影片
開飯介紹
其特濃拼配及單一來源的咖啡豆於香港烘焙，更不時推出創意新品；菜式主打西、日口味， 配合簡約文青裝潢，讓你悠閒地享用美食。
繼續閱讀
附加資料
星期六，日及假日最低消費每人80
營業時間
今日營業
10:00 - 21:00
星期一至日
10:00 - 21:00
公眾假期
10:00 - 21:00
公眾假期前夕
10:00 - 21:00
以上資料只供參考, 請與餐廳確認詳情
有關獎賞計劃
唔怪之得冇客，原來夥計一早就話截單。七點幾見到得一枱客食晚市。我喺門外睇吓個餐牌，喺連卡佛轉個圈返嚟，剛剛好八點正，見到全間鋪，一個客都冇，我只係想飲杯咖啡，可惜兩位夥計哥哥，話唔俾入，已截單。香港餐飲業服務員，真係好做，坐到九點收工。
繼續閱讀
通常落雨唔知去邊到好，就會想坐Café。一直都聽聞呢一間嘅朱古力好出色，所以食飽飽都特登過嚟坐吓，試吓佢嘅朱古力。以前曾經喺到食過主食，覺得味道還好。所以今次特登過嚟淨係食甜品，最後反而係期間限定嘢飲令到我覺得驚喜。‣ Crazy Chocolate $55 ⭐️⭐️⭐️✨話明係痴_線朱古力，佢一拎上枱嗰陣就覺得佢嘅邪惡指數爆燈。我覺得佢嘅朱古力味都幾算重，但係本身個底唔算話好甜，佢係靠面頭嘅朱古力碎拎啲甜味，而我覺得白朱古力喺入面嗰陣味好突出，不過我自己個人唔算好鍾意白朱古力。嘢飲就真係打卡一流，但係未至於去到話好好飲或者超級濃郁，佢入口嘅時比較暖，再熱少少就好啦。‣ Orange Mocha $53 (+$5 Oat Milk） ⭐️⭐️⭐️⭐️✨我見到佢特別標註有酒精成份，但係其實入口嘅時候唔覺，我係飲唔出有酒味。因為唔想飲太多牛奶太肥，所以轉做燕麥奶，但係我覺得味道好出色。入口嘅時候真係飲得出有咖啡味、燕麥奶嘅味道同埋好濃郁嘅香橙味，而我覺得佢嘅香橙味令到成杯嘢飲好fresh，將咖啡嘅香味提升，橙嘅味道啱啱好、唔會話好酸或者好甜，所以第一啖飲完之後已經好鍾意。可惜呢一款寫咗係期間限定，開心係飲完覺得唔會後悔。‣ French Cat Toast & Ice cream $68 ⭐️⭐️⭐️佢嘅賣相都好靚，但係其實影相嗰陣冇特別留意係咪真係喵喵造型。因為多士上面已經有雪糕，所以都冇特別附上糖漿，而我覺得就咁蘸雪糕食都已經好甜。第一啖食落嘅時候覺得蛋味都好濃，但係食到最後嘅時候開始食到一啲油膩感，嗰下就覺得唔係太想再食。不過呢個價錢我覺得係幾抵食嘅，兩個人分享係唔錯的。如果俾我再揀多次，我可能會試吓食卷蛋。#foodbara_diary
繼續閱讀
1. 痴_線朱古力朱古力奶個base唔甜，係面個浸朱古力甜，所以唔算漏。仲好貼心俾埋濕紙巾抹手😆2. 椰菜花湯冇乜味嘅湯🤣3. 「小智，我一直等着你回來！」後尾先知呢句係咩意思🥺大比鳥好慘😢不過隻雞幾好食，好嫩👍4. 海鮮，牛油茴香汁，日本米意大利飯Risotto用左日本米，少少怪，同埋真係冇乜味🤣海鮮料都幾足嘅👍————————————間舖喺Lane Crawford入面🤣係好細間，不過service都唔錯，本身要手機scan qr code落單，但係佢system有問題，職員態度唔錯👍算係傾計好地方😆
繼續閱讀
痴_線朱古力 哇呢個真係痴_線🥺痴_線地正🥰啲朱古力多到好似唔洗錢咁🤣我無撈混飲左一啖 啲朱古力當然係濃到傻左 好似食梗一排朱古力咁濃🥺然後就撈混去飲 awwww好正🥲如果你覺得某快餐廳嘅熱朱古力好飲 你一定要飲下呢個先知咩係好飲嘅朱古力😳一啲都唔係死甜 飲落好順口 仲要飲完之後唔會甜到口渴🙏🏻.痴_線朱古力咖啡 呢個就無咁痴_線了🙊Quote返同伴非常專業嘅comment: 通常mocha係入口先有朱古力甜味再後勁嚟返啲咖啡味 但呢杯飲落第一啖就係好濃嘅咖啡味🤔反而朱古力味無咁重🥲同朱古力比差咗好多下🙈.喵喵多士配無花果有機伯爵茶果醬 多士脆脆地好食的~佢有三款果醬 我揀咗無花果伯爵茶呢個特別啲🙈可能我自己唔太接受太濃嘅伯爵茶味 覺得佢同多士唔太夾🙈不過好彩有無花果~佢嘅甜味令成件事易入口返啲🤣.日式豬軟骨迷你丼套餐 呢個套餐跟埋一個南瓜湯、沙律同一杯飲品😆都幾足料 同伴comment話呢個飯就不過不失無咩特別😂但覺得啲飯有啲1999咁唔太好口感🤣雖然可能係日本米(?)但都希望口感會分明啲🙊
繼續閱讀
幾時都話朱古力係女人恩物，飲完暖笠笠又開心又解痛，有咁大杯咁濃又唔膩嘅朱古力更加冇得輸。Sensory Zero務求令所有菜式都達到五官極致完美，符合色香味俱全。其中痴_線朱古力完全展現到品牌理想。店鋪主打零添加概念，朱古力使用法國Valrhona牛奶朱古力、黑朱古力、白朱古力碎，而牛奶則使用出名順滑嘅日本明治鮮奶、朱古力碎及Valrhona 可可粉，所以就算咁大杯，飲落都唔會膩反而飲到越後越帶有香濃朱古力味。店鋪製作時一啲都唔手軟，朱古力真係多到瀉曬出黎，仲帶布甸效果。鐘意朱古力嘅必去，絕對唔比大牌差。另外當日都叫左個檸檬撻食，整體都唔錯但略嫌蛋白腥味多左少少。地址：sensory ZERO (海港城) (尖沙咀)尖沙咀廣東道3號海港城馬哥孛羅香港酒店G樓連卡佛營業時間：上午10-晚上7點人均消費：80（純朱古力$55）評分：8.9/10
繼續閱讀