影片
營業時間
星期一至日
11:00 - 23:00
以上資料只供參考, 請與餐廳確認詳情
食評 (37)
經過附近，突然想吃泰國菜，明明已經晚市，但外面還貼上滿滿午餐的菜單。最後還是冒險的試一試。雖然寫著全日免加一，可是周圍均貼住一張「需加一服務費」，真搞不懂…原來內裡只不過是一間中式的茶餐廳，所以保守的點一飯一菜擺了。芋頭海鮮飯（４０蚊）每粒飯也沾上汁，油油的。而且料也很多大塊，很多洋蔥，看起來好像蠻豐富。芋頭不多，小小塊，味道不覺得有什麼特別。小食拼盤（６５蚊）有蝦餅、魚餅、香葉雞、春卷。蝦餅真的有蝦味，好吃。魚餅則有濃厚的香茅味，如果受這種味，其實是不錯！本來侍應說沒有香葉雞，要轉為扎肉，怎知最後還是給香葉雞。哈哈粉絲春卷沒什麼特別。
繼續閱讀
同屋企人去過兩次第一次食左個咖哩蟹大麵包 原隻菠蘿炒飯 馬拉盞炒通菜 薄餅 芒果椰汁糯米飯 幾樣野都幾好食 特別係個馬拉盞炒通菜同埋個咖哩都好香但係第二次去食左個咖哩蝦大麵包 椰子飯 馬拉盞炒通菜 糕第一次同第二次去唔係隔左好7 但就貴左好多第二次去個咖哩d味好怪 同第一次去完全唔同 第一次去好好多椰子飯就幾好 好香椰子味 但係好似細左d 可能人多馬拉盞炒通菜就兩次去都幾好食兩次去都有糖水送 但係d糖水就真係唔係幾得拉 冇乜味 又水旺旺
繼續閱讀
今晚同老公去呢度食野，其實搬來天水圍咁多年成日都係呢度食野，d野食ok，價錢又合理，仲要冇加一tim。可惜今日係我最失望既一日我地一行三人叫左一個二人餐(炭燒豬頸肉、咖喱青口、馬拉盞炒通菜同香芋海鮮炒飯) $168 及咖喱炒蟹 $138。咖喱青口都算ok，d咖喱汁幾野味，青口又唔韌，可惜豬頸肉似煎多過燒，香芋海鮮炒飯d海鮮係雪藏貸都預左架啦！最過份係隻咖喱炒蟹 隻蟹炸到超乾，誇張到連呢d肉蟹厚厚既蟹鉗裏面d肉都乾晒個蟹蓋仲離譜，成個蓋入面d膏同肉都炸到燶晒，直情黑到好似舊炭咁本來一路食都想算數，唔想叫佢地換而唗左d野，加上幫襯左咁多年都冇咩問題，唔可以話高水準，但總算不過不失。可惜個蟹蓋真係令我好激氣，我叫個侍應來俾佢睇，佢就拎俾個我成日都見到既男經理睇，個男人就同個女仔講叫厨房整番個蟹蓋俾我，本來我都唸點解一隻蟹可以只整番個蓋俾我？不過我唸蟹身其他部份可以用來整其他餸，點知佢地轉頭拎返來既係將之前果個蟹蓋既大部份炭肉整走(因為我認到淨番果d炸到黑晒既肉)，然後倒大量咖喱汁係面，搏我睇唔到我好激氣叫個男經理過來理論，我同佢講成隻蟹都炸到乾晒，叫佢拎舊蟹鉗睇下，佢竟然唔理我地最離譜既係埋單果陣，收銀個女職員仲要惡人先告狀，話唔係唔換俾我地，而係我地食左好多舊至出聲，一隻蟹我地一行三人，一人一齊夾一舊，就緊係唔見左幾舊架啦！我本來都唸住照俾$，費事同佢地嘈，最多以後唔再幫襯，點知個女人走來咁屈番我地食得多所以佢地唔換，佢地又唔肯過來睇下隻蟹有咩問題，擺明自己理虧，仲要屈人我同個女人講唔緊要我擺上網law，我真係未試過打開門口做生意既可以答得咁經典：「隨便你law，我地成日都俾人咁做架啦！」我真係忍唔住答佢：「吓？原來你地成日俾人投訴架？」原來我咁多年都係好彩咋我不嬲食d唔新鮮既海鮮，我條舌頭就會好痕，我唸佢地根本就係拎隻死左好耐既蟹夾硬炸到過晒火俾客人食，搏客人唔覺，完全唔顧人客飲食安全在此奉勸各位以後都唔好去呢間咁不負責任既泰國餐廳食野，因為佢地完全冇良心做飲食生意，明知食壞人都唔理會，仲衰過某一d無良商人，要$又要人命
繼續閱讀
午餐極難食，豬頸肉炒飯濕到不得了！濕炒雞柳河仲難食過茶餐廳。諗住特飲會好些，叫左兩杯青檸蜜，好似水喉水出咁既味，唉，好難食！但我晚餐吃過係好食的，唔知點解下午咁
繼續閱讀
某日食下午茶，叫左兩份牛腩朦粉套餐，食食下發覺有隻死左既小強o係舊牛腩度，搞到要報警收場，要等衛生處人員，搞左成兩個鐘頭。以後打死都唔去。
繼續閱讀