影片
港鐵佐敦站 D 出口, 步行約4分鐘
繼續閱讀
電話號碼
23923328
開飯介紹
餐廳裝潢好比葡式小酒館，鮮綠色店門十分搶眼。餐牌提供多款傳統葡萄牙菜式，其中部分招牌菜式需提早預訂。
繼續閱讀
營業時間
今日營業
12:00 - 15:00
17:00 - 21:30
星期一
全日休息
星期二至五
12:00 - 14:00
15:00 - 17:00
18:00 - 21:30
星期六至日
12:00 - 15:00
17:00 - 21:30
公眾假期
12:00 - 15:00
17:00 - 21:30
公眾假期前夕
12:00 - 14:00
15:00 - 17:00
18:00 - 21:30
以上資料只供參考, 請與餐廳確認詳情
有關獎賞計劃
招牌菜
之前收到佢舊店結束唧消息，失落一陣子; 但之後知道佢會轉址再開，又變得帶住期待心情去等新消息。新店係佐敦區，門口綠色主色好搶眼。新店面積比起舊店變細咗，牆上掛滿主廚各式相片。多款葡萄牙美酒，加上葡式美食，走葡式小酒館路線，令人感覺輕鬆。餐牌上發現前菜小食類選擇增多，二人份可以叫多幾款。葡萄牙菜好歡喜用蒜入饌，作為打頭陣小食，傳統蒜茸蝦 ($68)披甲上場。睇下碟中勁多蒜粒，未食已聞到勁香蒜茸味道，蝦隻入口彈牙。亦可以用蒜茸多士 ($25)加埋蝦隻變成"蝦多士"; 亦可就咁加蒜粒上多士上食亦得，幾種食法任你配搭。芝士控黎度呢度應該會好開心，先黎滋味芝士多士 ($48)，以四款芝士加埋芥末放上法包一齊焗。先食到芝士唧咸香味道，而芥末唧微辛辣跟隨其後，幾過癮。由舊舖開始認識傳統鹽燒沙甸魚 ($68/2條)，今晚點可以唔同佢重聚。怕腥唧可以唧少少檸檬汁 (但其實食唔到腥味)，燒時已經加入海鹽及橄欖油，已經夠味道，皮香肉仲保持濕潤; 而想食辣唧，可以試下加幾滴葡式辣汁。身為"芝心"芝士控唧我，今晚可以食到暖蜜糖紅莓布里芝士 ($180)，超級滿足。選用布里芝士比較容易入口，蜜糖中食到迷迭香唧香味，而紅莓乾甜美帶少少嚼口，加上甜脆合桃粒。食時係將咁多種食材配麵包一齊食。軟滑芝士加上蜜糖紅莓及合桃粒，唔同口感。不知不覺間可以成客食晒，就證明佢有幾咁好食。侍應介紹呢客新小食，葡萄牙果汁黑醋燒豬骨 ($98/2件)。用手拎住食，黑醋汁帶甜多過酸，豬骨中間得一條主骨，外面全包住肉，肉質仲幾嫩滑喎。肉類只有燒豬骨尚未夠，咁就叫客其中一款招牌菜式................砵酒炆牛尾 ($218)一客份量大約有5-6件牛尾，炆得夠入味，容易"骨肉分離"，再有椰菜及紅蘿蔔作配菜，令醬汁多一份甜味。有個咁好味唧醬汁，叫客蒜片炒意粉 ($88)黎撈住食就咁醬汁撈意粉都好味，又偶爾食到香脆炸蒜片，呢個配搭相當唔錯。仲有個焗葡國鷄，加入葡國腸帶起成個醬汁唧味道，鷄件入口多一份焗鷄唧味道，配客白飯又點睇呢?!呢度唧甜品時間從來都唔令人失望唧。今次新店開張又有加入新甜品，就好似呢客西班牙油炸鬼，即叫即製，入口香脆唔油膩，另有黑朱古力醬點食，無一般朱古力醬咁甜，輕輕鬆鬆容易食晒。而之前經典橙蛋糕就轉為檸檬雪芳蛋糕，多一份檸檬清香，質感鬆軟。呢個時候，叫多杯葡萄牙咖啡，入口香滑，熱度較拿鐵為高，我鍾意。仲有仲有..........打咭必叫，充滿"仙氣"唧咖啡雪糕，入口有奶唧香滑感，而香濃唧咖啡香味及少少脆粒都為呢客雪糕加分。新店同舊店一樣無限用餐時間，無論二人世界或良朋共聚，記住要訂坐呀…
繼續閱讀
