影片
營業時間
星期一至日
12:00 - 15:00
19:00 - 22:00
以上資料只供參考, 請與餐廳確認詳情
純粹周末即興想食好西，見呢間有位而且性價比高就試試佢等待第一道菜時，餐廳經理同我地食客有互動，什至有點歌服務，呢刻先知原來係鏡粉餐廳黎，其間不停播mirror歌，本人食盡香港2/3 omakase呢間真係夠local😂師傅係日本人好nice不過煮食過程比較”呢hea” 同”那西” 睇到佢因為要ser太多人關係，衛生方便有待改善，不夠專業。食物方便整體都不錯當然無得同出面甲級omakase比，真係咩價錢就比咩你。服務方便就真係有好大改善空間，唔覺有加過茶同埋食完擺好耐先收走。試一次好了
繼續閱讀
《ERROR肥仔元朗新店 日廚主理割烹》先付け 🌕🌕🌕🌕🌑：北海道仙鳳趾產生牡蠣🦪賣相不錯👍🏻吃起來也十分新鮮、滑嫩而creamy，礦物味不重。八寸 🌕🌕🌑🌑🌑：イクラ、栗茶飯、栗麩味噌田楽、あん肝ポン酢、牛のたたき、特製和風ソース、銀杏、なめ茸明太子八寸類似法餐的Petit Four，以前多用作下酒菜，現今則改為於前菜時出，以增加豪華感。鮟鱇魚肝是正常的美味，其他則像是便利店質素的食品，連生烤牛肉也烤得太乾柴。吸物：鰻とフォアグラの吸物 🌕🌕🌑🌑🌑鰹魚湯中加入鰻魚及鵝肝，湯偏鹹及酸，鰻魚較韌及淡味，鵝肝煎得剛剛好，但味道淡，而且加入湯中頗奇怪🤔湯、鰻魚，及鵝肝分成三道菜會較佳。向付け：日本直送お造リ三点盛り合わせ 🌑🌑🌑🌑🌑雖說是日本直送，但吃起來質素極差，比Donki刺身更差。酢の物：🌑🌑🌑🌑🌑 睡蓮（赤貝、熟成昆布出汁トマト、オクラ、山芋、胡瓜、蓴菜、おスタチワム、海藻三杯酢）一旁的職員用手機開啟莫內的《睡蓮》畫作給我們看，說這道菜是參考此畫作而成。廚師說是醋，所以要小口地喝，但其實倒不如份量一開始就減少三分之二。這道菜類似法餐中段用於清味蕾的雪葩，但醋的份量過多，至酸到舌頭痛的地步，而且加入太多苦澀又咬不斷的食用植物。お凌ぎ：雲丹手卷き寿司 🌕🌕🌗🌑🌑用上質素較差的海膽，新鮮但有苦腥味，壽司飯粒粒分明，頗為鬆散。紫菜雖不是上乘，但有稍作炭烤，所以吃起來脆脆的，這點加分。焼き物：鮎の塩焼き 🌕🌕🌕🌕🌕燒得非常好：皮脆、肉嫩，是我吃過燒得最好的鹽燒香魚。和え物： 🌑🌑🌑🌑🌑 ラベンダー翡翠（南瓜とクリームチーズの和え物、紫芋のソース、イカ墨チュイールダンテル、ハーブ）又一道類似法餐雪葩的東西，不過是以蕃薯、墨魚汁、南瓜、香草作基底的菜式，由於我們不喜歡南瓜，廚師為我們減走了南瓜。吃起來鹹鹹甜甜，既有點化學味道，又有飽滯感。揚げ物：松茸、海老、薩摩芋 🌕🌕🌕🌕🌕即炸即食，炸皮非常薄脆，食材本身鮮甜多汁，配搭的抹茶鹽根本不用加。是我吃過最好的揚げ物！只是又來蕃薯🍠⋯⋯未吃主菜前已經6-7成飽了。強い肴：北海道十勝和牛A4格すき焼き 🌑🌑🌑🌑🌑牛本身質素不錯，油花豐腴而均勻，但廚師煮得太過了，令牛變得既乾柴又難咬。而配搭的蔬菜亦是既苦又難咬。附上日本冠軍蛋——夢王蛋同食，個人認為味道及顏色都不及蘭王。食事：ご飯物～毛蟹雲丹いくらしめじ炊き込みご飯 🌑🌑🌑🌑🌑飯的質感過於濕黏，加入蛋液後飯粒分散，反而變好了，但友人認為加入蛋液感覺奇怪。飯本身的味道較淡、海膽存在感薄弱。止椀～味噌汁 🌑🌑🌑🌑🌑用紅味噌做成的湯，喝起來異常地苦，像香魚褐色部分的腥苦味。旁邊的客人（剛好是某明星的老婆）也有問為何如此苦，二廚竟然答這是紅味噌的特色，放入口中會漸漸回甘。