甜品工房 (已結業)

得閒落黎食左個雪糕芭菲, 估唔到咁難食! 我覺得佢地個甜品做形好靚, 好吸引女仔或者情侶入黎D雪糕唔係雪糕, 係乳酪黎! 整鬼, 酸既芭菲邊好食嫁! 又唔預先通知冇雪糕, 服務態度0分

平時好小會入黎元朗呢邊行街, 今日搭小巴落車時見到呢間甜品店, 睇下個MENU, 都有好多唔同選擇!有飯類, 小食, 甜品, 飲品! 決定同老公試下, 佢可以食飯, 我又可以食甜品! 岩晒 我叫左個芒果沙沙飲, 都唔錯, 好香芒果味! 老公就叫左個玉子肉燥飯, 都唔錯, 份量夠大份, 老公都食得飽肚!之後我見到佢有個小食牌, 我叫左個香辣雞翼尖食。真係好辣, 不過我覺得雞翼尖瘦左小小, 唔夠多肉! 始終唔夠元朗老字號B字黎, 不過都隻味都好香! 好野味 甜品工房, 當然要食甜品啦!佢D甜品都俾到驚喜我! 窩夫草苺雪糕! 佢應該係即叫即整既..因為個窩夫好多熱! 呢個真係值得推介

經過甜品工房竟看見中西餐餐牌, 反正未品嘗過此舖的食品, 決定一試。 餐牌上有韮菜餃, 肉燥雞翼飯, 感覺怪怪的, 最後還是點了西餐pasta蕃茄煙肉什菜天使麵餐飲要洋甘菊, 份量大杯, 再送兩塊曲奇, 花茶香氣四溢, 但杯的設計差, 要把整個茶隔取出才能飲用。 主打的甜品令人失望, waffle不脆, 也沒有蛋香, 可能waffle不是甜品工房的強項吧！下次還是試試其他甜品。

放假同FD行開元朗，見呢間野裝修幾靚，就入去幫襯下，估唔到咁就搵到個新既食糖水落腳點!!係外面望已經覺得個格調幾好，簡單得黎又雅致，入到去坐低都幾舒服，似cafe多過糖水舖，明顯係行中高舖路線，啲甜品睇落都好精緻，價錢就比其他人來人往果D甜品舖高少少。呢啲叫"食裝修"丫麻，哈哈！我地3個人一共叫左3款甜品，等左冇幾耐就上齊，態度同速度無得彈。我就叫左個"黑色情迷芭菲"，講真，啲名有點肉麻....不過女仔可能會受落啦，不過賣相真係一流。底果層雪糕，上面應該係可可米，然後一層雪糕，再黎一層OREO餅碎，最上面係落左可可粉既雪糕，一層脆一層軟，口感非常好，而且都唔會太甜，又夠大杯，份量十足，正呀！另一個FD叫左個"浪漫季節乳酪"，最底一層係Yogurt，之後一層土多啤梨，然後一層Yogurt，上面一個大大既雪糕球，加少少花生碎。呢款叫"冬之戀"，個人認為芒果呢款熱帶水果配呢個名好似唔太夾，應該搵種藍色既水果?里面有粟米片、小丸子、軟雪糕、芒果，煙煙韌韌咁，幾有咬口，上面加個曲奇雪糕球，身形明顯冇啲雪糕杯咁高挑啦，哈哈。平均每人$45左右，係就比平時既糖水舖貴啲，但就款式味道同氣氛黎講，我覺得

成日係元朗食糖水都係泛后、B仔，食到厭，聽朋友提過呢間行中高檔路線既甜品工房，特登帶女朋友過黎試一試，果然有驚喜。間野個位置唔算好搵，下午4點黎到，重有幾張空位，唔駛等就入座。間舖裝修幾靚，乾淨大方，比一般既元朗糖水舖格調高唔少，坐得又舒服，啱晒同女友黎食，當然...睇睇張餐牌，價錢都比啲街坊舖高2-3成。餐牌款式都唔少，主要都係西式甜品，張張相都影得好靚，對於有選擇困難既我都係一個麻煩...女友叫左個雪糕窩夫，下午茶時段，不過係26蚊，飲品重有半價，睇賣相都抵。雪糕甜度適中，個窩夫熱熱地又香脆，好食！我就叫左個芒果派對乳酪，盛惠48元正，不過份量比想像中大，芒果肉同雪糕酸酸甜甜，上面重撒左花生碎同果仁，正呀！去得多平時既糖水舖，黎一間高檔少少既換下口味真係唔錯，下次我會再黎試下其他甜品！誠意推介！