假日去左呢間位於尖沙咀既葡國餐廳，一入去就見到好有葡萄牙色彩既裝飾，餐桌上都擺滿左充滿葡國特色色彩圖案既餐具，色彩繽紛! 我地叫左佢地呢度既招牌菜同特色菜😋.🍖招牌 - 傳統葡國燒乳豬配肥仔炒飯 (1/4隻)呢道招牌菜需要預訂，有唔同size可揀1/4隻、半隻或全隻，我地兩個人食所以就揀左1/4隻，有4大件燒乳豬同一大碗肥仔炒飯! 乳豬每件都大大塊，皮脆肉嫩，外皮又脆又香! 店員講明無咩調味，所以唔會過鹹，一啖食哂皮同肉，入口即溶咁，而且保留左最原汁原味既肉香。肥仔炒飯都幾多料，裡面有橄欖、葡國腸、蛋、洋葱同提子乾等，加左茄膏去炒，所以顏色係比較橙紅咁好似西炒飯，口感豐富.🍗霹靂非洲燒雞扒呢道霹靂雞係搽上左霹靂辣椒醬後然後煎香，所以味道比較辛辣🌶️ 由於我地一個食得辣一個唔太食得辣，最後揀左鴛鴦雙拼咁，一邊係霹靂非洲燒雞扒一邊係葡式蒜香燒雞扒! 雞扒好大塊，霹靂非洲燒雞扒真係好香辣，就算叫左小辣都係比較辣，而葡式蒜香燒雞扒就充滿蒜香.🍤傳統蒜茸蝦呢碟係用上大量蒜茸同牛油調製，對勁鍾意蒜茸既我來講幾正! 好香口，蝦肉都好爽，真係很不錯! .☕葡式鮮奶咖啡呢款咖啡只提供熱飲，飲落幾香滑咁.🍵凍英式紅茶食完辛辣野再飲返啖凍紅茶，真係好解渴
繼續閱讀
葡匯咪走雞葡國餐廳,搬咗新舖！港鐵佐敦站 D 出口, 步行約4分鐘即到。綠色門面以葡國雞做點綴，餐廳面積唔大，掛有葡萄牙國旗，牆上有主廚嘅相，是一間非常有葡萄牙氣氛嘅小酒館。佢哋招牌菜傳統葡國燒乳豬配肥仔炒飯需要預訂先有得食，可以揀1/4 隻、半隻或全隻，我哋今日都預先訂咗一份1/4隻燒乳豬飯。乳豬有4大塊，比想像中厚肉大塊，豬皮薄脆，豬肉入味，烤得好香口，炒飯份量唔算多，系用咗咸香同橄欖炒，另外配咗沙律菜，尤其鐘意佢哋提供嘅黑醋汁，酸咪咪好開胃。傳統蒜茸蝦，賣相出色，用鐵鍋熱辣辣呈上，有非常豐富嘅蒜茸，大蝦肉質脆爽彈牙。葡萄牙果汁黑醋燒豬骨，2隻起，棒棒豬骨啖啖肉，用黑醋上色，酸中帶甜，肉質唔錯。傅統木槺布甸葡式傳統甜品，賣相唔錯，口感層次豐富。
繼續閱讀
好似又有一陣無去過澳門，但心心念念係澳門食過既葡國菜，佢地既乳豬同埋馬介休真係好好食好令人掛念，未去到就喺香港食住先乳豬心心念念想食乳豬，知道呢間葡國菜有乳豬食就一早book定，乳豬一定要預訂佢嘅外皮香脆，仲有少量嘅西班牙飯，食落好香蕃茄味，兩樣一齊融合食幾好炸馬介休球外皮香脆，又唔會好油葡式芝士多士香濃芝士🧀 香脆口感呢樣係店員推介，極度懷疑佢知我鍾意食多士推介不過佢又真係好好食😋睇個樣就知道足料砵酒燴牛尾呢樣都係店員極度推介，燴牛尾超級腍，味道香仲可以揀配飯或者麵包，第一次聽到可以配麵包，愛麵包嘅我當然係揀麵包🥖外表似法包，但係絕對唔係法包嗰種硬，又幾好食原來麵包配牛尾又真係幾唔錯幾夾，難怪聽到隔籬枱話鍾意食佢嘅麵包木糠布甸最後一定一定要食佢嘅木糠布甸，好耐未食過咁出色嘅木糠布甸，賣相精緻仲要每一層嘅份量都差唔多，木糠餅碎仲要唔係雪到好淋嘅感覺
繼續閱讀
呢間正宗葡國菜餐廳食物同服務都好好，推介！店員好熱情，會好主動向客人推介同埋講解食物👍🏻今次同男朋友嚟食lunch，叫咗三款嘢食，全部都好滿意😋可惜星期六日冇lunch set menu，見到個lunch menu好抵食🫣.芝士多士係男朋友話想食所以order嘅本身我都以為冇咩特別，點知食落有驚喜！食落除咗有好香濃嘅芝士味，仲有陣芥辣味，但係又唔會誇張到攻鼻嗰種，呢個配搭好食！.傳統家鄉砵酒炆牛尾可以揀配小麵包或者飯，我哋揀咗麵包🥖麵包沾醬汁食就最正啦～牛尾炆到好腍好滑，用刀叉好容易就可以將啲肉同骨分離，食落都好方便.另外book位嘅時候已經順便預訂埋燒乳豬(要預訂先食到)我哋order咗四份一隻葡國燒乳豬，乳豬皮脆肉嫩，肉厚但係食落都好嫩～.店員好熱情推介佢哋嘅甜品，話都係餐廳自製嘅不過今次真係食得太飽了🤣
繼續閱讀