影片
營業時間
星期一至日
06:30 - 03:00
以上資料只供參考, 請與餐廳確認詳情
招牌菜
星期日食午飯,竟然唔駛等位就知呢間嘅食品一般,但想像唔到係超難食囉.先來杯凍0茶竟然有陣餿味,嘢飲都有餿味,怇都算經典囉,之後來碗餐蛋面,餐肉煎到硬掘掘,應該放咗一晚,只蛋好似煎過龍,個面煮過焾,湯又冇味,絕版難食.我以後都唔會在去囉...餐蛋面---$24 凍0茶---$16 我覺得連$4蚊都唔值啦D士應服務態度差,尤其是D男士應淨係服務年輕女客,見到其他客人都當見唔到...香港茶餐廳中之敗類.
繼續閱讀
我太過疲倦了，同各女士們說好，我找個地方坐低等你地。眾人有共識之後我就獨自離群，努力地去找地方飲個下午茶。我們在屯門的Id:C，即是以前的千色店。大疲了，就直接在這個商場找地方，好讓兩條腿休息休息。往下一層找，再往下層找。終於找到我要的茶餐廳，飲杯野及食個hi tea。坐下了，水茶也為我準備好了，細看Menu同詢問過職員後才知道，原來假日及星期日的所有套餐暫停。成間茶餐廳，不設任何優惠，只能散叫.....令我感覺好似年初一、初二遇到的情況一樣。沒有套餐，選食物已經是自由的，是日應該全日食素的，但我一向齋心不齋口，不在佛祖的神聖地時，當然要肉一肉，而我就選中了牛腩撈麵。畢竟，我是很久沒有吃過撈麵。這兒的是清湯牛腩，一條條的牛腩肉，夠爽，夠味。不過麵條就差勁了一點，不夠爽，食落是腍的而且帶有梘水味。蠔油俾得太多，又搞到味道過重。個撈麵是失敗的，幸是靚牛腩搭夠。沒有套餐，沒有下午茶優惠，100%的東西都要散叫...仲要唔好食....呢一間茶餐廳，如其名‧大利。我今餐食左$55，仲貴過食luuch。
繼續閱讀
之前去食過早餐，質數都滿意，但今次再去幫襯，就真係令我好失望！兩個人，叫咗兩個沙爹牛肉出前一丁跟腿蛋面包早餐，出前一丁已經每碗要加$4，但我地都會照叫，因為其他面真係唔好食，點知出嚟嘅質素真係同果d大光面一樣，但都要我加$4，我覺得好唔抵，同佢地講，但收銀姐姐同我地解釋，話我地果兩碗係出前一丁，仲要話可能係個師傅煮面時出過水，面會淋d。(我心諗，有師傅咁好死會同客出水？)跟住仲同佢地d員工講，又係d出前一丁比人投訴，原來我地都唔係第一個反映應見，換句話講即係之前顧客所提出的意見聽咗，不過冇改善囉！奉勸各位食家下次去開食嘢，如果真係想轉出前一丁面，要三思而後行呀！
繼續閱讀
某一個星期天, 師傅因為要處理一些事情, 所以要去到屯門呢個地方, 數下手指已經有成兩年冇入過黎, 難得黎到當然要食番餐; 由於係星期天加上一支公, 所以選擇唔算多, 而師傅嘅目標都係茶餐廳! 師傅決定喺屯門市廣場下面嘅地鋪搜索, 不過始終唔係自己地頭好難揀, 加上行左好耐, 所以開始冇咩耐性, 最後就十五十六嘅情況下, 鼓起左最大嘅勇氣行入去呢間食店! 