Mee...lemongrass (ac四期) (已結業)

同老友香港仔逛街，行經南寧街ac四期1樓15號舖，疫情關係見餐廳前有數人等取外賣，下午茶的宣傳牌十分超值抵食頗吸引，入店前服務員幫我們量體溫，要用搓手液清潔雙手，餐廳做足安全措施，值得一讚。我們點左招牌無骨海南雞喇沙$62配奶茶， 去骨的海南雞肉質嫩滑，分量足大大件雞，配酸甜的紅白蘿蔔絲和炸脆花生🥜真美味。香葉蝦仁🍤米紙卷6件$68，香糯的米紙包蝦仁🍤蔬菜🥬檬粉，材料豐富，配酸酸甜甜的醬汁，十分開胃好味😋馬來蜜汁炭燒豬扒喇沙$62配檬茶，喇沙湯底味道香濃有椰香味，油麵和米粉索左湯汁，十分美味，厚切豬扒大大塊肉質鬆軟，炭燒帶些蜜糖的焦香，惹味極了，超正。

香港仔嚟間餐廳主打星馬泰菜，一次過可嚐三個國家的味道，對於貪食的我最適合不過。午餐有多款選擇，價錢非常實惠。主食+飲品。無骨海南雞喇沙雞肉全部起骨，方便食用。皮薄肉嫩，淺黃的油脂滲入雞肉，肉質更顯嫰滑甘香。喇沙湯底濃稠，味道恰到好處。豆卜完全吸盡精華，滋味。油麵加米粉的配搭令口感更有層次。飲品包括咖啡或茶。加了十元轉換了伯爵珍珠奶茶試吓。由於是伯爵茶，所以味道不會太濃厚，有淡淡的茶香。珍珠粒粒煙韌有嚼口。

疫情下，禁足好耐，真係食到唔知食乜好。所以落街買餸時，就搵間餐廳食個晏。見到呢間餐廳比較大，食客間可以保持距離，令人好安心，而且環境舒服。 Lunch來講佢都幾多選擇：我同屋企人叫咗個海南雞飯同檳城炒貴叼share。淨係個賣相已經好吸引，個油飯香得來唔會太油膩；而個雞亦都好嫩滑，不錯！至於炒貴叼，賣相亦都唔錯；配料亦都好豐富，有蝦、蛋、青口、雞肉等等。不過味道偏鹹，對於重口味嘅人來講，比較適合。我加$10叫咗杯伯爵珍珠奶茶，少甜。冇乜伯爵味，但珍珠煙銀，都過得去。

疫情未減，找大少食個晚餐，來試呢間半新店，地方大，疫情下，人少，坐得舒適。價錢算中等價錢，款色都幾啱口味，點了雞牛串燒，厚切豬喇沙，蝦醬炒飯，馬拉盞炒通菜。飲品好得意，要自己去買，冇得點，買一送一，計最貴嗰杯，遲下吾知有冇呢個優惠，大少自發去買請我飲，點了富士蘋果苿莉綠茶和黑糖珍珠奶茶。食品上枱，外觀分不錯，味道有水準，而且份量不少，性價比合格。豬扒香口有肉汁，喇沙湯夠濃郁。蝦醬炒飯粒吾夠乾身，但味道合格。馬拉盞野味，通菜爽脆。串燒配沙爹醬，好味停不了，還有些小伴碟，開胃。飲品綠茶涼透心，蘋果香脆多汁。奶茶夠茶香，但大少該買同價錢，冇蝕底心態下，感覺底些，一杯33元，一杯25元。結算321元，飲品另計33元，合共354元，人均177元，有點貴，但就食到堅飽，本來想叫拖鞋芒果糯米飯，都食不下了。

每次去香港仔食野, 都係我選擇之一會去既餐廳, 食物選擇多, 價錢適中, 最緊要係地方大,座位多, 坐得舒適😉今日同男朋友又再黎到食晚餐啦 秘製肉骨茶 ($86)湯底非常足料, 藥材味重, 感覺好補, ❄️冬天必飲😋🍖排骨好軟淋, 亦都好入味🌶馬拉盞炒通菜 ($68)只可以話份量大, 因為我覺得馬拉盞一定要辣先惹味嫁嘛, 呢到既馬拉盞炒通菜雖然味道夠, 不過唔太夠辣😖🐮緬甸咖哩牛腩 ($78) + 🍚白飯 ($14)今次係我第一次食緬甸咖哩, 椰汁味重, 甜甜地, 第一啖覺得怪怪的, 但食食下又OK喎, 我最欣賞係佢入邊既🥔薯仔, 軟硬適中, 沾上甜甜咖哩汁, 很好食啊MEE…喇沙 – 大蝦, 蜆肉, 蟹柳, 魚蛋, 豆卜, 雞蛋, 魷魚 ($84)喇沙是必點的, 我每次都一定加多DD辣, 令湯底更有層次, 湯底亦都好濃厚, 掛湯能力不錯, 每一條麵同配餸都掛上湯底, 正呀👍🏾😋

