Triple O's by White Spot (太古廣場二座)

營業中

休息中

周末，上午返咗公司整少少嘢，不知不覺又到中午，但又唔覺好肚餓，諗諗下不如去食漢堡包。不過，當然唔會係去食麥記嗰啲啦。而係，去咗金鐘太古廣場嘅 Triple O’s。佢都算做得長，咁多年都屹立不倒，俾著其他附近的食店，好多都執咗，轉咗幾轉了。無他嘅，因為佢啲包真係幾好食。今日食個 Combo set: Bacon & Cheese Combo with French Fries and Coffee，89蚊有交易，咪以為呢個價好似好貴，其實係物有所值。個包size 都幾大個㗎，裡面啲餡又多又高質。漢堡扒牛肉充滿牛味又Juicy，仲有芝士、生菜、煙肉、青瓜，最利害係佢啲特別醬汁，好食都不得了。雖然薯條唔係個餐嘅重點，但亦可提一提，好食過麥記嗰啲多多聲。

今日帶中午契仔出去香港公園玩 玩到好攰 又未到晚餐時間 想食小小飲下野 太古廣場樣樣都好貴想價錢平平又好坐的餐廳 真心唔多 但星巴克已經坐滿人好難搵位啊！如果食burger太飽啊！見到唯一一個沙律菜餐 真係不二之選之前未試過係度食菜。而且42蚊 包飲品 真心低啊！因為係旁邊間超市賣得沙律菜 一盒已經超過40蚊啦！ triple O 一向水準不錯 價錢比同級burger平 。 沙律菜好新鮮 另外點左客芝士蒜蓉薯條 係用粗薯條 味道濃郁 不自覺食了好多 。當然契仔無份食啦！

因為朋友是吃素的，我們又不太肚餓，於是決定點了一個素漢堡套餐一起吃，並要求店員將漢堡 切開一半，打開漢堡見到有一大塊青瓜放在包上，其實我不明白，這是什麼用義，為什麼不直接放在漢堡內呢 ？素漢堡內有一塊素肉，生菜，蕃茄及triple-o特制醬汁， 素漢堡包整體不錯， 鬆軟的麵包，內裏多汁，如果不說，真的不知道這是一個素漢堡。不過我最喜歡的還是這裏的薯條，薯條又粗又脆，保證絕對新鮮！ 餐飲方面，套餐是配汽水的，不過我們選擇了 +$20升級轉綠茶奶昔，奶昔香濃，有淡淡的綠茶味，很大的一杯，超值！不過對於快餐來說這裏的漢堡比較貴，間中食一次無妨。

個人認為要大排長龍才能食到美味的burger是有點兒浪費時間，尤其是已成為媽媽的我，更加珍惜寶貴時間！若然要快捷食到一些較有水準的burger，我會選擇到Triple O！👍🏻每逢到Triple O，我必定點Mushroom Burger，另加錢轉飲士多啤梨奶昔！Mushroom Burger非常juicy，牛肉是從澳洲來的，烹調得恰到好處，不太生也不太乾，沒有羶味；包美味鬆軟，滿佈磨菇，再配上特有的Triple O醬汁放在牛肉上，絕對令人滋味無窮！😋士多啤梨奶昔要強力推介，它跟M記是完全不同！他們的士多啤梨奶昔可以飲到士多啤梨果肉，感覺像雪糕，甜甜酸酸，十分開胃醒神！😋後話，我之前也有試過他們的Original Burger，但比較乾，所以我只會推薦Mushroom Burger! 🍔

Triple O’s chicken strips meal is always been my favorite choice on their menu. Was shopping at Pacific Center the other day and decided to eat at Triple Os. Ordered a chicken strips combo which comes with a soft drink, 3 chicken strips, and French fries.The chicken meat was so juicy and tender. Chose honey mustard dipping sauce which is my favorite. Their fries are pretty good as well. Considering a fast food restaurant, I personally found it a bit pricy, so will only come once in awhile.

