Panash Cafe (iSQUARE國際廣場)

營業中

休息中

工作天中午想找個人少地方吃飯，以前假日來吃過下午茶，味道一般但人不多所以再來試一下。這一次人更加少，要了個午餐，什麼雞肉天使麵，118元，價格不算平也沒關係，但問題係真心難食，即使一向喜歡清淡的我都覺得沒有味道，其實這種意面就算淡一些沒關係，但總會放些香草、放些白汁或忌廉汁之類的，但它一律欠奉，而且佢啲雞肉overcook到幾乎咬唔到、超韌。其實好又一餐唔好又一餐，難食一啲都唔係至攞命，最離譜係，由於感覺有些飽，所以想將餐飲橙汁轉為外賣攞走，心諗都預佢可能會收一元外賣包裝費也沒所謂吧，點知個侍應話佢哋嘅外賣杯係兩元，與她再三確認她仍是堅持要收，與一般餐廳慣例一個外賣盒收一元貴左一倍，然後向佢查詢如果成個餐外賣的話，又湯又意面又飲品仲有餐包，所有外賣包裝費加起嚟不是不得了？不過佢竟然話成個餐外賣的話反而唔使收錢，而對我呢啲堂食已經畀咗加一服務費嘅，食唔曬想攞走杯嘢飲就要向我開刀，簡直係難以理解，服務態度之差就驅使我這個平時唔寫食評嘅人都覺得應該要寫一下讓其他人知道呢間餐廳有幾差。呢啲餐廳都叫做老牌子不過就見佢越做越耷，原來背後總有原因，被市場淘汰應該係遲早嘅事。

呢間餐廳位於i square,其實雖然我係喺中環返工，但係中環真係冇乜嘢食，搭兩個站去到呢個地方其實都方便快捷同埋價錢都會平啲大概30%，我同我個朋友叫咗一個焗豬扒飯同一個喇沙，焗豬扒飯不過不失，當然我認為最好食都係喺大家樂，但係佢個杯咖啡都幾正，因為係嗰啲放入圓形茶壺的咖啡，所以呢佢嗰隻味係比較龍同埋比較香，一個午餐大約130-150，有埋餐包同埋雜菜湯，如果喺中環食吓吓你要二百幾，不過要比多$20過海費用

鐵板西冷牛扒配黑椒汁($138)✅賣相唔差，好少見有原塊牛油放喺面🧈✅黑椒汁俾得唔孤寒，每啖肉都有點到汁🫕👌🏻薯條，都算炸得香脆🍟👌🏻粟米有半條，味道正常🌽❌牛排幾多筋，切唔斷都咬唔爛😬❌7成熟啲肉淋異常地淋🫢📝 4/10香煎鴨胸露荀黑松露燴意大利飯 ($178)🐻‍❄️🔎配例湯/沙律&飲品 送是日甜品🍮✅鴨胸煎完釋放咗油香，幾香口🪿✅黑松露都幾香，每啖飯都食到黑松露味🍄👌🏻羅宋湯同餐包正常🍞👌🏻甜品係凍焦糖芝士蛋糕，焦糖厚，蛋糕係實🍰❌飲品燈汁勁酸😖❌意大利飯偏向淋身，太重忌廉，有啲漿口🤐❌鴨胸得三舊有啲少🤏🏻❌蘆筍有啲苦🤢❌食到後面好滯，有啲油膩🛢️📝 4/10~⭐️總括而言…嘢食偏貴💸，出品都係茶記質素，係港式西餐味道🍝。都明開喺尖沙咀Isquare裏面，應該大量成本都去咗鋪租到💰。值得講一下哩度啲侍應全部都媽媽級🤶🏻，好好服務態度，但人手不足，叫好耐先過黎幫你😮‍💨。我就無下次了🙅🏻‍♂️

前後兩次電話卜枱，女職員都十分有禮。和朋友叫了晚市套餐，食物水準正常。意想不到的是，跟餐甜品「芝士蛋糕」相當好味，配跟餐咖啡，甚有水準。另外，我們亦單點了抹茶西多士，味道不錯，為晚餐畫上完美句號。凡事都要親身試過才知道究竟質素如何。

