影片
港鐵尖沙咀/尖東站 B1 出口, 步行約6分鐘
繼續閱讀
電話號碼
31022238
56647744 (WhatsApp)
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
一直bookmark咗呢間食鴨肉飯嘅小店，今日終於決定黎食下，但上網睇一睇發現餐牌唔同咗，亦都有人話係轉咗手。餐牌簡體字已經小小奇怪。兩個人叫咗招牌嘅鴨片撈粗同鴨肉撈粗，另咗加咗豬肉腸小食，餐飲加$5有檸檬伯爵茶同冷美式。鴨蔥油滷鴨片撈粗，鴨蔥油滷鴨肉撈粗其實兩款撈粗係大致一樣，撈粗底然後面頭有鴨肉、鹵肉、酸菜同糖心蛋。個麵本身已經撈得好夠味，偏濃同重口味，撈勻個底都仲有好多汁，如果食得比較清淡嘅話會覺得好咸。另外跟咗一杯清湯。鴨肉果碗，啲肉碎上，份量都多，肉質偏鞋，似係整其他鴨料理用淨嘅頭頭尾尾碎上嘅感覺。鴨同滷肉都好入味。個人幾鐘意佢加酸菜一齊撈黎食。鴨片果碗，都有10塊左右，但偏肥，有幾塊皮同肉比例一半一半，肉質呢款就腍啲，但睇肉嘅顏色同食落嘅口感就覺得佢未必係慢煮。烤豬肉腸腸就普普通通，甜甜地，但可惜佢唔係真係烤，只係微波爐叮翻熱。檸檬伯爵紅茶食完濃味嘅撈粗，飲呢杯伯爵茶係幾fresh。整體黎講其實就一般般，鴨肉冇話好好食，撈埋就還好，但呢個價錢都還好，又未到覺得唔值。如果經過我都可能會再食，但如果突登再黎食就未必會。
繼續閱讀
同朋友經過，佢覺門面裝修得意，話想試吓，就入左去。入到去坐底才發覺只有簡約台式便當，中午/晚餐就只有6款飯或麵，小小的店，一眼睇晒。選了88元的滷肉鷄堡飯套餐，套餐包括小食+湯+甜點，向店員查詢套餐小食和甜品是甚麼，一問三不知，要去問其他同事(全店就得3個仔，樓面/厨都是他們)，打算加15元叫珍珠奶茶，週六晚市第一枱竟說沒有珍珠，最後点了鴨屎奶茶，但上了杯有冰的凍奶茶，問了才知他們家不做熱的。。等待上菜時，看到提供的水柸斟水後浮著油，算，不喝了。旁邊餐具盒有些匙羹還有著乾了的漬，要百裏挑一的感覺。湯來了，用茶柸上的，鴨味很濃，但也很咸，試了一啖就不想再喝了。飯是以日式碗飯般呈上的，一塊薄鷄件切四件，半隻流心蛋加一啲咸炸菜和一点滷肉。碗外邊還流著滷肉汁，上菜時一路行一路滴到地上，最好别掂到隻碗。。那飯碗其實也沒很深，飯廷少的，滷肉不多，但在飯中心淋了額外的滷肉汁，飯也變咸了，炸鷄沒有很特別，肉廷薄的。吃完整碗飯，沒有飽感，感覺這套餐量就是偏小。所謂的套餐小食(說是青瓜)，從來沒見過，看到這樣的鋪排，懶得問了，不上也吧。。吃完好一會，甜點要問才有，是涼粉(仙草)加花奶，涼粉食落ok, 花奶味道有点怪。。吃了两啖就不敢吃了，怕回家途中要找廁所。。。整體上，當作在鬧市行攰了，找個地方坐坐是可以的，當晚餐的話就。。。。又或者，這樣就100元的話，是頗失望的。
繼續閱讀
之前食過五六次，食物水準一直良好，但尋晚去到發覺成個餐牌唔同哂。店員由以前好明顯睇得出係老細之一既人，變成幾個係到打躉唔做野既MK…食物水準直線下降，辣椒醬仲由以前既自家秘製既台式辣醬變成買返來既cheap雞四川口味辣椒醬…..餐牌明明寫話個飯係定食（$88），會跟小食同甜品，落完單再追問MK待應有咩小食同甜品，個MK待應支吾以對咁話要加錢叫飲品先送小食同甜品….？一方面為開鋪既原班人馬感到悲傷，因為食得出原班人馬真係好有心煮好每一樣食物，但咁出色既鴨肉飯居然做唔住要轉手。另一方面，我為新接手既店主感到悲哀…..價錢貴咗，餐牌無咗一半招牌菜，食物質素一跌，加埋班打躉唔做野既待應…..不出幾個月一定會執笠
繼續閱讀
一個人經過尖沙咀, 就去試下間鴨店 食物 : 鴨蔥油滷鴨肉撈粗 $62 - 滷水鴨肉質地幾好, 滷水味道正常, 但撈麵汁偏咸, 已經加了一杯湯, 整體味道正常 飲品 : 跟餐加 $12 叫咗鴨屎香爆檸茶 - 味道正正常常, 店內也有清水供應 環境 : 餐廳座位舒服乾淨 服務 : 店員有禮貌 價錢 : HK$74 (無加一服務費)
繼續閱讀
香港好似比較少地去食鴨，係社交平台見到呢間餐廳嘅廣告，於是就嚟試下。假期下晝兩點去到，冇乜人，唔洗等。先講環境，頭頂有盞射燈射住哂，導致餐牌反光，又刺眼。 餐具有個無蓋嘅兜裝完，懷疑係餐廳冇乜人食，啲筷子都幾大塵。食物方面，嗌咗一碗鴨肉飯同鴨片飯。隻蛋唔知係滷味定同啲酸菜放埋一齊定係唔太新鮮，有好微嘅酸味，少少奇怪，唔係好敢食。飯有結塊，有幾啖好硬，其他就正常。 鴨肉就偏難咬嘅，都有陣唔討好嘅鴨味。 杯檸茶係加咗$5，但就比想像中細杯啦。基於食物質素同環境，唔建議大家去試。
繼續閱讀