放新年假前最後一天和同事們去了香港仔那邊吃午飯。由於這間餐廳午市時間不能打電話Book枱，只能早去拎票等位。幸好在人流出現前已經到達，所以不用等位就可以入座囉！Lunch Set的選擇頗多，有選擇困難症的話會很頭痛吧？連飲品也是～加錢的話會有芝士奶蓋、鮮果茶之類！同事選的 - 海南雞飯 ($78) 很吸引呢！由前菜到湯，還有一碟菜～甜品，午餐來說還頗豐富嘛我的是 - 馬來蜜汁炭燒厚切豬扒配喇沙 ($78)可能因為客人太多～盤也不夠的關係? 除了幾個餐有盤外，其他都沒有盤 XD我這餐都有前菜，其實是日式螺肉！喇沙味道濃厚～有少許辣和淡淡的椰香！豆腐卜吸滿湯汁，十分惹味。我初以為只有麵 ... 沒想到吃了一半才發現原來還有米粉～份量還滿多喔不過件有骨的炭燒厚切豬扒就太油了 ... 我這個也有跟餐甜品～飲品則點了不用加錢的熱泰式奶茶。

嗰日同朋友打完牌就喺香港仔附近度食嘢,咁就嚟咗呢一間都開咗一排嘅東南亞菜.我就叫咗一個海鮮喇沙,入面嘅海鮮都幾多料嘅,但係個湯底嚟講就未到最一流啦,呢個價錢嚟講都算係咁啦.我朋友叫咗咖哩,咁佢話個架呢個咖哩都幾好味嘅,所以我哋都幾滿意呢一間餐廳嘅嘢食

同屋企人係附近唔知食咩好，見到早排開左呢間泰國野所以想試試。香葉蝦仁米紙卷 ($66)米紙卷餡料豐富，重有大大粒酸蝦，沾上酸汁作為前菜幾開胃！地道串燒(牛&雞) ($68)串燒燒到有焦香，沾上秘製醬汁味道更鮮濃，咬落都好有肉汁，牛肉比雞更有咬口！秘製特色牛骨湯河 ($62)牛骨湯底好清甜，重有好多牛丸牛肉同牛柏葉，成碗湯都充滿牛肉味，下次嚟都會再試。清炒雜菜 ($58)泰式炒雜菜清得嚟又唔會太淡，健康之選。鮮果四季春茶 ($34)茶底清香，重有唔同水果粒好清新。

今日就想食喇沙, 又想食海南雞飯, 兩樣嘢夾埋一齊, 就會覺得好飽, 不如就食一個海南雞喇沙喇, 呢個海南雞, 非常之嫰滑, 再加埋個雞皮非常的q彈, 浸落去喇沙嘅湯底一齊食, 非常的滋味另外個喇沙湯底非常之香, 浸淫著滿滿嘅椰汁嘅香味, 而米飯非常之掛湯, 食到雪雪聲, 十分之棧另外再叫咗個鮮橙香茶,大大杯只不過係三十蚊左右, 先鮮橙嘅甜, 再配埋茶嘅香, 相得益彰最后就食個甜品, 西米椰汁糕, 有四嚿, 做得非常的均勻, 椰汁嘅香味籠罩著口腔, aftertaste非常之強, 再加埋西米嘅粒粒, 口感非常豐富

接完男朋友收工就諗住隨便揀間餐廳食飯~男朋友一見到呢間餐廳就話要食海南雞, 因為張meau寫住"馬來喇沙. 海南雞專門店"(我表示無奈...)既然係"喇沙.海南雞"專門店, 所以我們叫左: 招牌無骨海南雞, 馬來蜜汁炭燒厚切豬扒配喇沙, 蒜蓉炒通菜~招牌無骨海南雞: 原來諗住佢只係一碗飯+一碟雞, 點知佢上枱的時候, 另外仲有碟湯同菜! 咁早知就唔駛嗌碟通菜....雞好滑, 連雞皮都唔係好多"肥", 唔算好多件雞~ 馬來蜜汁炭燒厚切豬扒配喇沙: 炭燒,厚切豬扒的質感有少少似叉燒, 但無叉燒咁乾!!喇沙有一隻特別的醬, 聽講係舖頭特別調的參巴辣醬, 聽到個辣字, 我已經叫男朋友"筆"開佢, 但個湯底都有D辣; \喇沙裡面有兩隻面: 幼面同蛋面~食落都幾得意, 不過對我黎講真係有D辣... 蒜蓉炒通菜: 原本因為見到成餐飯都無菜先叫個通菜, 點知原來海南雞有跟菜...蒜蓉炒真係好香~好彩無叫馬拉盞!!成餐飯我覺得最好食係個菜!我自己一個食左半碟!!最後真係覺得好辣就叫左椰汁芒果糯米飯~個形狀好搞笑, 好似壽司咁~椰汁另外一兜仔; 食到最尾先發現個碟係拖鞋形, 笑左我好耐!!