餐包烘過脆脆地係好食既。 湯係紅菜頭忌簾湯係特別的, 好夠熱。意粉千期唔好試。 諗住睇戲前隨意食個午餐, 叫左松露釀鷄胸意粉。一出枱見d 色水質感就有d 擔心, 茶餐廳咁。。。鷄胸入面見到有菇, 但裡外都冇松露味。。。 意粉有油有見到香草但冇味。

食物質素差,下午3點零坐低, 叫左個牛扒餐, 本身百零蚊都預左冇乜質素, 但估唔到仲衰過茶記個塊梳打扒, 食左一半都係快棄! 跟餐加$20 有個cheese cake , 又係普通過麵包舖的質素咖啡都係一般! 服務也一般, 個場唔算細, 人亦好多下, 但可以一個waiter/waitress 都冇, O 左咀! 舉左手成2分鐘, 都冇人幫你落order ! 大約30分鐘後就有一個waitress 招呼晒全場咁多張枱，咁o既Service 仲要收10% !環境: 正常, 但今日好多客, 非常嘈! 結論: 無下次

朋友仔突擊探訪，於是便出去 Tea 一Tea 。經過這食店，發現有 High Tea 下午茶套餐，於是兩位熟女便入內一試。食店內下午茶時段，人不太多，座位歡闊，有空間感，加上我哋坐近門口，舒服。一個T set，有三層食品，兩杯飲品。大致上感覺鹹點不俗，甜點略嫌失色，咖啡味道一般。每人大約都是$100多少少，不過份量也略嫌少，不過以下午茶來說，女士的胃口，剛剛好。鹹點當中，以鹹牛肉，三文魚，吞拿魚少點比較出色，至於甜點，芝士餅也是可取的。以這個餐， Hea咗個半小時，不錯！

網上嘅評語，真係唔好唔信😫😫😫太多人話食物質素差～但好想試吓杯咖啡心諗：叫午餐應該冇事點知。。。招呼係好好㗎😍🔸#泰式青咖喱牛腩飯其實咖喱好難整得唔好食～佢偏偏做到椰汁味太濃👉🏻👈🏻最大件事嘅係佢係暖😾食食物有時食溫度所以我哋食淨🔸#三文魚pizza 🍕Pizza應該穩陣叮熱佢。。。佢個皮真係中間，唔好又唔薄薄嗰啲脆卜卜的固然好食厚身我都鍾意但係佢係中間🤦🏻‍♀️#煙三文魚 整熟咗真係唔係幾好味🙅🏻‍♀️又剩返家姐話最好味係嗰餐包我覺得個餐湯都唔錯😅下次去淨飲杯咖啡就可以

放工同朋友約喺TST食飯，無咩頭水又見到餐廳唔太多人靜靜地所以入左黎。點知… 湯全部都要另加錢，超難飲！侍應話係「南瓜」湯，完全無味。個羅宋湯只是微暖，但因爲個湯係另加錢所以我地都嘗試飲唔好浪費，不過最後都飲唔落。我哋兩個人，我嗌咗鐵板牛扒，朋友嗌咗個鐵板雜扒。兩款都一般般，肉質麻麻地。食完就算，無影到相。首先唔好講價錢，已經難食。睇住價錢，就完全唔值，有d激氣添。試都唔好試，只會浪費金錢Don’t even bother trying this restaurant. The soup, which we had to pay extra, was outright bland and TASTELESS. We still tried to drink it since we didn’t want to waste our money, but couldn’t finish because it was just too disgusting.I ordered the sirloin steak on hot plate, my friend ordered the mixe

臨去睇戲🎬 是但搵間餐廳快快手食餐飯叫間餐廳個名好似啲Cafe咁諗住都係Cafe類嘅輕食點知啲嘢食好似花園餐廳或金鳳咁我叫咗個牛扒 係好快嚟不過唔好有期望會好啲又唔係話好難食嘅不過唔係平時喺出面食order幾成熟嗰啲囉不過佢都有問我要幾成熟架環觀旁邊嘅人 全部都係叔叔伯伯type