完全同意朋友說這是加拿大食物。昨天我去了Triple O的漢堡。我點了一份的雞蛋，並選擇了藍莓奶昔作為飲料。蘑菇漢堡的味道非常不錯，體型相當不錯，加上調味汁也很好，薯條也很好吃，我很高興有用醋，還有西紅柿醬，所有的食材都要和薯條一起食用。 芯片中等切割，不能太薄或太厚。最後，奶昔很棒。 他們的奶昔是新鮮鞭打定購。對於一家快餐店來說，他們的工作人員很有幫助，因為他們幫助我在不想從瓶子裡冒出來的時候倒番茄醬。下一次，我會嘗試素食漢堡.........

🍔Triple O 煙肉芝士蘑菇漢堡🍔一直好鐘意有蘑菇嘅漢堡🍄🍄覺得特別香同乾極有限😂😂😂呢個漢堡嘅蘑菇同煙肉份量好夠 啖啖都有本身怕煙肉會好咸😶不過呢個唔咸 仲keep到熱同脆 加分👏麵包同漢堡都好鬆軟😚(所以一唔小心大力得震㩒到變咗形🌚)不過可能太多配料 所以漢堡肉味唔太突出然後...我幾鐘意面頭塊酸瓜 酸酸地又唔澀😆.🍟芝士煙肉粒薯條🍟煙肉粒好脆 粗薯仲有薯皮 鐘意淋薯條嘅人會好愛😎不過芝士加薯條...有人share先好嗌😂.🍼藍莓奶昔🍼係不錯嫁!!!不過我鐘意再杰身啲 同藍莓再濃啲奶昔🙈

N年前在金鐘上斑時吃過午餐的 burger 店, 以前原本處身於一個大型的 food court 內, 現在 food court 已不存在因為太古廣場不斷改動目的是提升商場形象, 以前好多好食的店舖也不能留底, 只有這間店屹立不倒是有佢的存在價值的, 不過要行入少少的, 在超市最埋邊, 捧場客仍然有很多人, 因為是過了午餐, 下午餐時間又未到, 不出數分鐘我地好快就搵到位坐低了.今次叫過一客 combo 和一個單點, 佢地有送餐服務, 坐低等開餐就得啦........ 燒牛肉漢堡$62, 燒牛肉質地不乾不硬, 配上酸酸地的醬汁, 好味! 一點要提是由於醬汁會擺得不平均, 差不多食到尾, 留有較多醬汁的位置會比較酸啊!原味漢堡 combo $79, 包括薯條和一杯汽水, 味道依舊好味, 漢堡肉好juicy 配上蕃茄和醬汁, 簡單配搪可以配出這麼好味都真係唔簡單, 此外酸瓜一如以往, 另上, 咁就自己決定放唔放了,  後話一提, 記得N年前食既漢堡包又大又高 (一口是吃不到連包連肉的), 份量可以足夠兩個女仔食, 雖然現在佢表面加價幅度好似唔算大 (好似唔跟通帳行) , 但其實就在用材料

上次食TripleO’s 應該都成年前，貴少少既burger 我都係耐唔耐先食，而且都唔係好就腳😂晚上七點幾黎到，不算多人，可以坐低慢慢吃。今次嗌左chicken supreme burger，加27蚊做combo。其實薯條可以加錢加topping，不過對薯條冇乜執著既我都係唔加啦。等左五分鐘就黎啦，薯條同乜記食嗰啲唔同，又熱又粗又新鮮又冇咁多鹽，而且份量亦不少，正！個包份量都好大，有雞，菜，蕃茄同醬。個包好稔，成個咬落好juicy。不過雞肉就略嫌鞋。細食既女仔其實食包都夠飽，我食左成個餐都就黎飽到上心口。建議襯熱食左薯條先，個包擺一陣都仲熱辣辣，食曬個包啲薯條就會唔熱架啦！下次就想試埋chicken strips 啦😋

來自加拿大行中上價位嘅Triple O’s by White Spot，喺香港嘅分店雖然唔多，但如果講起Triple O’s唔知你又會諗起咩呢？我同M佬第一時間都諗起佢嘅磨菇漢堡！我哋越諗越想食，所以今日同M佬一於去金鐘拍拖，睇戲順便食Triple O’s by White Spot啦！去到金鐘嘅分店，發現呢個期間限定嘅升級牌磨菇漢堡（Peppered Bacon Mushroom Melt Burger），身為蘑菇控嘅A姐雙眼已經發晒光喇！Peppered Bacon Mushroom Melt Burger打開包裝紙，就會見到Triple O’s放面嘅酸瓜，真係好 iconic！麵包好軟熟，煙肉好香口，漢堡又夠晒 juicy！仲有大量蘑菇配埋特製醬汁，真係好match呀！Cheesy Bacon Fries煙肉芝士薯條夠粗又夠脆，薯條芯更加係好香綿，好滿足嘅感覺！加埋大量嘅芝士同煙肉，口感一流，記住要早啲食，如果唔係芝士凍到硬晒就後悔莫及。A姐一路話好邪惡，一路放晒落口，我突然間覺得佢成隻小魔怪咁！Roast Beef Deluxe Combo今日嘅另一個漢堡選擇，就係燒牛肉，同樣

