影片
開飯介紹
以金寶最受歡迎的菜式做餐牌骨幹，再加入多款泰越地道美食，裝修具時代氣息，構成一間泰越輕食連鎖店。
繼續閱讀
營業時間
今日營業
11:45 - 23:30
星期一至日
11:45 - 23:30
以上資料只供參考, 請與餐廳確認詳情
有關獎賞計劃
相關文章
【油尖旺區】【Cambo ขุนทอง】我同春哥喺尖沙咀搵嘢食，佢今次話想食啲具質素嘅外國菜，咁就嚟 The ONE 四樓試呢間叫「Cambo ขุนทอง」嘅泰國菜啦。我哋坐喺餐廳「外面」嘅位，即係近商場走廊嘅位置，好似置身泰國嘅露天茶座咁，幾有趣，當然呢度就有冷氣㗎啦，哈哈。我哋先試「泰式青咖哩軟殼蟹鍋（配法包）」，佢個泰式青咖哩好正，濃味而又唔會得鋪死辣。軟殼蟹炸得香脆又好肉，加埋馬鈴薯一流呀。跟住試「串燒沙嗲雞牛豬配泰式炒飯」，幾串串燒各有特色，唔錯，而個泰式炒飯個味都幾特別，我哋都幾中意。咁樣當然唔夠喉，試埋「大蝦菠蘿焗飯」，真係成隻菠蘿好鬼大個咁裝啲炒飯，仲有菠蘿喺炒飯入面，而大蝦有三隻，都好味。嘢飲方面，春哥飲「咸檸七喜」，我飲「龍眼冰」，兩者都係各有特色嘅解渴良品。總括而言，呢間真係冇揀錯，係幾有質素嘅。。。（地址：尖沙咀彌敦道100號The ONE 4樓L403號舖）@cambo.theone#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #openrice #instagram #xiaohongshu #dianping #1am油尖旺區 #尖沙咀 #尖東 #Camboขุนทอง #Cambo #ขุนทอง #泰式青咖哩軟殼蟹鍋配法包 #串燒沙嗲雞牛豬配泰式炒飯 #大蝦菠蘿焗飯 #咸檸七喜 #龍眼冰 #1am1362 #1ambackup
繼續閱讀
位於尖沙咀The one 4樓既泰國菜，好耐冇過黎食啦，餐廳坐位寬敞，菜單選擇多。🐓海南雞（半隻）HainanChicken $128份量都幾多，雞肉好嫩滑，雞皮都食落夠哂爽口，點埋醬汁食夠晒開胃🤤。🍤炸蝦餅4 Pcs $83新鮮即點即炸，啖啖蝦膠肉，食落咸咸地又好彈牙🤩。泰式炒貴刁（連餐湯） $78每次食泰菜我都必點嘅菜式，粉條幼細，口感煙韌。味道酸酸甜甜，有好多配料，包括：蝦仁🍤、雞蛋、芽菜、韮菜等。成碟粉都炒到夠晒入味，好滿足😌！再點杯三色冰，濃郁的椰子汁🥥，勁足料。
繼續閱讀
睇完戲方便順路，見副喱間泰國菜又幾多人，等咗一陣位肚餓就試下。叫咗個咖喱炸軟殼蟹配法包🥖，喱個上菜模式又幾細心，一路煲住個搞咖喱，喺佢滾嘅時候就可以落法包，咁個包就可以更加索到啲汁。仲有叫咗個生菜包，份量都幾多，每一片生菜都大大啖肉包落去都食唔哂啲肉碎。最後叫咗個椰青海鮮飯，叫喱個飯主要喺因為有啲想食甜品，但又未食飽嘅感覺。所以叫咗喱個椰汁甜底嘅飯似甜品，開頭有啲覺得佢好似玩具，因為個椰漿喺好濃郁個隻，如果想搵樣嘢打卡都好推介叫嚟影下相。
繼續閱讀
今日同大家介紹嘅呢一間餐廳位於尖沙咀The One，餐廳嘅裝修俾人一種乾淨企理嘅感覺，位置寬敞，而且價錢實惠。去骨海南雞（半隻）餐廳嘅招牌菜一定係呢一個去骨海南雞，雞肉嫩滑之餘，本身已經去埋骨啱晒啲懶人，另外亦有開胃嘅甜酸醬同埋甜豉油。豬頸肉濕炒河濕炒河嘅份量適中，河粉炒得唔錯，唔會太乾身或者濕度太腍身，豬頸肉都幾入味。串燒沙爹配泰式炒飯串燒本身已經好入味，加埋沙嗲醬令到味道更濃郁。📍Cambo ขุนทอง (The ONE) (尖沙咀)尖沙咀彌敦道100號The ONE 4樓L403號舖
繼續閱讀
呢間泰國菜餐廳位於 The One，環境舒服木系裝修，食物有品質。🔹️青咖喱軟殼蟹鍋配法包🦀🥖 ❗️特價$118❗️青咖喱微辣啱啱好，用鍋暖著咖喱，唔會攤凍，軟殼蟹好香脆，法包好飽肚，而且好吸咖哩！夠惹味！🔹️菠蘿焗飯🍍 $118好大份量！超級足料！炒飯入面用左菠蘿粒、粟米、青豆、紅蘿蔔粒等等，炒到粒粒分明，上面有大蝦、腰果、極大量肉鬆！好好食！🔹️香芒糯米飯🥭 $66有紫糯米和白糯米，煙韌有咬口，芒果超級新甜，再淋上椰漿，無得輸。
繼續閱讀