵🥰。涼粉一啖一粒，大細啱啱好，係偏淋嘅涼粉（小編鍾意呢種，另一種出面係偏爽口嘅就麻麻啦🤪），糖水係少甜嘅，啱晒想食糖水又唔好太甜嘅人（😂大矛盾），另外仲可以叫佢加椰汁（後面加咗），超正得😚。環境係細店，迫迫地，但旺角嚟講，都係咁啦，員工手腳好快，基本你嗌完嘢，坐低，已經有得食。同埋開到勁夜，啱晒鍾意嘅抱嘅小編😍😍😍。

夜晚食完飯 突然之間想食糖水友人就建議去呢間涼茶鋪食糖水星期五晚都算多人 所有位都坐爆但我哋好彩去到唔洗等位😎😎😎有啲位可能要同唔識嘅人搭檯～我哋叫咗三碗凍芒果椰汁紫糯米同一碗椰汁黑糯米五分鐘內都到齊 一上到檯 見到滿滿的料👍🏻 滿到要用另一隻碟裝住芒果椰汁紫糯米上面係滿滿的芒果 下面係滿滿的紫米食落口芒果好甜🤩 紫糯米就偏有咬口 個人幾鍾意呢種紫糯米 但同行友人就覺得可以淋啲 至於椰汁 一致覺得可以再椰汁味出啲椰汁黑糯米食落就如冇芒果嘅芒果椰汁紫糯米😂 因為椰汁唔夠椰味 所以有芒果會好食好多 黑糯米同紫糯米食落都一樣味～總結一間涼茶鋪嘅甜品做到咁已經唔錯！$36 大大碗 滿料好食嘅甜品 唯一美中不足真係椰汁唔夠椰👀個人鍾意食超椰嘅甜品🤤希望下次去可以再試多幾種甜品

近日天時暑熱，但係想食返碗冰凍嘅糖水。今次為大家介紹嘅係泰和堂涼茶鋪。泰和堂不單只賣涼茶而且有好多款既中式糖水。最出名就係佢地既蛤蚧大補膏，但係今次食左佢地既滋補養顏芝麻糊。佢哋上甜品嘅速度真係好快！基本上一坐低叫完，唔夠1分鐘，甜品就送去你面前。芝麻糊超級大碗，食得出超級多芝麻。不過食到一嚿嚿既芝麻溶，唔夠滑身，不過$25一碗咁大碗嘅芝麻糊，真係好抵食。小編食咗一半就已經飽到食唔落夜飯。以佢呢個價錢咁大碗嘅芝麻糊，經過路過都不妨試吓，支持一下舊式嘅涼茶舖，依家真係買少見少。

宜家咁嘅時勢 夜閑人靜10點幾仲要搵間糖水舖唔容易呀…幸得frd子介紹一間隱世涼茶舖🤪差啲比佢外表扼咗 入面都有唔少高質中式糖水 唔啱嘅仲有西米撈、涼粉撈、紫糯米撈、鮮果撈咁 但呢啲番風季節梗係最啱食番兜暖笠笠嘅糖水收尾啦🤤。。。🦔👉川貝燉雪梨 $37真係好清甜！係令人眼前一亮嗰種🤩雪梨滿滿的 切到一小片咁又易咬啲 成兜飲哂真係夠哂滋潤😋屋企無時間燉唔到 黎呢啲舖頭仔飲都幾抵。。。🦔👉補腎合桃糊 $27真係好高質！飲落口好順滑 唔係好粉嗰種糊 又唔會甜到膩 呢啲真係最正宗嘅合桃糊🤤飲到最後心諗咁大兜嘅 係真係用裝飯兜嗰種大碗 性價比極高！

去咗女人街標記食咗一餐不知所謂嘅晚餐，浪費咗我同女友小熊寶貴嘅 quota，時間同金錢，於是飯後走去食甜品，希望搵翻多少慰藉.20年前，已經係哩間泰和堂食糖水.點咗楊枝金露同熱芝麻糊，加湯丸.首先講楊枝金露，芒果打嘅汁夠濃夠味，味道帶甜唔帶酸，西米露份量足無偷工減料，只係D沙田柚係爽脆口感，好奇特！芝麻糊論香度，唔夠大圍大飯糖咁香，論甜度，亦唔夠甜，淡口咗少少，所以....只可以俾 okay.

天氣凍冰冰又大風，坐返屋企嘅小巴，仲有成15分鐘先到，咁點好？行過有糖水舖梗係入去坐吓食碗糖水暖下個胃先啦。呢一間舊式嘅中式糖水舖，喺旺角已經好多年，一到冬天就見到佢人山人海叫咗一碗龜苓膏，同埋一碗合桃糊。熱嘅龜苓膏如果唔加糖水食其實真係幾苦，苦得來有一種甘甘地嘅味道，係咪真係有效我就唔知啦，下次都係食返平啲嘅涼粉就算😂食緊合桃糊嘅時候同朋友有討論過究竟合桃糊同合桃露有咩分別😂呢一碗合桃係杰身，普普通通味道一般

天氣轉涼🌬🌬好想食一碗熱辣辣中式糖水🥣🥣呢間傳統糖水舖位於旺角鬧市中，記得細細嗰放學，媽媽會帶我嚟呢類型嘅糖水舖食燒賣、啫哩、豆腐花，好懷念啊🥰依家年紀越嚟越大，開始要養養身子，點左一碗桑寄生蛋茶當下午茶🙈🙈糖水好大碗，只係賣$26，好清甜，好䁔胃，好健康🤭🤭食完一啲邪惡感都無呀！！😋啱晒餵食/口痕人士好鐘意呢度嘅感覺，食完姐姐都唔會催你走，可以慢慢座👌🏻😉有時慢活生活，唔一定要去cafe飲咖啡，有時感受一下懷舊嘅店舖，都有另一番風味～