影片
營業時間
今日營業
06:00 - 02:00
星期一至日
06:00 - 02:00
以上資料只供參考, 請與餐廳確認詳情
今日去元朗搵個朋友天氣熱又唔想食飯所以入咗去銀河諗住食碗粉麵叫咗一個牛腩米粉同埋炸魚皮牛腩肥瘦適中 淋得嚟又唔會爛到好似煲湯肉咁又夠入味 😍😍😍而且個湯底都唔錯唔會話重味精到飲兩啖就好口渴要係咁飲嘢份量又夠 大大碗又多牛腩而間麵檔既嘢食對比外面好多麵檔又平又好食另外個炸魚皮都相當唔錯完全冇油益味 又唔會油淋淋 夠脆口下次再去食麵會再叫炸魚皮😋😋😋😋😋😋一碗米粉加個炸魚皮再加杯嘢飲 買單$52～
繼續閱讀
下晝行行下街覺得有啲肚餓見到，黎間銀河門口，有塊好大既poster話抗疫價22蚊一碗粉面,就諗住入去平平地食個下午茶。之後去睇個餐牌，見到其實22蚊嘅款式只有兩款，就係片頭麵同埋魚旦麵，其他粉面大約28至42蚊，同市價差唔多。咁我就食左一碗22蚊嘅片頭面，啲梘水面質其實都幾彈牙，都有四舊片頭，雖然個片頭唔算係特別impressive,但係都唔差,22蚊哩個價錢已經覺得好抵食。個湯底都唔錯，飲完唔會覺得十分口渴。以平價粉面黎講，算係合格有突。
繼續閱讀
約左朋友去靚靚Cafe 下午茶，所以晏晝就諗住簡單食碗麵就算，點知都幾大碗下。-牛腩河河粉算爽滑，份量勁多，牛腩好入味，好腍，但個湯有啲淡，冇乜味。-南乳豬手薯粉南乳味炆得啱啱好，唔會太鹹，豬毛清潔得好乾淨，肉質唔會太腍。薯粉彈牙，份量亦非常多，湯底都係清清淡淡，落咗辣油好食好多，不得不讚佢個辣椒油，好香辣椒味，唔會得個辣字。-油菜 (通菜) 新鮮爽口，腐乳亦夠鹹香。-炸魚皮香脆但偏鹹！-凍奶茶一個套餐$40，包一杯冷/熱飲品、油菜/炸魚皮
繼續閱讀
食物質素不予置評，牛腩河湯底無腩汁，可能是這店的風格。但這店的店員是絕對服務態度非常惡劣。叫店員拎水，佢答：有咩要拎一次過講！全程黑口黑面好似唔識記枱號唔識寫單咁，拎住杯凍檸茶周圍問係邊個既。都算。野食都擺錯枱，到發現先問人拎返，人地食客話未食過但已落醋。好啦，佢收左碗野。但！佢夠膽死去廚房兜個圈又拎返同一碗野出黎比其他人！莫講話而家疫情！平時都唔會咁做啦！我地2個大人一個2歲bb，食既時候已經同佢講係3個人，佢又可以係我地仲食緊既時候，夾硬將我地既野迫到一張二人枱，叫我地手抱住bb，因為有兩人要入黎。個下已經忍唔住鬧佢，入黎既時候已經講明係3個人，有乜可能咁做生意？
繼續閱讀
淨係元朗雞地都有幾間牛腩粉麵食過幾間之後覺得銀河係最好味牛筋牛腩炆得好入味好林而且份量都好多 你見到肉係鋪滿碗面佢亦都有炸蒜 辣椒油亦都好好味好香最近仲做緊疫情優惠而且佢開得好夜 所以呢排成日食😂
繼續閱讀