影片
港鐵將軍澳站 B2 出口
繼續閱讀
營業時間
星期一至日
11:00 - 20:00
以上資料只供參考, 請與餐廳確認詳情
每天都要一點甜！是我的口號🤪呢間蛋糕店好多甜品選擇啊！😍推薦曲奇盒！好食👍意大利芝士 $22最好食呢個tiramisu 👍上面係cream 下面係咖啡味蛋糕 做飯後甜品好岩！黃金瑞士栗子 $22其實成日見日本栗子蛋糕好出名 終於試左係咩味 有好淡淡栗子味 但呢個偏甜！蛋糕質感比較鬆軟藍莓芝士 $22呢個係經典口味 上面有士多啤梨同藍莓醬 cream cheese質感紮實底層係餅乾底曲奇盒 $88總共有四個口味 包括咖啡朱古力抹茶同埋原味！好香濃好鬆化！個人最鍾意咖啡味！而且獨立包裝，方便攜帶隨時食haha 伯爵茶曲奇 $25小紅莓曲奇 $25價錢都算幾親民！曲奇口味接近20款！個人幾鍾意伯爵茶夠濃茶味🍵
繼續閱讀
之前喺佢奧海城分店食過拿破崙蛋糕覺得幾好味～🤓🤓所以今次媽咪生日 就再試吓佢既其他味道嘅蛋糕online 訂或者whatsapp 訂購都ok 好方便～今次試咗一磅裝楊枝甘露爆珠Mousse cake🎂生日牌要另外再加$10個人覺得佢個蛋糕修邊唔太美觀有啲一忽忽 同埋搽得唔夠均勻但係味道的確唔錯而且係我哋鍾意嘅少甜 份量都夠 性價比算高👍如果賣相再改善一下就更好整體味道屋企人好滿意 會再幫襯試試其他味道既蛋糕既🥰
繼續閱讀
217 瀏覽
食完晏，在商場內見到一間曲奇餅小店，忽然口癮起，一於買些回家作為下午茶小吃。店名【Yolanda Bakery】，上網翻查一下資料，原來小店于2014年由兩名年輕烘焙師傅創立。初期主力原個蛋糕及曲奇網上訂購業務，只有一間門市店；近一兩年開始擴張門市網絡，已經在幾間商場開了分店。雖然每間門市店面積細小，但總算打破大集團壟斷，對年輕本地烘焙餅廚確實是一種鼓舞。小小一間門市店只由一位員工負責。主力販售成名作曲奇餅，亦有少量款式迷你法式甜品、及多種口味的港式原條卷蛋 / 牛油蛋糕 / 蛋白蛋糕。零售曲奇（$25 / 100g）。貴過賀年必備手信、工廠內全自動大量生產的「藍罐曲奇」，亦貴過普通街坊餅店、「美心」、「奇華」等等的包裝零售曲奇；但就較其他本地名牌曲奇店便宜一截。勝在味道多元化，接近20款口味，而且全部劃一價錢；買得越多，就可以揀越多不同口味。全家人都鍾情朱古力，今次就試了三款同朱古力有關的味道。比利時朱古力最失望，口感鬆化、稍為硬身；但實在吃不出任何朱古力味，甚至好似有點烘燶了的味道。朱古力脆脆賣相最差，深啡色、呈不規則圓形，完全似係屋企自家製作的曲奇！味道在三款朱古力曲奇中最甜，但又並沒有過甜，有點似牛奶朱古力的味道。咬下去脆卜卜、又冇殘留麵粉漿，三款朱古力曲奇中最好味。特濃朱古力沒有非常明顯的濃郁朱古力味，同另外兩款朱古力曲奇差不多；只是甜度沒有那麼高、及稍為香濃一點。咬落鬆化，並非香脆口感，咀嚼後又殘留很多麵粉漿在口腔；加上唧花造型，係非常典型的港式口味曲奇。特濃咖啡同特濃朱古力的外型同口感一模一樣，唯獨變成咖啡味。咖啡味較特濃朱古力明顯。在坊間其他稍具名氣的連鎖餅店，迷你法式甜品平均都要30多元一件；如果係法國品牌、或者曾任職本地五星級酒店餅廚開設的個體小店，就動輒 $60以上。至於【Yolanda Bakery】的迷你法式甜品就很抵食，平均只需$20 / 件！濃情朱古力（$20）賣相一般、唔夠工整細緻，睇得出甜點是大大個製作完成後才切成細件，所以每一層的厚薄並不均一；但材料及制作方法都算花了心思，盡量滿足法式甜點的精緻要求。共有四層的甜點分別為底層朱古力海綿蛋糕，然後是軟果仁碎及另一層朱古力海綿蛋糕，頂層是厚身朱古力軟糕；鋪面就有濃厚朱古力漿、藍莓及棉花糖。海綿蛋糕的可可香味一般，唔夠鬆軟，同「美心」之類的大型連鎖店出品差不多。頂層的朱古力軟糕口感厚身，做得幾好，只嫌可可味未夠香濃。從另一個角度來講，只係 $20 一件法式可可甜點，可以做到這個質素又很難再苛求。朱古力榛子（$20）賣相稍差，三層甜點互相之間並未有連成一體，底層的脆身餅底、中層的朱古力海綿蛋糕及頂層的半球體榛子mousse 感覺上各自獨立。榛子mousse 甜度適中，但香氣稍遜。勝在夠抵食，計性價比冇得輸。小店的曲奇唔算好味，全部屬於典型港式口味曲奇；味道亦唔係好突出⋯⋯ 可能其他口味會好啲？至於迷你法式甜品，一分錢一分貨，當然不能要求高質食材，勝在又平又抵食，性價比夠高。始終係本地原創小店，無論如何都要支持一下！
繼續閱讀
雖然小店係主要買曲奇同埋蛋糕🎂但係我食過咁多款嘅食物後發現最好食係芝士脆條同埋佢嘅麻薯波波🤤芝士脆條係超級脆同埋芝士味好重，係可以一口接一口咁樣食唔覺意就會食晒成罐！麻薯波波嘅芝士味同樣係好重同埋好煙韌
繼續閱讀
之前呢一間曲奇店喺藍田啟田商場擺了好長時間嘅攤檔，但係自從冇咗就唔知道係邊度可以買返嚟食🤧好彩比我搵搵下見到將軍澳原來有得賣，曲奇嘅款式好多自己最鍾意係朱古力脆脆，朱古力味好重同埋曲奇好脆！
繼續閱讀