星期六，尖沙咀的食店都人山人海，和朋友吃完午飯，想找個地方喝點飲品繼續聊聊天。看到這店還有少量座位，不用等候入座，就內進了。三人行，點了兩款茶和一份紅豆蓉雪糕窩夫。比較好吃的是窩夫，很脆，其他的雪糕、紅豆蓉和茶都水準一般。這店令我留下最深刻印象的是服務，進店時，我們走到一張圓桌旁，準備坐下，一位侍應跟我們說，旁邊的卡座快清潔好了，坐卡座比較舒服。接着，她很快速地完成卡座的清潔工作，並請我們過去坐。點餐時，因為我們剛吃完午餐，我和其中一位朋友就想分享水果茶，問同一位侍應可否只點一壺茶兩人分享，她面帶笑容地說，當然可以。過了一會兒送上水果茶時，更不用提出，便主動送上多一隻杯子，真貼心。午市時間，我們佔用卡座，點的食物卻不多，這是不太受歡迎的，這這位女侍應真的令我們留下很好的印象。

I used to sometimes buy bread from Panash bakery so it was interesting to see that they also have a Cafe. The menu looked good but when I saw the prices for some dishes, I really expected it to be good. I ordered the Salmon Risotto which was around a hundred dollars if I remember correctly. My experience started off unpleasant because the waitress who took my order served me Salmon Spaghetti so I had to wait a while for the risotto. When it finally came, the salmon was deeply fried and it just d

午餐時段來到這餐廳，看過門外的餐牌有合意的食物，進去吃個午餐。女待應殷勤招呼，有禮貌，叫她過來落單也很快速。午市套餐有餐湯，主菜和飲品，在尖沙咀區來說價格適中。下單後很快送上餐湯，我們選雜菜湯。湯用杯上，雜菜十分多，蕃茄味濃郁，伴湯的麵包有兩種，軟包軟熟好吃，多士香脆，而且是暖的。燒豚肉印度薄餅沙律，豚肉燒得帶焦香，肉質嫩滑，沙律菜新鮮，混合油醋汁味道酸酸甜甜，薄餅軟熟，用來包裹豚肉和疏菜蘸上醬汁同吃，十分美味。海鮮喇沙湯米線，賣相不錯，海鮮有藍青口、魷魚圈、蝦、魚柳、蜆，伴菜有豆卜、芽菜，米線爽滑彈牙，海鮮也好吃，不過湯底偏淡，沒有那種濃郁的喇沙應有的椰香味道。餐飲耍咖啡，待應拿著虹吸式的咖啡壺倒出來送上檯，咖啡入口醇厚芳香，味道濃郁，齋飲也不苦澀。向待應查詢這杯咖啡是用那地區出產的咖啡豆，她也答不上要查一查才覆我。轉頭回來告知是用牙買加的咖啡豆。我對咖啡豆認識不多，只是覺得好味就問一問。很少餐廳用虹吸式沖製咖啡，感覺特別。這頓午餐的收穫是飲了一杯美味咖啡。

一班朋友臨急臨忙搵餐廳食生日飯，想靚靚地環境又舒服，最主要唔想多人因為星期日晚，友人提議去isquare食就黎左，屬於中高價位既西式餐廳，意粉同鋸扒都係百幾至二百幾左右，全部食物都幾好食，我好中意食佢個黑松露雞肉闊條麵，黑松露醬夠多，而且好香黑松露味，夠creamy，一啲都唔dry，雞肉份量都幾多下，闊條麵煙韌度恰好，煙三文魚忌廉意粉都好食，可以走曬啲配菜因為我自己唔中意食，就算走曬配菜意粉都煮得夠入味呢個我先中意，男仔朋友叫鋸扒，大推牛扒5成熟，真係好好味好juicy，薯條又好味

下午茶時分，isquare好多餐廳都只賣tea，我又未食飯，見到呢間餐廳有個下午茶時段牛扒特價，賣一百鬆d蚊，被幅海報中的靚牛扒吸引左入去，點知出事。首先，貨不對板，相片同實物差好遠，一塊街市凍肉檔，醃好的平價扒奉上，賣相已唔開胃，食落醃得重衰過街市。好大陣梳打粉味，成塊扒醃到鬆晒，無哂肉味，只剩平價醃料的味道。伴碟的薯條外韌內冧，好難食。舊粟米都係咁衰，硬綁綁，好難食。杯汽水，自己睇下幅相，一杯黑色無汽的糖水，點飲呀？好耐無食過咁難食的東西，唔寫下唔安落。裝修又殘又舊，執左佢啦。唯一可讚就係呀姐侍應，有笑容，又nice。