5
2
3
港鐵油麻地站 A2 出口, 步行約4分鐘
繼續閱讀
營業時間
星期一至日
12:00 - 22:30
以上資料只供參考, 請與餐廳確認詳情
聖誕節的夜晚車爸爸要開OT車車還在診所探病前在旺角求其找間人少餐廳去食一個人的聖誕晚餐揀咗呢間心之町!!叫個自選晚餐$68(聖誕節加$10)有頭盤鮮果火腿沙律或芭堤雅春卷我揀咗春卷有三小條炸得好香脆過餡料係蔬菜但較為淡味~餐湯有中湯或雜菜湯另配牛角包,撞佢個鬼吖食牛角包當然要雜菜湯啦味道可以啦還有很多菜呢另外牛角包熱暖酥香幾有驚喜噃!!主菜係司華力腸.穀飼豬扒須要體力的我要吃飯配了黑椒汁,司華力腸脆卜卜有彈性豬扒肉質較硬調味輕手一般貨色而已~最後送上士多啤梨雪米糍一粒總算在普天同慶日子有點甜!!
繼續閱讀
同男朋友咁岩經過見到入左黎試下叫左2個西冷牛排 一黎到就知中伏了 啲扒炸熟唔係煎熟 肉質好難咬 個扒仲要唔熱 好輕微既暖 唯獨個涼粉奶茶幾過引 啲奶茶係沖唔係用粉溝不值一試失望
繼續閱讀
呢間餐廳都算幾難搵，同朋友行左一陣先搵到呢間野。可能就係佢比較難搵，所以夜晚去都唔算多人。我同朋友叫左個2人嘅晚市套餐，首先個餐湯，我本身叫忌廉湯，而因為朋友叫嘅羅宋湯比較辣，所以同佢交換左,忌廉湯其實都幾滑幾好飲，但我個人覺得羅宋湯比較好飲，而且幾足料，而且其實都係有少少辣姐。個頭盤係一個煙鴨胸沙律，個鴨胸幾好食，唔會太油膩，而沙律個汁都好正，酸酸甜甜咁，但d菜就略嫌有d苦,不過都OK。而個主菜係煎西冷配燒大蝦同薯角，個西冷有d韌，不過都可以接受，個大蝦就不過不失啦，而d薯角就唔太脆，整體都算幾大分，都算唔差。我覺得最好食就係之後個白汁帶子菠菜麵。個白汁同個麵好夾，而且都算幾多帶子，而且都有好多三色椒同西芹等嘅配料，非常好食。飲品方面我就叫左杯黑牛，可能本身我冇飲過，覺得幾特別，個朱古力雪糕溶左之後杯野好似一杯有氣嘅朱古力，而我朋友就叫左杯雪糕紅豆冰都唔差，有幾多紅豆同都幾好飲。甜品方面本來個餐有個雪糕香蕉船,但佢因為冇哂香蕉所以就咁比3球雪糕我哋，都冇咩特別。整體黎講，間餐廳真係唔錯，d野大分而且幾好食，氣氛都幾好，枱面有個假嘅心形蠟燭，而且佢唔多人都係佢嘅優點，間餐廳唔會好嘈，啱哂同朋友傾偈。價錢都唔會話太貴，同朋友每人都係120到。最後佢唯一有野唔好係d野食黎得太快，搞到後尾d野凍哂。
繼續閱讀
今日下午 試左個價值$33 吉列大豬+薯角 連餐飲(熱菜蜜) 凍飲+$2份量極少，炸豬扒完全同豪大大差吾多級數差，但仲要貴過佢，沙律醬點左5次都痴唔到件豬扒，最後要用刀解決！而薯角即太老，炸太耐同無咩點濾油或換油！總結，完全唔適合胃口比較大既人，勉強只值$28左右，與同區比較新森林焗飯專門店，1個豬扒焗飯+小食+麵包+湯+餐飲 都係總值$36，另外唔知係咪換左老闆，收銀有點串同埋搭嗲又要抽水，態度很一般，環境2個月前後沒變化，主要都係門口改變左。*提外話，之前覺得晚餐ok的，有讚少彈，但係唔知做咩open rice 再幫心之町重開多次，冇曬之前既紀錄！(所以都諗緊可能又轉老闆，因非第一次)
繼續閱讀
今日諗住同朋友食扒餐既，但好似旺角乜野都食過曬咁，因為成日係旺角返學放學，行街不外乎係CWB,TST,MK(你懂的)，真係冇乜特別野好食，我亦都好少寫Open rice 各類型餐廳寫食評！今次哩間餐廳，真係令我破例。是日晚餐: $85 西冷扒+薯菜(非雜扒)，$15 心之町螺，$45 茄汁焗豬扒飯 (連加一就)149.5 今晚嗌左個西冷扒+薯菜 ($85)，牛扒7成熟，因為果日個肚吾太舒服，唔想食太生，應該食5成熟，再係個鐵板到煎多幾下，而薯菜都唔錯，但係鐵板太耐，或者部份比牛扒壓住，明顯有深黑色既黑邊位。但大體上牛扒勁有肉汁，食落口感滑滑地(7成熟都可以做到咁 真係勁)，而薯菜就爽口，比m記好dd咁。($85扒餐 先有 +$15換購->)心之町螺，唔洗大家食到殊殊聲果種，佢用薯蓉同一早挑左個螺肉出黎焗，所以可以一啖食落肚，不過都幾飽下，同埋要襯熱食，因為凍左既薯蓉差好遠，所以要睇大量食量，15蚊有6舊薯蓉+螺用！十分抵食。(正價好似要$28)反而個茄汁焗豬扒飯，真係令我有D驚奇，因為平時食都係好平涼，冇乜特別，口感一般，乾巴巴的，但心之町個個豬扒飯唔太乾，豬扒有口感，雖然有紅椒同青椒，但配合個醬汁都係一個唔錯，同埋$45好似係食極都有，仲抵食過大家樂果D $4X蚊既一哥焗豬扒飯，雖然連加一，哩個豬扒飯都成$50蚊架！最後不得不讚既真係地方同服務態度，最岩情人去談心，傾計既，我地食左都差吾多１個幾鐘頭，隔離枱過成半個鐘先叫野食都冇問題，可能個日人客少吧，因為全場大約有３０張枱，但得８枱有客，所以冇好似出名澳Ｘ牛Ｘ公司咁，一黎就乜食咩，態度好到不得了咁（反義），同埋員工態度／老闆態度都勁好，加上上菜速度都幾快！食曬成餐，估吾到仲有雪糕食，雪糕既牌子本身以為雀巢，但食落唔似，行去洗手間先知係阿波蘿！
繼續閱讀