影片
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
以上資料只供參考, 請與餐廳確認詳情
食家推介
-
前菜
-
櫻花蝦蒸蛋
-
牛舌
-
Sukiyaki Set
-
甜品+8
相關文章
🥰 三年悠長假期, 試過 壽司刺身, 天婦羅, 燒肉 嘅廚師發板, 大開眼戒. 早前 “老友食家” 推介相對冷門嘅 “壽喜燒”, 點名 預約困難店 - “森” Sukiyaki Mori.🤗 “森” 喺中環設三間分店, 邊間有位食邊間, 卑利街分店 有日本師傅坐鎮, 一位難求, 歌賦街分店 啱啱裝修休業, 今日相約即將去美國進修嘅 “小秘書”, 嚟到 荷李活道分店, 解鎖我未食過嘅 “關西壽喜燒”. 電話訂位, 可以選擇入座時間: 6:30pm, 7:30pm, 8:30pm, 唔使落訂.📖 壽喜燒, Sukiyaki, 日本鍋物料理之一, 以少量醬汁烹煮嘅火鍋. 食材包括牛肉切片, 大蔥, 蔬菜, 豆腐, 芋絲, 冬菇等, 蘸生雞蛋食. Suki 意指農耕時嘅鋤頭, Yaki 意指燒烤, “壽喜燒” 又稱為 “鋤燒”. 關東版本 使用已調配好嘅湯醬汁, 放入牛肉蔬菜, 類似火鍋, 關西版本 先以牛油抺空鍋, 放上牛肉煎烤, 再分別加入砂糖及醬汁, 相對似烤肉.📖 翻查資料: “天武天皇” 受宗教影響, 旨禁食用獸肉, “德川幕府” 時期, 人民喺值得慶祝嘅日子可以食 “壽喜燒”! 當時嘅食材其實係雞肉, 所以又叫 “雞素燒”. 明治維新 後, 日本人開始接受牛肉, 進而演變為 “壽喜燒” 嘅主要食材.🥢 今晚點咗 Sukiyaki Set, $730+10%, 另加 牛舌, $100+10%, 清酒 (300ml), $250+10%. 師傅盤上牛肉同埋蔬菜, 然後逐一烹煮. 同步提供生雞蛋, 同埋少量白飯. 玩法少少似 Yakiniku Great 嘅 烤肉廚師發板.前菜茶碗蒸牛肉: 肉眼, 西冷, 牛肩牛舌蔬菜滑蛋牛肉飯麵豉湯 甜品🥢 講講環境, 餐廳門面和式設計, 木系趟門, 入門口右邊設一張八人方枱, 左邊設一張四人卡位, 直望一張L型十人吧枱, 室內擺位不規則, 哈哈. 今日被安排坐吧枱, 無論坐普通枱或者吧枱, 都有師傅煮埋俾你食.🍀 前菜: 蠶豆, 海老芋, 京人參, 黑豆. 炸芋頭比較出色, 外皮炸脆, 芋頭腍哂. 京人蔘, 即係紅蘿蔔, 爽甜.🦀 松葉蟹肉蒸蛋. 蟹肉鮮味湧出, 蒸蛋夠熱夠實淨, 加咗少少薑, 不俗.🐂 主角出塲, 第一片, 肉眼, 近江牛, A4 級別. 雪花紋平均, 入口溶化, 調味略甜, 就係 “壽喜燒” 嘅特色, 收貨!📖 翻查資料: “近江牛” 係 滋賀縣 產嘅黑毛和牛, 400年歴史, 日本最悠久嘅食用牛, 與 三重縣 產嘅 ”松阪牛”, 兵庫縣 產嘅 “神戶牛” 並稱為日本三大和牛.🥬 蔬菜: 白菜, 豆腐, 麵筋, 冬菇. 蔬菜甜美入味, 又幫助解膩, 迎接下片牛肉.🐂 第二片, 西冷, 配兩粒 蒟蒻. 牛味升級, 調味濃厚, 開始覺得腬, 試下蘸生雞蛋, 味道拖淡咗, 相反, 配白飯相當出色, 問題係太飽囉.🧅 淡路島洋蔥. 據師傅介紹, 淡路島洋蔥冇咗辛辣味, 食落清甜.🐂 第三片, 牛肩. 醬汁繼續濃味, 肉味再重, 但分別不大. 由於脂肪比例少咗, 食落冇咁腬.🥢 蒟蒻絲. 類似粉絲, 入唒味, 掂!🐂 第四片, 又係牛肩, 理應最重牛味, 老實講, 不及打邊爐或者扒房嘅牛肉. 四片牛肉, 拉唔開層次, 缺乏變化.🐂 牛舌, 第一片較腍滑, 第二片較脆口, 味道大同小異, 由於簿切, 口感沒有預期中嘅驚艶.🍳 滑蛋牛肉飯. 新鮮炮製, 賣相吸引, 熱辣辣, 啱啱熟嘅滑蛋, 撈飯食, 可惜太飽, 食一半棄糊.🤗 麵豉湯. 加咗山椒, 用作解膩, 怪怪哋, 唔識欣賞.🍮 甜品: 果凍, 蕨餅. 完美結束!🤗 總結: Sukiyaki Mori “壽喜燒” 幾有趣, 值得一試, 但 $1000餐飯, 用餐體驗 交唔到功課. 可能人手不足, 服務唔夠溫度. 坐位逼夾, 貼實隔籬枱客, 加上油煙四起, 食完都坐唔耐. 烹煮模式相對單調, 視覺響受欠奉. 論食物, 牛肉質素不俗, 調味偏濃, Ok嘅, 但幾片牛肉層次變化唔明顯, 相反, 中間穿插嘅蔬菜新鮮, 種類豐富, 略帶驚喜. 最大問題係上菜節奏過急, 肥膩感令食慾驟降, 扣分. 下次再試其他分店.
