影片
營業時間
星期一
全日休息
星期二至日
11:30 - 21:30
以上資料只供參考, 請與餐廳確認詳情
係咁嘅疫情同施政之下，食市經營已經困難，6點後唔比堂食，只做外賣，都需要侍應留心執外賣，如果唔係食客體驗又唔好，攪到D客無下次，又影響之後做生意，因為又要叫個侍應去送番野比個客。剩係嗌經營困難，要求政府補助，自己基本服務都未做好，都唔知D餐廳想點！今日外賣自取左火車頭同雞絲撈檬，火車頭包生熟牛肉牛丸牛肚牛柏葉，當時無人堂食無人等外賣，5個姐姐侍應開緊餐。番到屋企發現無撈檬汁，火車頭無左牛丸。味道普普通通，份量正正常常唔係大份，價錢正正常常，侍應拾下拾下。
繼續閱讀
今日一家三口去大埔一田買野，買完野熱辣辣諗住去旁邊昌運中心食個lunch, 見到呢間越南舖頭環境吾錯，冷氣又幾夠，所以就入去坐低叫野食，估吾到小小一餐都好有驚喜～作為一個蕃茄迷我叫左一個蕃茄湯檬，蕃茄湯底濃郁，而且配檬粉同生牛肉，又真係幾夾另外，加多少少錢有杯野飲，見到隔離杯野飲有靚靚嘅藍色，又有青檸薄荷葉原來係薄荷青檸梳打，所以就叫左黎飲， 甜甜的又有薄荷味，夏天飲真係非常解渴！！我屋企人就叫左海南雞酸湯同埋一個牛肉越南法包，我作為一個稱職嘅"吃貨" 緊係會下啦越南酸湯味道適中，有啲似冬陰功湯味道，而且吾辣好啱女士食，海南雞好新鮮，雞肉白滑～越南法包，我一真都好想試，聽講呢間舖用越南人廚師，仲專登改良左個法包，所以就叫爸爸叫黎試下，順便我都試下牛肉嫩滑， 個包好鬆脆，再配越南醃菜作為lunch，份量夠好食之後，我再外賣自取左個扎肉撈檬同凍奶茶返屋企俾屋企人試（因為有9折），外賣包得幾穩陣，之後坐「亡命van」返屋企都冇事小小題外話～疫情期間，其實去街食野都有啲擔心但見呢間舖防疫措施吾錯所以先入去食下架咋
繼續閱讀
星期日同朋友係大埔中心果頭是但搵間舖食lunch，周圍都排曬長龍一係就無開門，所以見到呢間有好多吉位就求其入左去食。午市～$50-60都算幾平，份量都夠多，未食曬都好飽但食物味道就好普通好一般，豬頸肉就有點燶有點苦，粉面味道ok唔似有味精。但飲品真係搞唔掂，我叫左杯凍檸茶，朋友叫左杯熱奶茶，🤦🏻♀️🤦🏻♀️🤦🏻♀️🤦🏻♀️但兩杯都係勁淡勁淡！凍檸茶無落糖漿？苦澀味好出！奶茶好似飲緊水咁⋯⋯仲有職員有點混亂，明明我果台一早上曬所有食物飲品，d職員係咁送錯飲品比我地，前後都3次⋯⋯🤦🏻♀️
繼續閱讀
今日同屋企人去左呢間越南小店食晚飯，叫左隻越式啤酒焗豬手， 蒜蓉牛油焗比目魚配沙律同一碗生牛肉湯河，飲左杯椰青奶茶。豬手啖啖肉好正～鍾意食豬手嘅一定要試下，不過聽啲姨姨講豬手通常好快就會賣晒，所以要早啲去order黎食先得比目魚沙律都整得幾好食，啲魚肉吾會太老好滑亦都有油香，配上越式醬汁同沙律好好嘅開胃沙律～至於生牛肉湯河，湯底濃郁，生牛肉真係生生地，加埋熱呼呼嘅湯， 所以啲肉碌一碌就啱啱好，好嫩滑杯椰青奶茶亦都幾香～有椰奶嘅香味，估吾到同奶茶又幾夾
繼續閱讀
是晚心思思想食PHO, 醒起有間成日都經過的越南餐廳，便過來試試。甫進店，見整體餐廳環境不錯，乾淨企理，間日晚市都坐了8成枱。晚餐點了一碗海南雞生牛肉河粉（$62）及芒果軟殻蟹檬米紙（$58）。牛河湯底夠熱！同埋味道超濃郁！就咁飲會有點咸，但係夾埋河粉就啖啖都好滿足。個湯底真係超級有誠意，feel到用好重料既牛骨黎煲，睇個色澤深啡色但又唔渾濁就知係好野，如果係鍾意重口味既人係好大機會會愛上！至於海南雞，可能是湯底有對比，顯得雞味不太出，但肉質尚算滑。 至於生牛肉，很新鮮，份量也很足，一碗有6-8片。對得起個價錢！唯一一樣野我個人偏好的就是沒有一碟芽菜伴碟，而這裡伴碟的是青檸和辣椒。 我是食到最後才發現有少量芽菜放在碗底，感覺有點空虛呢。不過個pho係好出色，重口味人士必試！ 我自己就覺得佢既湯底比錦麗既仲要濃郁，而且一碗河粉份量偏大，一個女仔食未必食得晒，男仔或者夠餓果時黎食就好抵啦，哈。至於個芒果軟殻蟹檬米紙，好足料，生菜同米紙都新鮮，咬落夾埋軟殻蟹既crispy好正！終括黎講，大埔有呢間出色同有誠意既pho食好令人感動，下次會再encore!附上菜單 @09/2019
繼續閱讀