影片
營業時間
星期一至日
12:00 - 22:30
以上資料只供參考, 請與餐廳確認詳情
今晚我們去咗元朗大坑渠旁邊嘅「金田壽司刺身店」食晚飯！我們叫咗八點八吋長壽司盛、特選長壽司盛、蟹籽沙律「大」、金田火山卷、芝士年糕、手打冷烏冬、野菜豆腐鍋同鹽燒鷄腎！開頭令我充滿其待嘅八點八吋長壽司盛同特選長壽司盛，嚟到之後見到個賣相同色澤已經令我們好失望， 點知一食落口就令我們後悔莫及點解會選擇嚟食， 吞拿魚嘅色澤暗淡無光， 除咗咁之外，其餘幾款嘅刺身都係唔冰凍， 唔係太新鮮， 味道亦無乜鮮味！ 手打冷烏冬嘅烏冬唔係好彈牙， 亦唔冰凍！ 野菜豆腐鍋，野菜嘅味道好苦同好澀！ 鹽燒鷄腎嘅味道好騷同有臭「壓」味！ 總括：呢間「金田壽司刺身店」所謂喺元朗叫做有啲名氣， 但原來出品係咁差劣， 真係令我們超級極之失望呀！ 只有一次，絕無下次！
繼續閱讀
終於約左3個十年無見的朋友係元朗食晚飯，其實無咁誇張，只係大家生活忙碌，好少聚頭的好姐妹出黎聚聚JA，由於一早約好左，所以姐妹已經搵到餐廳BOOK埋位，乖乖地去就可以了。今次她們係元朗BOK呢間叫金田，之前我仲以為係放題，原來唔係，但都好多人等位食飯。幸好我們BOOK定左枱，但都要等一等先有得入去，見到呢間金田原來除左晚市時段，午餐、下午茶都有開，下次黎食的話，如果無BOOK枱可以早點黎碰下運氣，入去的時候，按下門口的小鍵，門就會自動開，而侍應就終於安排我們一行4人坐左角落的4人枱。一坐低就已經SET好哂D野，好整齊，好多日本人整齊的精神。而每張枱都有私家的水樽，可以自行去添水，相當方便。是日因為是星期五吧？店裡真的很多人，大家都坐滿滿在店子裡，雖然店裡不大，但也不算過份嘈吵。燒玉子，聽侍應說是師傅親自製作，我本人就相當喜歡，因為燒玉子本身是甜甜的蛋，燒得香而幼滑，在賣相方面也有下點功夫，味道那份甜留在口腥但不會膩了胃，相當不錯。吃的炸物方面，我很喜歡這個芝士糯米糕，外間應該稱他做芝士年糕吧？外面脆脆粉不厚，內裡熱熱的芝士溶化的感覺，芝士可以拉少少，如果可以拉到很長很長就更好了吧。日式蕃薯仔，燒得很香但不會太"林"，還保留水份和該有的那份嚼口。全場不得不吃，也不得不提的就是海膽鵝肝壽司！很後悔沒帶胖蕉來，不然他也一定力薦這一碟！因為海膽已經是很幼滑的口感，還有少少海洋的味道，加上外脆內嫩的鵝肝壽司，簡單是天作之合！留在口腔的那份激情，我已經傻傻分不清是鵝肝嫩還是海膽爽。豐盛玻璃船特別推介的是黃金魷魚，有一點點黃色粒粒係上面果隻白色生的魷魚刺身，好甜一點都唔腥，細細條，好爽口又好嚼，比甜蝦更實在，更有嚼口。
繼續閱讀
上星期又去了元朗踩踩單車做做運動，路過看來這家壽司店門外一堆人排隊，羊群心態的我又排埋一份，等左１５分鐘終於可以坐坐，哇～真是坐無虛席，侍應好快手拿了餐牌給我們。其實桌上也有文字版的餐紙，只是內容沒有廚師推介和圖片。侍應說不定時都會改變推介菜，因為會依當天運來的新鮮材質作出變動。而今日我剛好遇上最愛的玉子燒，自然成為必點之選！玉子燒來了～～ 看得出有被燒過的感覺，有陣陣蛋香，雖然味道很不錯，還有一陣焦香味，不過我還是喜歡曖曖時吃的感覺，如果熱一點會更好～！刺身拼盤方面實力平均出色，唯獨我最愛的就是這黃金魷魚，意想不到的鮮甜，綿密中帶點爽口的感覺，加上魚子爆破時的聲音，真的好想再ＯＲＤＥＲ一次！然後迎接這裡的招牌八吋特長壽司，哈哈～～單看都已經知道利害，那長長的魚可以包著飯團一整團有多，每口都足斥著魚的油甘香，特別是鏝魚，入口即溶，完全沒有魚骨，可說是啖啖肉，必必必食！接著更連連有驚喜，這珍寶帶子壽司大到完全覆蓋了飯團，味道非常鮮甜，吃下去沒有冷藏的味道，這方面金田做得幾好，唯獨要找到其中的缺點就是壽司的飯有點太軟熟了，這件在我來說並不是壞事，因為我平常也喜歡吃軟身的，但點都要挑剔的話，飯可能就是唯一一樣。再來就是極重口味之選，不需要醬汁，不需要調味，單單用煎得焦脆可口的鵝肝，加上少少海膽，兩種濃郁的味道刺激著味蕃，加上都是會溶化的質地，就連舌頭都像被溶化一樣，好味！！當堆單時才發現這裡有大胃王挑戰！！在８分鐘內吃得完這巨人拉麵可以全單９折，麵拉更加免費！下次我一定要來挑戰挑戰～～！！
繼續閱讀
價格貴，而且唔值！貴過元氣不特只仲要質素勁差！三文魚刺身唔凍，感覺唔新鮮！D壽司飯又硬又凍軟殻蟹手卷，軟殻蟹得好少，食到尾得反d飯，勁難食，用料好姑寒！個拉麵都ok，雖然d拉麵有d硬餅的情況（我估佢未煮開個拉麵）總結，做食物既感覺好求其，唔算好食，價格貴。以後唔光顧！
繼續閱讀
元朗金田活赤貝兩隻，等咗半個鐘。已經唔活嘅活赤貝，一隻凍死咗，一隻俾開貝人玩死咗Wasabi, 冇wasabi味仲要甜甜哋，加咗糖嗎？！三文魚刺身，濃濃雪櫃香味，豬仔造型三文魚片，我老公都唔會切成咁囉最正就係杯玄米茶，水夠滾，茶包夠靚全場約7枱客，每枱都在等。。等。。
繼續閱讀