繼續閱讀
每次嚟食都係叫Sukiyaki Set，起碼最少都食過五次，都去過三間唔同嘅分店，師傅調味都有少少不同，各有特色，有啲糖會落得比較多，不過我覺得統一師傅手勢會比較好，始終唔係每一個人都接受得到，我諗顧客應該都鍾意比較穩定嘅質素，同埋有時感覺到某啲師傅好似好唔願意做咁，拎食客會有小小壓力，始終要喺顧客面前烹調，視乎心情對食客都有一定影響，不過味道方面完全冇令我失望🤤.前菜有分別有螢光魷魚🦑，薑蓉蟹肉蒸蛋，不過前菜每次都唔同，我相信都有分季節性，每次食都有驚喜，而蒸蛋方面，本身唔係咁鍾意食薑，所以我每次食嘅時候都會刮走啲薑先食🤣Sukiyaki Lunch Set $600💰 人均消費 $660
繼續閱讀
520老公約我去食好嘢🥰一向都好鍾意食壽喜燒，今次老公book咗被譽為全港最難book嘅壽喜燒餐廳，所以期望也很高。同老公叫左sukiyaki set,揀左和牛同追加一份牛舌，真係好值得追加，因為配埋蔥一齊食非常香口👍🏻和牛亦非常生鮮，入口即化，本人胃口唔大，但就算飽都忍唔住要食晒，仲有洋蔥估唔到係可以咁清甜🧅最後再整個滑蛋牛肉飯非常完滿😋餐廳座位不多，每位廚師只招待兩至三位，所以除咗食物更可以欣賞廚師嘅手藝，壽喜燒最緊要就係靚嘅食材，呢度嘅食材非常新鮮之餘，價錢亦很相宜，所以今次的晚餐滿足之餘亦不用過高消費，下次再黎👍🏻
繼續閱讀
呢間唔洗打電話 打極都唔會有人聽🤨至於我點book到⋯⋯就係有日同朋友去第間餐廳經過屎忽痕就話呢間野好似好好食好難book我地依家問下囉？於是好順利book左但佢限90分鐘用餐時間😂幾唔好但佢好食又平 真係吹唔脹😏其實佢fix menu 所而唔係好使睇有咩食你淨係要諗使唔使再單點或者開支酒🤣不過我同朋友都加咗一份牛舌 無記錯係+$100有4塊架😚推薦要加黎試下呢🤩佢啲份量係食食吓越食越飽 開頭你睇佢細細份以為唔夠食點知食開就知 原來好多😂朋友最近係日本返黎食唔少壽喜燒同牛 但佢對呢間都有讚無彈仲話呢個價日本食都無咁多野食性格比好高！！ 仲要中環既晚餐喎☺️我哋睇過午餐同晚餐價錢唔係差太多食既野都係一模一樣的 所以晚餐真係好抵食睇圖就知牛有幾靚 啲油脂同牛味幾濃真係又滑又嫩 入口即融😋😋總之由開頭食到落尾都係有讚冇彈我見好多人都話佢啲水準差咗我未試過一開波食 但係我果晚食就真係覺得好出色我食嗰間應該係總店😳😳如果大家經過就記得入去book性價比超高超抵食✌️
繼續閱讀
這家主打關東風味壽喜燒長期一位難求每個月一號會開放預約 但電話都是忙線狀態ಥ_ಥ在月頭時候 親身到上環 終！於！成功預約(๑•॒̀ ູ॒•́๑)✂︎這次嘗試他家晚市套餐 <𝗦𝘂𝗸𝗶𝘆𝗮𝗸𝗶 𝗦𝗲𝘁> $730+10% service charge 分別有前菜、蒸物、野菜、燒肉、滑蛋飯、甜品最後完全是捧腹而回(๑´ڡ`๑)✂︎師傅會在過程中講解食材和食法採用的是A4近江牛，一共4片不同部位的牛牛!從牛味較淡吃到較濃 肉眼☞西冷☞牛肩另外加$100 可再品嘗牛舌(๑´ㅂ`๑)✂︎總括而言！CP值頗高 很適合慶祝紀念日或是生日🎂可以再戰(ง'̀-'́)ง
繼續閱讀