4
4
2
九龍城美東邨對於我嚟講，係一個歷史印記。雖然闊別多年，但每次經過總係會勾起回憶。近年聽見政府要將屋邨清拆重建，上年終於的起心肝重遊舊地🚶♀️。當時其實已經得返一間餐廳仲有繼續營業，就係位於第五梯旁嘅「義興冰廳」。其實細細個時主要都係跟住呀爸呀媽，唔會自己去幫襯。再者，即使住嗰度，亦唔代表會成日去食，不過我都肯定有喺入面留低過腳毛嘅🦶。題外話，我以前覺得餐廳個名好唔正經🙈，亦記得有好多的士司機喺門口泊車入嚟食。記憶中嗰度好噏耷，以前小朋友嘅我一定好抗拒。當日再次到訪，只見到環境更殘舊，因為就嚟都唔做啦。我對餐廳某啲地方特別有印象，例如呢度有兩「層」，其實係講緊中間有級樓梯。另外，餐枱面向門口菱形咁擺🪑。門口右邊亦有個玻璃櫃，我都唔記得咗以前係咪有新鮮出爐麵包賣。當日我哋成下午四點半先去幫襯，但原來人哋收五點，即係我哋阻人放工要XXX🤣。不過店員們都樂意招呼、無趕我哋走。由於準備收舖，所以餐廳無幾多食材剩，我哋都係簡簡單單食咗個麵餐🍜，每碗承惠$38，凍飲再加$2，消費唔係想像中咁平。我食咗餐肉蛋肉丁米粉，朋友就要咗餐肉雙蛋麵。如果要講味道，我就真係無乜特別好介紹，因為即係茶餐廳嘢食囉。味道份量正常，唔難食、亦無話好好味👌。凍飲大大杯，分別係凍奶茶同凍杏仁霜🥛，難得有後者啊！如果想趁佢仲未完全結業去幫襯，就記住一早去，暫時見佢放出嚟嘅餐牌食物菜式都仲有唔少。我哋五點未夠食完出嚟已經落咗閘🚪。上述食記及相片拍攝於2020年10月31日。我估計當時美東樓尚有起碼一半住户，但唔少搬緊屋。2021年2月7日我再次走過美東樓，義興冰廳仲有營業，但外圍已經封咗板，再見唔到玻璃窗。住户亦應該已經全部遷出，咁即係代表呢度真係將正式成為過去。總括嚟講，我只係想借呢篇食評，將心底裡嘅一點小小情誼，永遠留喺我嘅歷史回憶入面。不再見了👋，美東樓！
繼續閱讀
人大左永遠追求童年回憶，細個嘅時候住喺九龍城寨就係依間冰室對面，幼稚園就是旁邊的安琪幼稚園，眨吓眼已經30幾年，九龍城寨已經面目全非，但係仲有美東邨嘅回憶！小時候，義興冰廳，咖喱牛腩飯係媽媽帶我哋去食，印象記憶，味道依舊，餐廳裝修和30年前冇不改變！因為我記性好好！希望呢啲老店繼續延續下去
繼續閱讀
下午同太太去上堂之前，總要醫醫肚才可以去上堂。駒著車子啊，在市區會有什麼地方可以讓我們停下來。本來打算在樂富的一個地方停。可是，車位找不到，連停一停既地方都被其他車佔用了。沒有車位，又想停下食野，真的是頭痛的一件事。喜歡尋找隱世的味道既我想起一個地方了，而這個地方，就是古舊的美東邨。沒什麼車，沒什麼人，而對面就是九龍寨城公園。現在的美東邨，只是冷冷清清的一列小商店。但回想起80年代初，我第一次，亦是唯一一次入去九龍城寨探險，這一條東頭村道，一旁是美東邨的小店，另一旁是滿佈無牌牙醫的一棟棟高樓舊廈。若是大家翻看一些歷史照片，從前的東頭村道、美東邨，是何等的熱鬧。