快餐店除左Burger之外，最必食都一定要係薯條，今次全個餐有齊哂至愛既牛肉、磨菇同芝士，食完真係超滿足。《煙肉蘑菇漢堡》，個底真係有勁多蘑菇呀，面頭仲有烤脆左既煙肉塊，咬落真係勁脆牛肉都唔算乾身，包就比較軟身少少。最無得輸既一定係《煙肉芝士薯條》，勁多溶芝士放係面再加上勁愛既脆煙肉粒，好味程度真係無得輸。飲埋杯Chocolate Milkshake，朱古力味都幾濃，食哂真係勁飽。

這應該是漢堡包的基本標準吧!Triple O's 係金鐘都開左好耐，比起前一兩年係香港嘅burger 熱潮更加早開，水準一路都keep到，值得比本小姐讚吓比個like由我中學時期到我而家晌金鐘返工都一路保持咁好味！簡簡單單一份Cheese Burger加可樂再 upgrade 薯條做 Parmesan cheese fries。包有包味，牛有牛味，可樂夠凍，薯條好味M記真的不了

漢堡包源自德國，經港口漢堡漂至美國。食美國漢堡，要中價，就腳，我選此店。宜在上價店食牛肉漢堡，色香味才令我滿意。魚柳包方面，我認為此店已有一定水準。在金鐘，銅鑼灣，尖沙咀都有分店。簡單舒適。食品種類不多，慢工細貨。客不多，亦要等了14分鐘才上檯。香港本土漢堡包做得早，亦做得好，如利口福快餐，時新快餐，師傅仔。本土是以煎熬方法，麵包面脆而鬆軟，蕃茄紅潤甜美。主角魚柳比不上此店。此店魚柳的產地來源是新西蘭，新鮮度好。魚柳厚身。必有一片檸檬，為魚柳提鮮。大大片生菜為陪襯。因魚柳很大片，故性價比高。如加芝士貴10元，加醬炒蘑菇貴14元。

已經好耐冇黎Triple'O食burger仲記得之前成日幫襯沙田分店一直都好欣賞佢哋嘅魚柳漢堡事隔一排 終於有機會再黎食魚柳漢堡炸魚非常厚身 魚肉嫩滑好juicy魚柳新鮮炸起 炸漿脆卜卜配上滑魚肉另外仲有新鮮生菜減低油膩感包上仲配有¼檸檬比客人加檸檬汁落炸魚上 減少熱氣感覺同時亦可以提升魚鮮味佢地嘅milkshake都係高質之選🤘🏿雲呢拿奶昔奶味好重 口感好creamy🤤必飲！話說佢地仲新出左磨菇煙肉牛肉漢堡煙肉煎到脆卜卜脆上juicy磨菇牛肉不過我都係忠心於魚堡哈哈蘑菇汁芝士薯條蘑菇汁比較次kfc蘑菇飯上嘅蘑菇汁但我認為蘑菇汁加薯條唔太夾同時亦會令薯條變淋 個人比較鍾意脆身嘅薯條芝士份量唔係太多反而普通薯條更好食雖然價錢相比起其他快餐店 比較昂貴但我認為質素都係值得的而且係金鐘來講 已經係相對較平嘅一餐

好消息呀🌟Triple O's 7月1號會有新包同新薯條推出！新包係煙肉蘑菇芝士漢堡，同佢地其他包一樣，都幾足料，啱晒蘑菇控呀🤗另外，佢地嘅薯條都唔錯，比較厚身同有少少薯仔皮，新出呢款上面淋左煙肉芝士醬，香口過原味好多😋👅👉🏻P.s 佢地淨係推出兩個月咋，想試就要快手喇