7
3
2
營業時間
星期一
全日休息
星期二至五
11:30 - 22:00
星期六至日
08:00 - 22:00
公眾假期
08:00 - 22:00
以上資料只供參考, 請與餐廳確認詳情
同2個朋友揀左呢間餐廳吹水兼食飯。個menu幾多選擇，可以滿足梣食日本嘢同西餐嘅朋友。於是乎叫左3個set dinner。食嘢之前叫左3杯水。我奉勸唔飲比較好...我飲飲下見到動物... 我朋友飲到有味...佢有換左杯新嘅俾我，但我飲左幾啖就冇飲lu。跟住沙律出場，其實好難出事，但佢旁邊豆腐上面個pat嘢出左事，好咸好傑，糟蹋左舊豆腐。粟米磨菇忌廉湯不過不失。主菜我叫左勁普通嘅咖哩炸豬扒飯。炸豬扒炸得幾好食，唔會太厚，唔會太粉，唔會太乾，如果個咖哩汁多返少少會比較好。不過主菜個碟入面又見到沙律個件豆腐，好彩我鍾意食豆腐，唔係我會覺得幾重覆。最好食係個甜品，焦糖紅豆布甸。我+$10飲左個特飲仙草奶茶。唔知係咪因為糖要自己加，硬係較唔啱個味，唔係唔好飲，不過應該冇下次。環境係細左啲，不過如果對食冇咩要求，又想坐耐啲，係幾推介呢度。本來想影相，但個相機怪怪地，只係影左個沙律。
繼續閱讀
16號星期日到此食早餐，嘩，D早餐價錢貴人$10，$46一份，但質素認真差，通粉冇味又唔熟，一丁只用熱水浸熟，唔係明火㷛，又漏左我杯咖啡，要提至到，之後最嬲係我杯咖啡仲有大半杯，居然個女待應叫我埋單，話出便好多人等，真是超差，價格比同區貴，但顧客服務差劣，個人估計可能佢地唔憂做啦！下次唔會再去
繼續閱讀
上晝請o左假...最衰就係又凍又落雨...一定要嘆個lunch再返工先開心~ o係店外望一望個menu...有幾款burger (無牛肉)~ 一定要試試啦~ Burger有手打蝦飪, 魚柳 或然豬柳蛋沙律...我就揀o左手打蝦堡漢堡餐 ($68)~餐湯同餐包好快送到~ 今日o既湯係甘筍忌廉湯~ 好cream但唔太傑~ 不過d餐包偏甜...唔係咁o岩我口味~ 但因為佢熱辣辣所以我都食晒~ 再等一陣burger都送到啦~ 唔...初時我望個包係睇唔到入面塊蝦肉...有d唔開心...要轉到另一邊先睇到...其實佢塊蝦肉都夠厚~ 而且係超級熱!!!不過因為佢d包都係自家製 (?)...唔圓...三尖八角...所以睇唔到塊肉...當然我會覺得佢整返大少少...賣相會更完美啦~ 哈哈~食落去真係好正~ d蝦肉好彈牙~仲有好多千島醬同埋芝士~ 成個包感覺好juicy~ 用手拎住食都唔易散開~ 伴碟o既薯角好脆~ 夠熱~ 沙律菜都好新鮮~ 仲有意式醬汁!!! 餐茶叫o左咖啡~ 估唔到都好好味wor~好濃好香~ 奶又可以自己加~ 味道真係好o岩心水~ 我記得之前o係正店食過牛肉burger...覺得非常一般...估唔到分店無牛肉burger但反而咁出色~ 有機會都想試埋豬柳蛋沙律o個個burger~
繼續閱讀
4人同行 為姊妹慶生 叫左4個餐share黎食個staff好好人...知道我地share黎食 主動叫廚房分開上菜 食完一碟再慢慢上前菜: 豆腐+沙律菜 (個汁好味 幾開胃)餐包+湯 (正常 無咩特別)蝦肉漢堡 讚 (薯角脆卜卜 唔係hea左好耐 感受得到佢係即炸 ,漢堡包都係脆身 口感好好 唔係普通軟林林既包, 塊蝦肉又厚)煎魚柳+紫薯 (魚柳系煎得好脆好香 而且紫薯夠甜 我地4個搶住食)千層面 (比較細份, 唔算太抵食 佢個味道OK)虎蝦意粉 (意粉唔太特別 但蝦肉好食 都大隻!)最後有甜品(有4款 我地都揀焦糖布丁, 好食 唔係hea你既甜品good) $100頭食到哩個質素既西餐 算抵食; 而且staff好有禮貌好nice!
繼續閱讀
平時聽住元朗啲朋友話雞地有間cafe唔錯，又要卜位又排哂隊甘，男朋友今日禁啱要去元朗踢波，就去佢教育路間分店試下。一點幾去，d學生啱啱走哂，等d侍應汁完台就有位，無人講到禁多人排哂隊。可能無乜人，我地2個人個女侍應都拍左張4人台比我地，好好人，因為叫完野食就明白到2個人一張2人台真係完全唔夠用 。一睇個餐牌，哇！一個三文魚凱撒沙律都要68蚊！凍飲重要+3，呢到真係元朗？餐湯係我最鍾意既蘑菇忌廉湯，好淡，得陣蘑菇味，都接受到。但一試男友個羅宋湯，哇真係好難飲！唔酸不特止，菜味肉味乜都無，得陣辣味，所以男友飲左一啖就無飲。餐包重熱既，呢個有d意外。我叫左立魚柳意粉，男友就叫左帶子意大利飯。立魚柳，好大陣雪味，又油淋淋，配埋既茄丈，好奇怪，係粉紅色嫁 ，不過一樣淡！男友個意大利飯先好笑，我見隔離台果個係學生餐，好細碟，半個飲碗甘上下，以為唔係學生會大份d，點知一樣禁細！試問一個成年人真係邊夠食 ！我比埋個意粉男友先夠食！！餐飲凍檸茶，篤到死都無檸檬味，我諗檸檬應該係放左好耐果隻！熱齋啡，出面好多地方都會跟包糖比你既正常，不過叫得齋啡都唔會落嫁喇。飲飲下，突然一個著便裝疑似係老闆既男人無神神粒聲唔出伸隻手埋黎放包糖係中間，嚇得我，重要另轉臉鬧個女同事點解唔比糖我，真係咀都o埋。另外不得不提既係，距地全間鋪雖然好細，有3個員工，但係唔知點解做野既呢就得1個女侍應，因為我坐正係個廚房出餐位到，所以會望到有野食隊左出黎。見到有好幾次個女侍應想去拎野食，但就比個疑似老闆既人叫走咗！等我重想叫佢比張紙巾我都唔好意思麻煩距 。然後埋單叫距啦，距應該係唔比掂錢，叫第個幫佢埋，但無人理距囉，搞到我地等左勁耐！真係好失望，因為元朗比我地既印象都係又平又抵食，野食當然唔會好好味但都唔會太差。但呢到真係唔知點形容，西餐餐牌，但明明就係茶餐廳格調，但又要學西餐set餐具，比水，用簿埋單禁樣，完全格格不入！好彩距無加一！唔係真係蝕哂！無下次！
繼續閱讀