入到去食客唔多, 心底都有少少驚, 不過始終本住一個宗旨係茶餐廳最多係唔好味, 好少會難食; 於是坐底諗都唔諗就柯打左是日午餐, 揀左黑椒雞扒餐肉飯, 同埋餐飲凍檸茶!午餐當然唔使等好耐, 約數分鐘後, 黑椒雞扒餐肉飯就登場, 賣相都似樣對辦, 一件雞扒兩片餐肉, 黑椒汁亦夠多, 於是師傅即刻開餐, 第一時間當然係試下個汁底, 黑椒汁一啲都唔香亦唔辣, 反而面頭嗰啲辣椒絲就好夠辣, 非常好味, 但絕對同個汁無關, 所以呢個黑椒汁絕對唔合格! 當見到個汁有咁既水準時, 師傅都唔敢抱任何寄望, 於是試下塊餐肉, 餐肉勁凍, 暖都唔暖下, 咁嘅餐肉都幾惡攪; 至於雞扒一樣都係凍, 而且肉身勁實, 又煎得唔香, 雖然味道可以, 但已經影響食慾啦!至於杯凍檸茶反而有少少料到, 凍檸茶個茶底香亦濃, 但就唔澀, 呢種茶底真的一絕; 至於甜味又控制得好, 冇叫少甜, 但飲得出係少甜, 師傅相信如果叫少甜應該會係冇味的, 所以杯凍檸茶師傅係十分欣賞! 總括黎講食物水準普通, 服務就一般, 冇太唔友善嘅表現, 環境都乾淨, 而價錢都唔平, 三十七蚊個午餐, 凍飲加兩雞, 埋單三十九! 咁耐冇黎屯門, 所以揀左間唔得嘅; 正所謂千揀萬揀, 揀著個爛燈盞, 師傅將呢句說話發揮得淋漓盡致, 縱然杯凍檸茶好得, 但喊臉都一定要, 肯定唔會再黎!
繼續閱讀
秋雨夾雜著季候風的天氣下,中午很想來一碗暖呼呼的粉麵驅寒.看來剛吃完深水埗劉森記而引發了粉麵癮呢雖說濃濃柱候醬式牛筋腩濃香軟屬,但個人還是偏好清湯腩那種最能特顯牛腩鮮香味的做法.說到屯門區沒什麼清湯腩名星店,第一時間就會想起這間茶記:"大利".一來位處市中心,返工放工絕對就腳!二來以廿餘塊一碗腩河,腩件多得足以遮住整碗河粉!其份量確實極為化算!天寒下胃口更好,來個粉麵餐吧!粉麵套餐$30,以指定麵食配茶啡或油菜,多加$7就可以兩樣都一齊追加了.腩河,熱檸茶,菜芯!唔該!快就到齊了我豐盛的午餐了!可惜今天的菜芯有點老,...葉還是可以的,但莖部外皮頗粗糙.食味還算不差!夠清甜!夠菜味!而最好的,莫過於這種蠔油與菜分開的上枱方法!可以隨客人喜好增減蠔油量!貼心!這碗腩河,不要被其淡淡清湯給矇騙!混在腩件上的五香料味慢慢滲出後,會一直吸引你步向那膽固醇的根據地!看吧,每一件也充滿牛脂,而且牛肉的基本鮮香沒有流失,肉質嫩滑一咬即化.五香料腩汁徐徐流出,一邊與牛脂產生化學作用,一邊混入湯中,為本身己滑不溜口的河粉提鮮!,..食慾被不斷刺激,很難抗拒膽固醇的魔力.雖然今時今日百物滕貴,腩件份量都減少了約三份一,但吃完這碗腩河的罪惡感依然足夠教人後悔三日了!我自問沒有那種定力,可以把得持住不被這天使外表的魔鬼吸引很快就ko整碗了!飲杯飯後茶降脂吧(心理安慰)亦誠如其他茶記.這店茶底茶力十足!不能小覻!茶味偏向濃香,稍稍帶甘.用以製作檸檬茶酸甜甘香平衡度高!天寒飯後一杯熱檸茶,寫意完了還是要為剛才吸收的脂肪打算一下了!
繼續閱讀