影片
以上資料只供參考, 請與餐廳確認詳情
又係一個人的午餐🥣今次嘆個台灣牛肉麵入口面條比較硬，牛肉麵既湯汁無乜層次感，得一隻味。值得一讚既係牛肉夠入味同夠淋，份量都多。配兩條白菜仔。 杯珍珠奶茶都無乜特別
繼續閱讀
小弟我一向對食都好寬鬆，自問自己都抱着「搵啖飯啫 是旦啦」嘅精神，我過往嘅食評一向都鮮發負評，呢間尚風問鼎「腐皮」寶座。我同寶寶路經天后，求其搵間餐廳食個飯。隨手就點左呢間，一入去坐低，哇，2人座位超逼。打開餐牌，呢間野都唔平，五六十蚊一碗飯/麵，加十五蚊有野飲同湯，我叫左香腸炒飯，寶寶叫左牛肉麵，仲叫多碟八十八蚊嘅滷水拼盤。寶寶叫左杯珍珠奶茶，試左啖，典型味，好鬼甜。上埋碗肉丸湯，哇，咸到跳舞，飲左啖就放棄。上埋碟香腸炒飯，寶寶話做咩炒飯咁濕，食落普普通通。再上牛肉麵，咸。最伏係滷水拼盤，蛋係正常、但豆腐、牛肉咸到我喊。老闆，俾d良心！成餐都勁咸！小弟幫襯過黃店都唔少，但求價值觀相近，我都唔會俾負評，但呢間味道真係咸，除左咸之外真係無野形容到，仲要收加一，埋單二百四...老闆你俾我啊？最憎d店舖掛黃店號，d質素鬼死咁差...劣啊
繼續閱讀
四式台灣香腸（4條）| Assorted Taiwan Sausage (4pc) $66四款香腸分別是：飛魚卵、櫻花蝦、墨魚和黑鮪魚。台灣香腸的特色都是皮脆而且帶甜味，飛魚卵香腸帶一點日式芥末的味道，很適合作為小食。櫻花蝦的味道則較為淡，要細心品嚐才吃得到它的味道。墨魚和黑鮪魚則略帶海鮮味。••••••••••••••••••••••••••••••麻辣牛肉麵 | Szechuan Style Beef Noodles Soup $58湯底牛肉味濃，牛肉十分入味牛肉味又突出，肉質軟嫩，配以少許麻辣，更為惹味，但麵條略為淋身。••••••••••••••••••••••••••••••鹽酥雞肉燥飯 $56鹽酥雞肉十分邪惡，但很有夜市風味，肉燥入味，飯的份量足夠，整體份量不算少。••••••••••••••••••••••••••••••炸鹽酥菇 ｜ Deep Fried Mushroom $48很有台灣夜市的味道，香口，較為重口味。••••••••••••••••••••••••••••••蝦球炒飯 | Prawn Fried Rice $78賣相一般，味道濃，飯炒得夠乾身，但性價比來說比較推薦牛肉麵或炸雞排肉燥飯。••••••••••••••••••••••••••••••台灣香腸炒飯 | Taiwanese Sausagefried Rice $62台灣香腸可口美味，飯炒得夠乾身，份量適中。••••••••••••••••••••••••••••••香菇擔仔撈麵 | Mushrooms Meat Sauce with Dry Noodle $48肉碎份量充足，味道剛好，香菇味不太突出，但麵條略為淋身。••••••••••••••••••••••••••••••+$15更可多配貢丸湯及飲品貢丸湯湯底為牛肉湯，配以炸蒜，十分香濃，貢丸口感彈牙有香菇的味道。••••••••••••••••••••••••••••••珍珠奶茶 | Pearl Milk Tea ；茉香奶茶 ｜Jasmine Milk Tea珍珠奶茶的味道中規中矩，不會過甜，珍珠略為太硬。 茉香奶茶的茉香味香濃，甜度適中，飲完不會太膩。••••••••••••••••••••••••••••••
繼續閱讀
紅燒牛肉麵係台灣名物，去台灣無食過牛肉麵，你好唔好意思話自己去過台灣😌😏 今日掛住台灣料理，所以就去左呢間風尚台灣小吃食lunch! 佢地既門面就係平平無其既小店，好易就行過左！.📌 麻辣牛肉麵叫得麻辣牛肉麵，最緊要係個湯底，不僅要有基本既牛肉味，重要有麻辣味！但呢度只係隨量落啲辣椒粉就算(甘似我食牛肉飯落啲七味粉既)🤣 一啲川味湯底例如花椒、八角既香味都無！雖然佢地標榜無味精，但真係得個咸字，牛味好淡！牛方面，佢地用左牛腩，所以食落有牛味，亦都好軟腍！配料有半隻蛋同一棵白菜仔，正常發揮！麵底尚算煙韌，但如果可以做得爽口啲會更好！份量唔多，同兩個朋友(有男有女)食完都唔飽😂.📌珍珠奶茶(食到無心機，無影到🤓)叫左微甜，結果甜到呀媽都唔認得🤣又無茶味，不過跟餐包埋就算啦！.總括嚟講，通常一間餐廳，我唔會一次定生死，始終我認為有時候可能一時失準/個日既材料出事引致，所以其實今次係我第二次黎食，但仍然失望，應該未必會再有下次了！
繼續閱讀
今日又黎到風尚醫肚👍🏻👍🏻沙茶牛肉炒麵 $62由於疫情關係，風尚台灣小吃推出優惠，凡於晚市光顧粉面，即送一杯珍珠奶茶或咖啡☕️，好抵❗️❗️今次就叫咗沙茶牛肉炒麵，一睇個包裝就知好足料又夠鑊氣，沙茶味好濃郁，牛肉又多又冧，好味😋，唯一值得留意嘅係，炒麵本身都算多油，減肥一族就要留意啦，但店舖好有心地加咗錫紙包裝，唔怕流到周圍都係，好貼心👍🏻👍🏻👍🏻整體來講好似風城台灣小吃嘅一貫水準，絕對係天后區平靚正之選🥰🥰
繼續閱讀