好少入新界,o係又新街食完豆花,行下行下見到呢度有d好似幾特色o既甜品,又有d咸野食,於是入左黎5點左右冇乜人,感覺好似幾悠閒,於是連d店員都閒埋一份望下個menu點解睇黎睇去都冇左門口見到個吐司o既?一問之下,店員俾少左張menu我好快就落左order,篤下電話睇下fb忽然發現好似已經過左...20分鐘?定係更耐,我已經唔記得有個女店員主動埋黎問我叫左野食未,其實呢度唔係m記,我會唔會唔叫野死坐o係度呢?menu都俾你同事收埋啦之後佢應該係埋去問之前個店員入左單未,先發現佢忘記左,但係!!!!冇人打算埋黎話我知佢miss左所以等咁耐.我唔係聾唔係盲,你埋黎交代一聲我條氣會gur好多9秒9就出左個寒天雨,店員呢個時候先話唔好意思要等咁耐什果正常,都新鮮o既,白桃汁齋飲都ok,但係主角o既寒天....我以為係靠個汁俾d味佢,但點知佢自己已經有甜味,於是一溝落d白桃汁度就,都幾唔好食可能係個汁同佢唔夾啦,唔知道喇木瓜奶過甜,只係飲左半杯明明係一間甜品店,但個吐司先係最好食o個樣雖然個包切得一d都唔平均(可能專登係咁?),但上面d芝士呀煙肉呀番茄都好好食,多士厚厚的而且剛焗好又熱又脆,最en

琴晚同朋友去咗元朗間甜品工房食甜品，貪佢地方大，無乜人，唔駛等位我哋叫咗2個棉棉冰同一個紫醉之迷，點知等左10分鐘啲食物先到個士多啤梨棉棉冰超酸，個朱古力棉棉冰就超甜，仲要無乜朱古力味，個texture 似雪糕多過似棉棉冰紫醉之迷就得個名係好聽，無咩特別...

在小巴站側 算不是太容易找到 找了頗久的 店舖一副高貴的路線 簡單的格局 用色白色為主 甜品也是行高貴的路線 並不平價對比周遭甜品舖是日沒有太多顧客 店員也算休閒 我們的到來終於為他們增添點工作 坐下後 放下餐牌 我們開始點餐 雜果多士盒 忘記了叫甚麼雜果多士盒雪糕可以自選味道 我選了芒果 聽說抹茶產品是十分有名氣的 多士盒 賣相精緻 內涵更是了得 大約要等待十五分鐘 因為是即點即制的 水果份量只有圖中的份量 不算多 盒中有一粒粒烤焗過的蜜糖麵包粒如果覺得味道不夠 有一小杯蜜糖配在一起食用 士多啤梨醬酸酸的可以解膩 也很開胃兩至三人享用十分適合

一坐底就叫左個卡邦尼天使麵～蛋多士～籃莓沙冰同西瓜汁走甜,一黎杯西瓜汁冇走甜不特止,仲甜到想嘔⋯於是叫幫我地落單既四眼亞姐換過,點知佢竟然答我咪走甜囉～咪玩啦,走甜同有甜唔通我唔識分咩～都不在話,等左成半個鐘野食都仲未黎～於是又叫番企係收銀既四眼亞姐～點知佢望左我一下冇反應,仲要直行直過去左我隔離枱到幫客落單,終於忍唔住問：你咩態度呀,上網投訴你!呢位四眼亞姐一聽到即刻話有答我～答左我三次,如果你有答我就唔會咁話你啦～簡直不知所謂!野食終於到～天使麵成舊野痴住簡直難以入口⋯最大獲係佢個蛋多士，全部鹽係隻蛋上面～似食鹽多d囉～咁既服務態度同食物水準以後都唔會黎

因為我朋友同我講話買左團購60蚊當100蚊用之前我地去食過都覺得ok, 所以見到就買左一張臨去之前我記得我睇過張野好似得3pm-8pm先有得用不過我朋友又無留意, 所以都打算照叫$100到份量既野食我地大慨10點左右去到, 去到本身打算想叫 蕃薯味分子雪糕 $35 點知話賣哂 得返焦糖布丁味仲有一個唔記得左名 , 係一碟有三款 芒果小丸子, 綠茶布丁, 同另一個唔記得左 $38 又係話賣哂..想食個d都無...最後為有叫個綠茶味雪糕窩夫 $48正當我地正苦惱緊有d咩可以叫先發現張團購券要3pm-8pm先用得 所以決定淨係要個窩夫食算一黎到個窩夫一切又硬又厚好似麵包咁最慘我fd食先 佢話個窩夫有股咸味我心諗點解有咸係咪食錯左點知我一食落去 wa=_=點解可以咁難食, 我從來未食過咁難食好似腸仔包個股味既窩夫...我地食到好似擔泥咁最後仲要食淨....後來我個朋友忍唔住問個店員點解個窩夫有腸仔包味個店員竟然可以話依個係佢地個特色, 個個下午茶都係黎食窩夫我同我朋友即時囧左.....我真係從來未食過咁難食既窩夫,所以忍唔住打上黎=_=已經乜都無都叫, 仲要整個咁難食既窩夫..