可是歲月的變遷，九龍城寨因為種種的問題，現今己變為一個公園，而城寨於東頭村道的出入口，亦已經沒了。從此，美東邨同九龍城起了一牆隔膜，光輝的時代，已經不再。不過，依然有一些商店，服務周邊的居民，令消失了多年的風貌，留了少少的痕跡。現今，好的地方是這兒車流不多，要找個好位置泊車食飯絕對不難，就在冰室的門口泊好車，一落車，太太就被店外的花貓吸引了，入到冰室內，原來另有一隻懶洋洋的貓，甚是可愛。 冰室的空間是非常大的，相信在80年代的時候，這絕對是城寨區及九龍城區居民的聚腳點。格局，有少少茶樓feel，但賣的卻是茶餐。有可能，曾幾何時，這一間古老的冰室是一間小小的街坊酒樓。面前的自助水吧，依然有老食客，自己搞拈茶水，唔駛人服務。 我們一入來已決定叫兩個午餐，所以一坐低便有兩碗靚湯。很少茶餐廳/冰室會煲上南瓜湯的。不是太濃的湯，加了點豬骨去煲。當然有肉的鮮味啦，而且是湯煲既底，令人感覺特別的濃郁。精華一向都是底中尋的，對吧。 我食的，是豉油王豬扒飯。沾了粉才煎的豬扒，雖沒有吉列feel，但沒有脆的感覺。幸好，豬扒也算是入味的，不過說是豉油王，那個豉油也普通了一點吧。沒有鮮味，沒有甜味，也沒有美極的香。 太太要的羅漢齋飯，就真的不知他們搞了個什麼出來。已經不是off menu咁叫，餐牌上有的應該會做得到至少有睇得下既程度。然而，這一個飯令我們大失所望。首先，這不是羅漢齋，是羅漢齋的話就不會有蔥!! 而且第一次食到羅漢齋用苦瓜來做料，苦瓜加蘿蔔加雲耳加芽菜加蔥....這個該是涼瓜飯吧。 幸好，奶茶是好飲的，濃度適中，奶味足。再用上一個帶少少古味道的杯來沖。飲野，在此冰室，絕對沒有問題。但食物就，不太合水準了。 懷舊一番吧，香港的舊式茶廳冰室越來越少，不過所希望保留的，是古舊的環境，仲有最重要的，是食物同奶茶的味道。留得住環境，留不住味道，也是不行的。下次，壯壯膽的入去東頭邨內，繼續尋找隱世的味道。
繼續閱讀
10月28日...影完相,坐巴士走時,經過美荷樓,心血來潮想去呢度會一會佢...於是,就落車行過去義興...一間舊式茶記,華麗裝修欠奉,但就係多咗一份舊情懷,坐咗卡位,一道屏風之隔,聽到馬吊聲,隔離檯有剛湊完細路放學嚟食下午茶嘅師奶,又有同熟客們吹吹水嘅伙計,一貫舊茶記屋村街坊鐵竇作風,而家已經好難搵到...要咗一杯凍齋啡&油多,啡普通,太多冰,淡得滯,無甚驚喜...油多唔錯,夠多牛油,而且多士夠脆,正~只係價錢方面比較貴,一杯普通凍啡都要$14,加埋油多總共$21,好似貴咗啲囉...
繼續閱讀
很多時乘巴士都見到這間舊式屋村茶餐廳，但估不到親身在內才發現地方比我們想像中寬敞‧選擇了卡位後，老公便點例湯、菜遠班腩飯和涷奶茶;而我則選了火腿蛋通和熱奶茶‧例湯: 例湯是蓮藕湯，味道一般‧菜遠班腩飯: 獻汁超多，班腩味淡，失望之作‧火腿蛋通: 大路東西，沒有什麼特別‧涷奶茶: 奶味和茶味都幾好，令人滿意‧熱奶茶: 茶老令茶味稍為澀了一些‧
繼續閱讀