影片
港鐵旺角站 D3 出口, 港鐵旺角東站 B 出口, 港鐵油麻地站 D 出口
繼續閱讀
營業時間
星期一至日
07:30 - 20:00
以上資料只供參考, 請與餐廳確認詳情
維景酒店門口的咖啡麵包好平。因為收工差不多都已經六點，明天早起都不想煮早餐，路過維景酒店見到有時候八折優惠。大大個麵包夠抵食。有朱古力，還有菠蘿等等味道。麵包差不多好似一個人頭塊臉咁大。可惜環境偏細，因為就在酒店大堂裡面的一個角落。員工態度親切有禮。因為買左比較多，所以都幫手分開兩個麵包兩個袋裝住，再用大袋。麵包朱古力一大塊鬆脆，麵包不會太硬，現在的室溫溫度也可以存放在自己屋裡面，不用特登擺冷藏。20元再八折16元一個大大個麵包夠一家人的早餐喇。偶爾還有其他飯，焗飯等等燒春雞。。。不過有睇時間以免被人買晒。
繼續閱讀
九龍維景酒店cake shop 裝修後重開，之前一直有買開呢間餐廳嘅小蛋糕同埋大蛋糕， 一般嚟講都會訂製芒果拿破崙或者係傳統的黑森林。 咁啱今晚有家人生日，見到有新產品所以買過嚟試下先， 買完之後都忘記咗個蛋糕名，但係都應該係類似"芒果芝士mousse cake"，外貌見仁見智，我不帶評論，但是味道非常之好，外面的芒果，士多啤梨及藍莓好新鮮，內裏的芒果mousse口感好像不一般的mousse cake一樣，有少許層次之外仲有少許一粒粒的芝士味融化的，上口頗為特別，仲有不是太重芝士味，不喜歡芝士的朋友可以試試，而餅底是朱古力脆脆餅 碎所壓成的，餅底同出面的曲奇餅底完全不一樣好好味的。 下次有機會再試不同的新餅同大家分享!
繼續閱讀
今日除咗係一年一度嘅聖誕節之外，仲係Uncle嘅生日，所以我們約咗中午喺九龍維景酒店嘅「唐宮中菜廳」飲中午茶！但喺飲茶前，我們靜靜去咗樓下嘅「餅店」買咗個聖誕生日蛋糕諗著畀個驚Uncle！喺差唔多飲完茶嘅時候，我們攞咗個蛋糕出嚟，Uncle見到之後超級開心！蛋糕嘅擺設賣相當精緻吸引，有一個趣緻可愛嘅聖誕老人同聖誕樹等等等等⋯⋯蛋糕嘅外層有香脆嘅杏片同香滑嘅忌廉，入面係香甜嘅栗子蓉同非常香滑鬆軟嘅蛋糕，味道唔會太甜，真係幾好味！
繼續閱讀
上去探朋友前又途經呢間餅店, 知道朋友好LIKE呢間既糕餅, 當然要買返幾件上去一齊開心SHARE, 款式都幾多, 令人眼花撩亂, 最後買D水果類就實無衰!呢幾件係檸檬慕士, 藍莓芝士及什果酥皮, 甜度幾好, 而個酥皮拎到返去食都無變腍, 芒果夠晒甜同有汁, 口感幾好!而呢個草莓果撻, 賣相好吸引, 令人流晒口水, 草莓甜中帶酸, "人性化"D, 唯撻底拎起時比較易碎, 食時有D"呢 HEA"!知道呢間其中一款名物係粟子蛋糕, 但好似大舊左D, 唔想食咁大份, 轉左食粟子撻, 一絲絲粟子蓉唧係上面, 舖滿晒撻面, 食落果然幾重粟子味, 最緊要唔乾, 可見唔會放左好耐都未賣出, 食一件都飽晒LU!一路食甜點, 一路同朋友吹下水都唔錯!
繼續閱讀
朋友F今晚又來我家吃飯,幾乎每次她都會買些飯後甜品來,本身她自己都喜歡食,今次此店她也是第一次買,可惜最後她也沒有食,因為今晚餸菜太豐富,她食得太飽了,哈哈......唯有我們連她那分兒一併食掉.Tiramisu~~味道平淡,唔夠軟滑芝士蛋糕~~奶味比芝士味濃,唔太喜歡藍莓芝士蛋糕~~此款味道好味些,藍莓醬酸甜度適中,芝士蛋糕也比較幼滑些咖啡合桃包~~朋友好有心,知道媽咪喜歡飲咖啡,特別買此款麵包給她試吓,聞都有些少咖啡味,但食的時候咖啡味其實好淡,而且好少合桃,不過麵包都幾軟熟如果以酒店蛋糕水準,我覺得同一般市面上的餅店差不多,反之麵包好像做得出色過蛋糕.
繼續閱讀