影片
港鐵宋皇臺站B3出口, 步行約5分鐘
繼續閱讀
電話號碼
51990638
59354321
開飯介紹
位於九龍城串揚廚師發板，刺身，串揚，燒酌
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
有關獎賞計劃
由日本師傅渡邊•壽先生主理👨🏻🍳, 一入到去就得到佢嘅熱情款待～ 餐廳精心搜羅日本優質食材, 製作出高水準嘅串揚料理。餐廳設計走日系風, 室內面積唔大, 全吧檯設計, menu裡主角串揚佔最多～💁🏻♀串揚 🟰 用竹籤串起食材, 外層裹上薄薄嘅炸漿放入油鍋中油炸, 炸至金黃香脆, 再沾醬汁享用。🥣日本鯛魚昆布湯湯頭鮮甜濃郁, 味道清澈順喉而不膩🐚味辛黑梅螺 每粒螺都大大粒, 口感爽彈, 蘸上帶清新柚子香同微辛嘅特調醬汁, 係一道開胃前菜～🥢特上刺身盛合時令刺身款款新鮮, 北海道根室馬糞海膽肥厚飽滿, 味道濃厚甘甜; 赤蝦爽口有彈性; 厚切三文魚好肥美; 大拖羅脂肪分佈好似雪花般, 極之肥美, 入口即溶！🥢素菜六品盛合由廚師發辦, 有茄子🍆、南瓜🎃、洋蔥🧅、香菇🍄🟫等等, 每串嘅炸衣都好薄同夠乾身, 唔會好油膩, 入口香脆, 保持到原汁原味！另外會附上串揚汁, 包括：椒鹽、檸檬汁、中濃汁、芝麻醬、芥末醬, 蘸一點串揚汁食用, 能增加風味嘅層次感～🥢厚切牛舌使用宮城縣和牛, 炸衣非常薄脆, 牛舌爽嫩, 有肉汁🥢原隻海螺配唐辛子醬經串揚做法後, 仍然保留到螺肉嘅鮮味同彈牙口感🥢三文魚親子杯壽司杯賣相精緻, 三文魚與三文魚籽一起伴飯食用, 味道鮮甜又帶點鹹香, 鮮味滿滿！🥢蕎麥麵品嚐到高湯美味, 蕎麥麵帶有滑順口感
繼續閱讀
一間日本師傅經營嘅餐廳 — 北斗 🇯🇵，專賣大阪嘅 #串揚，即係 #串炸，喺香港係比較少見！北斗嘅座位唔算多，得吧枱大約 10 個位，但店長會親自過嚟介紹每道菜，一邊食一邊傾計，感覺好親切 😉 #串揚 其實係關西嘅特色料理，食材輕輕蘸啲炸漿，然後炸到金黃微脆。北斗嘅食材大部分都係由日本空運嚟香港 🛫，包括海鮮、肉類同埋蔬菜等，質素無得輸！餐牌上可以揀 #Omakase 或者自選單點。🥦 先嚟講下前菜 · 爽脆嘅椰菜可以點芝麻醬，食佢主要幫助每道菜之間清清味蕾。 · 蒜頭木魚漬 $48：蒜頭帶香濃嘅木魚漬味，完全唔辣，食完都唔會有口氣同胃氣！🐟 再嚟啲小食 · 七味魚翅 $88：魔鬼魚魚翅乾配沙律醬，咸香又惹味，非常好食 😋 · 日本鯛魚昆布湯 $58：湯裡面有魚肉同雜菇，湯汁鮮甜，食到原材料嘅鮮味！ · 日本海膽配炸紫菜 $198：北海道海膽同炸紫菜一齊食，入口即溶，#好食 之巔，再嚟北斗都會必嗌！🦑 時令海鮮七品盛合 #廚師發板 $398 廚師會根據時令食材同客人喜好組成擺盤精緻嘅七品盛合，賣相同味道都非常吸引！ · 日本沙椎魚：外邊微脆內嫩，魚肉滑溜配飛魚子。 · 北海道帆立貝配三文魚子：帶子鮮甜，三文魚子晶瑩。 · 磯煮鮑魚：用醬料烹調後面頭放黑魚子，鮑魚柔嫩。 · 甘鯛立鱗：鯛魚鱗炸得香脆，魚肉細滑，口感豐富。 · 紋甲魷魚、鮟鱇魚肝同子持昆布配櫻花蝦：全部都係較難食到嘅日本入口高質食材，值得一試！🍢 其他推介 · 厚切牛舌 (宮城縣和牛) $48、紫蘇雞胸肉 (德島雞) $48、蘆荀 (札幌直送) $68、長芋 (青森直送) $32，都炸到金黃酥脆，味道鮮美！ · 三文魚親子杯 $148：三文魚肥美，三文魚籽鹹香中帶清甜，鮮味滿滿 🍣 · 蕎麥麵 $58：最後嚟多一小碗蕎麥麵，滑順口感，食到高湯味道，圓滿！#北斗 係一間幾特別嘅串揚餐廳，無論係食材質素、師傅手藝定係店內服務都唔會令你失望。下次去九龍城，記得要試下呢間餐廳喇 😉
繼續閱讀