元朗出名甜品舖多，由中式甜品至西式甜品甚至自家制甜品亦有很多選擇。因為住得近元朗，所以每次和朋友吃完晚飯總會留肚嘗遍元朗的甜品！今次來到甜品工房，沒有看過openrice就來到了！我是被門外的甜品吸引而決定的，可是餐牌上卻沒有門外的甜品……不過在餐牌中亦有不少吸引人的甜品一會兒我們就點了三款甜品。店內的環境亦不錯，十分舒服。當晚也有不少客人。先來到的是香醇時光，內裡有數層不同的味道和口感。外貌十分吸引，是類似芭菲的甜品。而且可以選低脂雪糕或低脂乳酪，這個選擇十分適合女生！真貼心第一層朋友選了低脂雪糕，第二層則有棉花糖第三層是咖啡奶凍。而且在餐牌上也有列明當中有什麼味道。朋友說這款甜品可能看來很大杯，但實際上不大，女生也可以吃完的份量。而且咖啡味濃，特別是咖啡奶凍雪糕也十分滑而且奶味十足，一邊有咖啡粉另一邊則沒有，口感上有兩種味道。整個甜品的口感每層也不同，有多重口感。第二款是我選的抺茶之舞。之前在旺角的He.She.Eat 吃過相似的甜品，對比的話He.She.Eat的味道較好和價錢較便宜。這款甜品中的雪糕都是自家製雪糕，這款綠茶的味道的確和平常的不同！其實綠茶味應是苦而不是甜味重，如

去到元朗，咁多甜品店既真係好難揀不過見到呢間有下午茶就走左入去試下入到去見到待應比左份menu, 入面竟然無出面show 個啲野食於是就問個待應出面個啲係唔係仲供應, 佢好唔耐煩咁比左份下午茶既menu比我於是就叫左下面個個無想像中咁大，大概好似一個手掌咁　不過下午茶就差唔多啦有啲香蕉係啲雪糕下面個waffle 雖然無外脆內軟但係都唔差而且雪糕唔錯 佢唔似普通雪糕 有啲chewy 令我諗起土耳奇雪糕而且咁細個26蚊ok啦 因為依家啲waffle 真係唔平

同朋友食完晚餐，打算搵間甜品店再續元朗好多出名的甜品店，打算試間新一點的行過門口見到d相影得好靚，於是吸引左我地進去門面係唔錯，而且唔多人我地4個人分別點左唔同ge甜品有朱古力綿綿冰，冬之戀，楊枝甘露水晶？同巨水晶？個名唔太記得清楚啦總之黎到之後個樣都算ok靚但d味道就好麻麻啦。。我果個冬之戀有曲奇雪糕但一d味都冇係甜味都冇，後尾睇下，佢話原來係自家製雪糕唔怪得啦，連牛奶公司都好食過佢囉仲要唔平架，40幾蚊果d所謂水晶珠，好似膠粒，太恐怖了而且服務態度都好差係咁sell我地買套票，但當時我地仲未叫野食，就已2係咁煩住我地我垛話睇下先，佢就好唔高興好在冇買炸，咁難食，我唔會再去囉

早前買了Groupon的甜品工房優惠券，以$60購買價值$100的現金券。昨日下午與爸媽到元朗那一間分店吃甜品。我們不熟悉元朗的路，走了很多冤枉路才找得到。其實在小巴總站旁，位置一點也不鬼祟。店子頗大，樓底高，店內以白色為主色，感覺很寬敞。此店下午3時開始營業，我已預計太早光顧，店員未必準備好食物。於是我們預計下午4時到達，加上迷路的時間，我們應該4時10分左右才到達。可惜，仍然有很多食物沒有準備好……爸爸點了沒有危險的甜品 — 楊枝金露，$32。怎料，是一碗沒有芒果的楊枝金露！他和媽媽暗自埋怨，我也沒有替他向店員提出。然而，在他吃了半碗以後，店員才趕忙拿來一小碗芒果！原來是忘記了……這件事教訓我們，不要怕麻煩，有問題要提出來啊！XD我原想點寒天雨的。但媽媽想要的甜品沒有提供，她也想吃寒天雨，我又覺得每人應該要點不同的甜品（不知道是甚麼道理……），最後我點了和風物語，$48。這一看便知道是芭菲了。我因而覺得後悔，芭菲很多地方也能吃得到，為何要點芭菲？幸而，乳酪的味道不錯，酸味適中。澆上日式抹茶汁，抹茶味道香濃。那兩粒日本山嶡餅其實是麵粉糰，表面有抹茶粉，所以味道只有來自抹茶粉。乳酪的下

未食過甘難食嘅甜品，叫左芒果豆腐花，用嘅系百福豆腐花做底，味道不太特出， 金粟南瓜露，稀到一啲味都冇，未試過食南瓜露系稀到好似湯甘，仲要一啲味都冇，甘嘅價錢同服務一啲都五值，仲要漏單，五會再有下次