影片
營業時間
今日營業
08:30 - 21:30
星期一至日
08:30 - 21:30
以上資料只供參考, 請與餐廳確認詳情
今日出咗旺角去咗一間烘焙店，聽人講話呢間嘅布甸蛋撻好好味，所以專登過嚟買，我仲睇咗好耐😂，除咗布甸蛋撻出名之外，另外見到有拿破崙切餅，仲有見到蝴蝶酥，蛋捲，好靚嘅蛋糕，麵包之類…買咗返去同同事一齊share食😋極力推介，呢個布甸蛋撻真係好好食，啲同事都話好食，佢個蛋味好香濃，食落去呢其實唔係似布甸，我覺得有少少似葡撻嘅感覺😂而外皮呢我覺得似食曲奇皮，甜度適中，而且係king size好大個😂如果一個人食一個真係好飽，所以share食啱啱好😂又可以試多啲嘢拿破崙切餅：每一層都好鬆脆，好多cream😂而且又係好大個😂呢個呢就一個人食好啲，因為如果攞把刀切嘅時候就會都幾難切😂我仲同我老闆講話我自己食晒一個😜蝴蝶酥：呢個又係好好食ga ，做得好鬆脆😚蛋捲：好香好脆，帶有少少蜂蜜味幾特別土耳其包：我覺得麵包好軟熟，而且入邊嘅腸仔係煎過，所以會更加香
繼續閱讀
有朋友推介呢間餅店嘅蛋撻，今日行經附近決定來試試，去到門口先發現唔係普通港式蛋撻，而係叫做布甸蛋撻，size有一件西式撻餅咁大。布甸蛋撻 （$12）首先去收銀處俾錢，之後去門口嘅蛋撻爐搵店員拎蛋撻。雖然唔係新鮮出爐，但係有用個暖爐去暖住，蛋撻放入紙袋內拎上手時候仲係熱熱地，好食啲原來所謂嘅布甸蛋撻係一杯布甸咁嘅size嘅一個曲奇皮蛋撻。蛋撻中間嘅蛋唔係布甸味，比較實少少，似燉蛋甜品不過味道比較淡，唔係好甜。但對於鍾意食曲奇皮蛋撻嘅我嚟講我覺得係好食。個蛋撻嘅甜味似乎主要係來自燉蛋表面嘅糖漿。
繼續閱讀
香港不乏地道好吃考手bakeries, 好奇心驅使之下，試一試旺角呢一間櫻花蝦酥，店鋪旺角呢一間櫻花花也要賣麵包，蛋糕看起來都不錯。中午來到人不多，我一入來便著手找了一盒櫻花蝦酥，鐵罐裝$152盒（半盒裝的鐵罐），價錢尚可。見到要細細粒裝$78， 如果只是口痕，是很好的選擇。👍試食後不是我想像之中，是沒有牛油味，但有濃郁的蝦味。較喜歡充滿牛油香味的酥，肥都肥得抵d 啊嘛。不過或者有其他人會鍾意，可以試試。
繼續閱讀
就來嚟到新年，當然要預備拜年賀年禮品，星味坊除咗有超人氣嘅布甸蛋撻，仲有其他新產品㗎，包括『發』財禮盒、杏仁條同蛋卷喔！包裝精美，送禮面面俱到🎁蜂巢蛋卷用最天然嘅材料，蛋味香濃，出自網狀嘅蛋卷工藝，煎蛋卷嘅手藝令到極其鬆化，令起入口都要輕手啲🤭蝴蝶酥近年成為送禮大熱，賣相漂亮，餅形圓潤對稱，色澤平均，鬆脆可口櫻花蝦酥絕對係新年賀禮嘅首選！櫻花蝦千層酥帶嚟獨特風味，櫻花蝦香味濃郁，千層酥酥脆，鹹甜味道剛剛好，唔會膩口，酥餅同櫻花蝦嘅風味融合得完美！人氣布甸蛋撻$12小店嘅巨型布丁蛋撻每日新鮮製造！較坊間蛋撻高身，蛋漿比一般蛋撻多四分之一，金黃鬆脆，配以燒至焦糖色的濃郁蛋味及奶香的內餡，外脆內嫩滑綿密，層次分明！
繼續閱讀
新年指定動作當然要行下花墟🌺及花園街一帶，咁順路當然要攞埋大早前响星味坊預訂嘅貨喇😋🥨蝴蝶酥（約36片，280g）$152形狀隻隻都好靚，香脆少甜，而且個禮盒外型好別緻，系上金色絲帶，好有新年氣氛，自己食固然之開心，送禮亦大方得體😍🥨杏仁條（24條，240g）$152食落酥香鬆脆，入口爆香杏仁味，少甜唔膩，沖番杯茶同朋友閒聊必備嘅小點😝🥨櫻花蝦酥（24條，240g）$152櫻花蝦香氣濃郁，聞落已經流曬口水，食落有鹹香味嘅同時又帶有甜甜嘅味道，但係又好夾好好食，口感鬆脆，食到停唔到口🤭🥨原味蜂巢蛋卷（480g）$138色澤金黃靚仔，牛油味濃郁，口感鬆脆酥化，下午茶常備嘅小點☺️
繼續閱讀