「斗」的豪華海鮮晚餐共13道精緻菜餚。(總額$1380,另加一服務費)1.黑松露海膽牡丹蝦 - 海膽鮮甜,牡丹蝦嫩滑,黑松露香氣迷人。2.蜆湯 - 鮮甜濃郁。3.北海道北極貝 - 以柚子皮及青檸調味,鮮甜爽口。4.深海池魚 - 油香鹹味俱全。5.銀鱈魚 - 肉質細膩,入口即溶。6.白蝦海膽魚子醬 - 白蝦鮮嫩,海膽魚子醬獨特。7.燒拖羅 - 頸部肉質油脂豐富,火焰下芬芳四溢。8.炸水茄子 - 內軟外脆,別具風味。9.黑松露炸帶子 - 即使炸製仍保持鮮嫩。10.炸魷魚 - 酥脆外層,嫩滑內餡。11.炸紫菜魚子 - 酥脆紫菜,濃郁魚子味。12.炸松葉蟹 - 蟹肉飽滿,甜味清雅。13.明太子茶漬飯配海膽伊勢龍蝦 - 鹹香滋味,層次豐富。
繼續閱讀
壽司刺身Omakase就食得多，今曰同老公就黎到九龍城既《北斗》試下串揚廚師發辦，衣度全吧台設計，好方便與師傅溝通😌吃串揚前，店家先為我們準備下火小菜便是非常清爽的椰菜了，還給我們準備上一系列特製醬油配餸。先來飲番壺由三重縣直送過來的地蛤清湯🫖，真的非常鮮甜美味😋冷盤: 味辛黑梅螺，鮮甜彈牙，跑左幾次日本，居然都未食過🙈梅水晶鯊魚軟骨，第一口吃下確實有點酸，很喜歡鯊魚軟骨的爽脆感三色刺身盛，分別是三文魚，帆立貝及深海池魚，配上靚山葵，幾大舊都能吃下😏一人一隻時令活蠔配有馬山椒， 齋睇未食已經好驚喜，事關真係好肥大肉厚，簡簡單單乜都唔洗加，已經好滿足🥰終於黎到重頭戲啦！北斗八品盛合，樓梯級上每一件串揚都披上金黃色又香脆的炸衣，中間那支貌似珍寶珠的是由佐賀直送過來的新洋蔥，雖然超細小但超重洋蔥味呀！🙈甜點來個日本水果蕃茄，上面有金箔點綴，清甜又高檔🥰最後再食番碗三文魚明太子南高梅茶漬飯，為今天的串揚Omakase畫上句號，實在太滿足了☺️
繼續閱讀
終於book咗九龍城呢間專門食大阪串揚嘅日式餐廳❣️上次去大阪miss咗無機會食，今次喺香港可以補償返了🥹 店舖小小座位唔多，只容納到幾組客人。座位都是bar枱，每道菜都由店長親自介紹，一邊食一邊傾計，服務很貼心，真係覺得去咗日本咁😉 店內有多款獨家清酒，可惜我地揸車飲唔到！鍾意飲清酒嘅記得唔好揸車嘞🍶味辛黑梅螺 ⭐️⭐️⭐️⭐️⭐️冷盤黑海螺食落爽口，最正係個唐辛子汁🌶️ 用竹籤將黑海螺慢慢轉出來，點少少唐辛子汁，黑海螺嘅清爽配上醬汁嘅辛辣，出奇地配合，尤其我鍾意食辣，之後食串揚我有時都點呢個汁😌蒜頭木魚漬 ⭐️⭐️⭐️⭐️我好似未試過成粒蒜頭食，今次應該係第一次😳 原來蒜頭咬落去係有綿綿地嘅感覺，木魚漬味道濃郁，蒜頭唔會有辛辣感，係一個好好嘅新嘗試❣️三色刺身盛 ⭐️⭐️⭐️⭐️⭐️三色刺生包括三文魚、帆立貝同埋深海池魚🐟 刺生新鮮，尤其深海池魚肉質鮮嫩肥美，油花好豐富，食完令人好回味🤤火灸大拖羅 ⭐️⭐️⭐️⭐️⭐️大拖羅係男朋友嘅最愛，所以唔理咁多1人1件😁 厚切大拖羅用火槍輕灸，用紫菜包住一啖食落口！火灸後嘅大拖羅油香味更濃更重，男朋友食完話想再encore不過俾我阻止咗，佢話下次要自己再嚟食😂日本沙椎魚 ⭐️⭐️⭐️⭐️呢個係店家極力推介，果然無介紹錯！沙椎魚細細條，但魚肉好滑而且無骨，配埋飛魚子一啖過好滿足😌肉盛六品盛盒 (廚師發辦) ⭐️⭐️⭐️⭐️⭐️第1次嚟到呢度食串揚唔知點揀，樣樣都想試，所以呢個由廚師發辦就最岩我啦😙 6款串揚包括德島紫蘇雞肉、沖繩阿古豬柳、葡萄豚肉、宮城牛舌心、煙燻日本鴨胸、明太子豚肉串😋 我最欣賞嘅係葡萄豚肉，完全無豬腥味，肉質好淋好易咬開，一試難忘👍🏻 其次就係煙鴨胸，煙燻味好香好吸引，食1串其實唔太夠喉🤭素菜六品盛盒 (廚師發辦) ⭐️⭐️⭐️⭐️⭐️6款來自日本唔同地方嘅蔬菜串揚：沖繩苦瓜、岩國蓮藕、高知青椒仔、奈良千両茄子、佐賀洋蔥、大分椎茸～ 最值得推薦嘅係茄子同埋椎茸，雖然係炸物，但仍然保持到蔬菜中嘅水份，入口好juicy👍🏻茶漬飯 ⭐️⭐️⭐️⭐️⭐️叫咗2款茶漬飯，分別係明太子同埋南高梅！明太子辣辣地我好鍾意，而南高梅就好有日本傳統feel，入口酸酸味味，好開胃，就算飽都食得晒呢😁
繼續閱讀