13
5
1
| 餐廳: | 意樂餐廳 (啟朗苑) |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
營業時間
今日營業
07:00 - 21:30
星期一至日
07:00 - 21:30
以上資料只供參考, 請與餐廳確認詳情
咁啱啲友人都唔得閒，今晚一個人 chill 啲，心諗要嚟去間新開嘅餐廳嘗鮮下，斬正來個美國安格斯牛扒。餐廳唔錯哇，環境悠閒，等食物嗰陣仲可以朦朧望下九龍城景。一試佢個牛扒，塊扒好有份量，我叫5成熟，一切落去，肉汁即刻喷出🍖，撚牙，肉質鬆軟嫩滑。伴菜脆肉瓜同番茄加埋黎，清新解膩，食得出嚟佢哋係勁新鮮。忌廉湯味道犀利，薯仔粒係咁軟熟，又唔會過份稠，暖笠笠好滿足😋。講返塊扒，真係食得出對牛肉嘅尊重，無多餘調味，簡單嘅調味已經突出晒美國安格斯嘅高質素。每咬一口，肉味滿滿，好似散發緊幸福嘅小太陽咁。至於炸薯條，外脆內軟，又香又得勁，幾有層次感。真係食完俾佢正中下懷🎯，難怪附近成晒話題，值得再嚟！
繼續閱讀
啟德區嚟講餐廳普遍都係貴，冇選擇之下嘅選擇就係樓下呢間意樂，我通常都係會叫外賣，趁今日放假就嚟試吓佢個早餐。All day Breakfast嚟講，價錢就唔算貴， 40幾蚊，有兩塊蒜蓉多士，一隻太陽蛋，一條腸仔同半塊午餐肉，仲有少少沙律菜，同埋迷你版火腿通粉，有嘢飲仲可以坐得耐，最好係貪佢11:30都仲有早餐食，近近地唔想行咁遠都OK嘅，呢度食物質素算係OK，但係服務態度就有待改進🤣🤣🤣🤣🤣🤣
繼續閱讀
通常番鑽石山食自己都會嚟呢度貪佢夠近同埋可以食下扒呢個餐比西冷平亦比西冷大塊抵食d鐵板芝士牛扒餐～7成熟配蒲燒汁珍珠炒飯（少飯）汁有時會係牛肝菌 / 蒜蓉 / 黑椒牛扒算幾厚大份，底下有d菇豆瓜雜菜羅宋湯渣比較多比較酸只係飲過一次就飲番忌廉湯去親都會叫波子汽水椰果梳打少冰唔會太甜又有汽配扒真係好爽不過d椰果係條狀比較難啜上嚟又無匙羹飲到底真係啜左個寂寞自己一個食話貴唔貴話平唔平有時好餓會加$12要3隻柚子味雞翼
繼續閱讀
食咗個超級油嘅牛肉丼飯。返到屋企嘔到7彩。平時係觀塘食都無事。。。🤮🤮🤮呢間一定比個差評！環境ok。服務員ok。得個牛肉飯成碗油，食到最底都無食果啲飯。。。
繼續閱讀
幫襯過好多次呢間意樂，貪佢近地鐵同埋出餐快，外賣喺屋企叫定15分鐘內一定有。鍾意食佢啲意粉，今次叫咗白酒蜆肉煙肉天使麵，焗豬扒飯同埋柚子雞翼，請你餐茶叫咗一杯熱柚子蜜一杯熱檸茶。意粉炒都唔會好肥，有啲香菜喺入邊好香，蜆肉份量都幾多，男仔食完都飽晒；焗豬扒飯做得好靚，份量都好足夠，女仔甚至可以當兩餐飯食。唯一唔鍾意嘅就係檸檬茶嘅檸檬，唔係鮮榨係一啲預先整好嘅檸檬汁加落去，有啲人會唔鍾意，但我覺得OK。下午茶食會抵啲，份量一樣。
繼續閱讀