お新香～山形県產おつみ蕪 甘酢漬け、東京都產大根のべったら漬け 🌕🌕🌕🌕🌑用甜醋醃漬過的山形縣產蕪菁味道及口感都不錯，醃製東京都產蘿蔔則味道微苦。水物：柿、栗の錦玉羹 🌕🌕🌕🌕🌕芝麻柿鮮美可口，栗子羊羹非常甘甜。甘味：求肥餅アイス小豆、きな粉 🌕🌕🌕🌕🌕現場即製的白玉粉餅，夾着奶味白濃的呍呢拿雪糕，非常美味！配搭的紅豆醬質素還好，不加也罷。抹茶 🌕🌕🌕🌕🌑師傅在我們面前即場手打抹茶，非常用心。味道尚可。味道 🌕🌕🌑🌑🌑環境 🌕🌕🌕🌕🌑裝修雅致，但如廁需移玉步到鄰近商場，稍為不便。服務 🌕🌕🌕🌕🌕師傅笑容可掬，平易近人，喜愛看鏡頭拍照，亦跟會說日語的我們聊幾句。剛好有客人生日，員工關燈、師傅用火槍點蠟燭，並全體仝人唱生日歌及拍手，開燈後再播放兩首不同版本的生日音樂。雖然頗為尷尬，但也證明師傅對客人的用心。性價比 🌕🌕🌕🌑🌑以1480hkd的價錢來說，份量算十分多，另有索價每位580hkd的Sake Pairing。不過食物質素偏低。回頭率 🌑🌑🌑🌑🌑整體味道屬中下水平，不值得長途跋涉，蒞臨品嚐。🎈割烹水木元朗西菁街23號富達廣場地下15-16號舖電話：57215908
繼續閱讀
臨近生日，約左同樣今個月生日既朋友食肥仔開既割烹～簡單介紹下，割烹是指高級料理，師傅會係客人面前用唔同方法烹調料理，令客人可以從各感官欣賞美食～對我黎講同Omakase既分別係多啲熟食同有餐牌🤪最緊要好食🤪唔講咁多，講下野食先，今餐主要係以熟食為主，對於唔係太好生野既我表示高興👍因為有成14道菜如果要每一種都介紹既話會變左萬字文，我揀啲比較signature 既介紹啦😆八寸分別係牛肉他他，魚翅骨豆乳，栗子飯，麩米糕，鮟鱇魚肝，三文魚籽同銀杏。令我驚喜既係魚翅骨豆乳，魚翅骨酢酸酸地加上creamy既豆乳，出奇地夾！牛肉他他好食到唔捨得食，我一開始食兩塊，留返一塊最尾食，更加好食😍睡蓮靈感來自法國畫家莫奈既油畫作品，店員仲開左張相俾我地睇，成個presentation好靚～因為之前已經食咗幾款食物，師傅就準備咗呢個酢之物俾我地。蕃茄蓉同海藻酢結合再加上秋葵蓴菜等蔬菜，食落非常醒胃，師傅仲提醒我地唔好飲咁快，驚我地會嗆親，但我就覺得可以再酸啲🤪雲丹手卷睇個名其實唔知係咩黎，見到日本師傅拎左2底海膽出黎，另外一個師傅開定爐燒紫菜，原來係海膽手卷。佢見我地飲晒睡蓮就即刻遞俾我地食。拎到上手好暖同好重，因為佢放左一排海膽落去😆😆話說我見到咁多海膽本身有啲驚，如果唔夠新鮮就會臭🤪但呢個勁鮮甜，好順口，我諗我愛上左海膽啦😍毛蟹海膽三文魚籽土鍋坎飯師傅一打開既時候個個都嘩嘩聲，用料非常充足！飯控既我急不及待要食，每一啖都食到新鮮配料，飯既水份控制得好好，但火喉就控制得麻麻啦，因為我地食落有啲燶味🙈問師傅有冇飯焦既時候，佢話好燶冇得食，有啲遺憾😢對我黎講以上介紹都係令我印象深刻同特別既菜，其他菜都合格有餘，主要食材夠時令同新鮮，加上師傅用心研發同烹調，令食材得以昇華。食得割烹，除咗對食物有要求之外，其他方面都好重要。當中其實有2個小插曲。1. 朋友book左枱俾晒deposit 先發覺個日原來唔得閒，佢已經9秒9 whatsapp餐廳，睇下可唔可以改時間。點知第二日打風，whatsapp一個剔，咁都情有可原，但之後個日都仲係冇人應機，pm佢地社交媒體網站都冇人覆，朋友心急到即刻搭的士落去餐廳，點知冇開門（中午時間），真心嬲咗！最後去到夜晚先有人覆，佢話因為前一日打風冇材料，所以中午冇開。