今日同阿媽去香港仔食飯去咗食呢間東南亞菜首先我哋叫咗個炒貴叼個炒貴叼非常之好食唔會太油膩而且調味好足夠好好食之後我哋就叫咗個類似火車頭嘅湯河入面超級足料 有牛丸牛腩牛筋同埋牛柏葉食完其實都已經好飽不過我哋仲叫咗個軟殼蟹米紙卷 入面有好多菜又有芒果牛油果而且軟殼蟹亦都好大隻 但係唔會好油膩超級好食去到最後我哋仲叫咗個芒果糯米飯有好多芒果而且佢嘅造型好得意真係啱晒大人同小朋友一齊食啊糯米飯亦都煮得啱啱好 好好食

成日覺得香港仔無嘢好食，一係連鎖，選擇又少;一個字講曬悶點知嗰日食完呢間，又出現❤❤眼起碼多左個另類選擇，有套餐，加珍奶類飲品，一次過滿足幾個願望。食得喇沙，襯埋椰汁飲品，真係無得輸，仲要套餐價~絕對係經濟之選p.s杯珍奶係大杯裝嘅

友聚飯局，又要頭痛食咩好之際，突然諗起好耐冇食星馬泰菜 ～ 好！立即行動！店舖藏身於商場內，位置方便就腳。座位舒適👍菜單款式多樣化，應有盡有。但係對於有選擇困難症嘅我，係一大挑戰！泰式奶茶 ～ 茶味香濃，特意要求少甜少冰🧊，對我嚟講啱啱好😁招牌無骨海南雞飯 ～ 雞件啖啖肉，皮爽肉嫩，配菜酸蘿蔔絲、脆脆花生粒都比我一掃光，雞湯內含甘筍粒，夠晒甜。雞油飯香而不漏，不知不覺中輕易清碟⋯豬扒經過處理夠晒入味，厚切夠質感！無骨酸辣鳳爪沙律 ～一上枱見到咁大盤仲以為多為配菜，但係竟然八成都係鳳爪，好誇張。隻隻腳指都好好食，唔會過辣，味道啱啱好🤤香芒椰汁糯米飯 ～ 賣相精緻，芒果香甜，跟椰汁糯米飯簡直絕配，幾飽都要食！

因工事路經香港仔，一嘗 mee…lemongrass 。之前於其他分店吃過招牌海南雞飯，今次試一試炭燒厚切豬扒配喇沙，更覺出色！LUNCH SET 已經包前菜、主菜、甜品同埋飲品。小店是這區上班族的 LUNCH 抵食之選，每樣都大大份不馬虎，亦見大部份光顧的都是附近公司的熟客。厚切豬扒以馬來蜜汁炭燒，肉質鮮嫩唔硬，加上炭燒完全不會油膩，配以正宗喇沙混合油麵和米線做麵底，加上蝦味和椰汁味很重的濃湯，口感豐富。同事則點了印尼蝦醬炒飯，比普通蝦醬，印尼蝦醬會更香濃及鮮味，再加上幾隻大蝦，同事邊吃邊讚。小店很細心，LUNCH SET 配以一個清甜的紅蘿蔔蕃茄湯，剛好中和了炒飯的膩。跟餐只要加 10 蚊，就可以 UPGRADE 台式飲品，我們點了伯爵珍珠奶茶及十勝紅豆珍珠奶茶，同樣是大大杯，味道也不過不失。

今日中午同同事午餐一行6人，order後話無豬扒，我同事即時改海南雞飯同喇沙,12:54落單，等咗半個鐘先上3個午餐，而且我叫既咖哩牛腩就凍既，湯都係凍既，半個鐘先上3杯飲品，不停追單都無結果，最後要到13:49先上埋最後果個餐。無花無假，侍應無視追單，亦無基本服務態度。 我們平均一個月黎一次，因為同事喜歡喇沙。食品質數一般，食物一般都唔夠熱，有一次我order肉骨茶，都係唔熱既。經過今次，我不會再對這餐廳抱有期望