影片
以上資料只供參考, 請與餐廳確認詳情
我同男朋友去左電視介紹既屯門有得餃，食左炸咖哩雞餃子，秘制撈麵，德國豬手。餃子加埋辣汁好味，個麵麻麻地冇特別，德國豬手完全唔係德國豬手係醉燻蹄，個名有d呃人囉。仲有買3樣野都可以漏單-_-#
繼續閱讀
屯門友應該都知道龍門居有好多小食店, 而今次我就試左「有得餃」有堂食, 不過地方比較細, 我就選擇左外帶。兩個人, 叫左D咩呢? (好似好誇張XD)玉米豬肉餃 $27/6PCS我個人非常中意尼款, 豬肉加左栗米香香甜甜九菜豬肉餃 $27/6PCS尼個同出面D 水餃感覺唔太分別, 不過佢 D 皮雖然唔厚, 但唔會散, 好味。咖哩雞肉炸餃 $38/6PCS個咖哩係甜咖哩, 就算小朋友都OK 架~就算我係take away, 番到屋企都仲好脆, 好香口好好味~芝士煙肉薄餐 $35非常香口, 其實食唔出芝士味, 不過煙肉味好香。德國醉豬手 $45這個我真係大推!講真我又食唔出有咩酒味, 不過真係好好味~入味得黎又唔會覺得太濃~最重要當然要點埋佢個祕製醬汁啦~食完炸野食尼個真係一流~祕製醬汁有辣有唔辣正當的猶豫要辣定唔辣時, 店主大方比曬2 種我~
繼續閱讀
記得小時候,夜晚都會有掃街(邊行邊食)食宵夜的習慣,不過法例問題,掃街這回事,變成只有大時大節才會出現,可能香港人餓壞了,每每有夜市都會人山人海,是不無原因的!前一年,我都有去青衣戲棚掃街,吃了必食的串燒,也吃了餃子!!餃子真心好食,但一年只有一次機會太難得了吧,這天朋友告訴我,已有實體店,而且就在她家的樓下,所以我今晚就去左她家玩,順便去食外賣!! (呢個活動真太odd!)店子就在她家樓下的街市一角,店子很小,只有兩三個坐位,而食物是一對手數完!原來龍門居這裡夜晚有好多宵夜的,而且是店子,不是走鬼檔!真的太幸福了吧!!旁邊有店員親力親為在包餃子,感覺都幾家庭式作業!因為這裡宵夜選擇太多,我們只在這買了其中兩款餃子及芝士薄餐...之後當然是在旁邊愈買愈多...野生冬菇有機白菜豬肉餃 + 野味韮菜豬肉餃 (各$27/6隻)因為係外賣,仲會用杯仔放左d醬汁(有辣同唔辣)秘製醬汁入面有醋,蔥,蒜泥等材料,味道帶酸的!野味韮菜豬肉餃餡料都幾豐富, 一咬下已經有濃濃的韮菜味,豬肉絲是一條條的,比平常吃的有咬口!野生冬菇有機白菜豬肉餃呢個味道就比較淡,都食到冬菇同白菜的香味,肉絲是比較細碎,兩者來說,我會喜歡前者多一點~香脆芝士煙肉薄餐 $35/件由等直至回到朋友家都是一個字"香噴噴",返到去已經凍左,但入口都仲有少少脆,中間就煙煙韌韌, 因為食左掃了很多食物回去,最後都食唔晒,放了在桌上,整晚就是聞到這個香味,久久不散那種!!油膩感正常,蛋香十足,而且放了一段時間都是依然半脆!!等待外賣的時候,店主讓我們試試他們的德國秘製醉豬手($45/份),估不到是以花雕去調味,感覺都幾破格!花雕味濃郁,而且不會煮到淋身的,膠質豐富,不妨一試睇到呢張相,有去青衣戲棚的應該都有印象吧!我知道元朗店有素餃,這兒因為新開張未有,有時宵夜都想食得清淡的,而這兒偏偏沒有這類型的,可能會殺出一條血路!
繼續閱讀