大佬，你喺社交媒體網站出個story都得掛😩同埋通常餐廳唔開舖，whatsapp都會應下機，我覺得公關手段需要大大改善。2. 當日食野之前，計埋我地有3枱客人。我見佢有問其他客人唔食乜野，但係就差啲miss左我地（2個員工溝通不足）。我話我唔食蠔，佢話唔知師傅有冇alternative, 又話我地應該一早講。吓！首先一間高級料理早一日打黎confirm booking都好正常，但係就冇既，你唔會expect個客主動打黎同你講唔食咩？（更何況冇人應機）之後你問完又話唔一定有alternative, 咁不如你一開波就唔好問啦😢 我覺得，餐廳其實戴左肥仔既光環，就應該喺CSR方面處理得更好，藝人同普通食客都應該公平對待。回頭率：65% （講真食物我基本上俾到滿分，但服務方面真係扣晒分🥲 $1,480加一我會expect喺食物以外，有更多既野 ）
繼續閱讀
竟然有個地方夜晚可以一次過食匀刺身，壽喜燒 以及 天婦羅！仲要係日本師傅坐陣，席前烹調，食足15道菜，最後仲要有個重量級毛蟹海膽土鍋炊飯做主菜😍 原來就係最近九月由Error成員肥仔所開嘅割烹店！最平$420就食到11道菜😱 而晚市就更加唔好錯過，完美體驗日法fusion元素，幾有驚喜感！-Dinner Menu ($1380/位)-<先付け>•胡麻豆腐·雲丹用上嫩滑嘅胡麻豆腐、海膽、黑松露、金飛魚子、魚子醬，配上自家製米餅*<八寸>•香煎鵝肝·鴨胸·三文魚子·鰻魚·豆乳*<椀物>•甲魚湯及慢煮鮑魚將平時好少食到嘅甲魚(即水魚)同鮑魚做成一道料理，飲落好清甜，甲魚滿口骨膠原，感覺好補身😂*<向付け>•日本直送刺身三點盛鱆紅魚、粒貝、大拖羅*<酢の物>•莫奈睡蓮已莫奈名畫命名嘅一道菜，睡蓮、日本蕃茄、三杯醋、北寄貝、秋葵、青瓜、金色飛魚子等組合而成～味道酸爽，消濟解膩！🍁*<和え物>•日本雲丹拌法式芝士杯用酒杯盛載，淨喺賣相已經俾到100分嘅菜式！濃厚嘅cream cheese面頭伴以海膽、龍蝦、牡丹蝦、魚子醬、橙等食材～ 海鮮同Cream cheese 竟然以想不到地夾！食落都好Fresh 好鮮甜❤️*<御凌ぎ>•雲丹手卷全排海膽上，連飯都爭啲見唔到😂 個種震撼感真的滿足了*<燒き物>•金目鯛西京燒用上紀州備長炭燒，食落帶炭火香之餘，魚肉仲保留唔少肉汁添✨*<揚げ物>•天婦羅🍤席前即炸天婦羅，夠哂精彩，同保證熱辣辣食落口🔥 *<強い肴>•A5神户和牛壽喜燒原舊即切神户和牛，師傅即場烹調。牛肉沾上蛋漿入口順滑，油脂感滿滿的！🐂*<食事>•毛蟹雲丹土鍋炊飯最後重頭戲，用上原隻毛蟹，海膽 & 三文魚子！超級重量級，海鮮嘅鮮味滲哂係個飯入面，每一啖都係精華🦀🍚*<止椀>•赤味噌汁*<香の物>•漬物*<水物>•錦玉羊羹·日本蜜瓜*<甘味>•求肥餅最後甜點連食客都可以參與一份，一齊試打求肥餅外層煙韌嘅外皮😍 最後入面加上一球雪糕，係一個唔太heavy嘅總結！
繼續閱讀
初初新開張時 book 位好 Full，因為原來只有 10 個位，好彩 10 月開始平日 lunch 已經可以即日 book 都有位，有時都係即興想食就食，元朗街坊心情！午餐時間有 HK$420 及 HK$660 兩款菜單，似乎全場都揀咗 HK$660，難得一場來到，爭少少梗係食個好啲架啦！有片有真相可以感受一下用餐環境氣氛有日本師傅主理，海膽熱狗大滿足，鮑魚肝醬都好香，但味道偏鹹，魚刺身方面，略嫌太乾，其他不過不失。綠茶鹽幾有特色，第一次試，幾得意。鴨肉壽喜燒當然唔夠和牛咁正啦！太細塊唔夠喉，下次應該要加錢食和牛先得。
繼續閱讀