L.D.K. by Ufufu Café (新都會廣場)

營業中

休息中

L.D.K. by Ufufu Café地址:葵芳興芳路223號新都會廣場3樓345A號舖心血來潮同朋友即興食晚餐， @ldkufufu 無論係裝修至到菜品都好精緻。蒲燒鰻魚醬油蛋包飯 🐣 $158蛋包飯份量都被想像中多，啲蛋炒得好滑好香；鰻魚就比想像中細條，但咬落去都仲會有少少魚油，再配上濃郁嘅燒汁，真係幾好食，值得一試！九州風炸雞翼 🐔 $48外皮炸得都幾脆口，唔太油膩，再配上燒汁，幾好食，不錯。

02.12.2021 星期四L.D.K. by Ufufu Café (新都會廣場)今晚到葵芳葵青劇場欣賞話劇，當然首先要找個地方食好西。見Open Rice有介紹L.D.K.這間日式cafe，尤其是甜品。打電話問只有walk-in ，繁忙時段都多人排隊，今晚六時到達還有位，七時走就已經有人在等位，另外發現一月一日開始Open Rice有訂枱。餐廳裝修清雅簡單，座位舒適。餐牌包括前菜、沙律、意粉、烏冬、蛋包飯、日式咖喱、和風丼、漢堡，甚至連兒童餐都有，選擇豐富，一定有一款啱食。之前沒有仔細看，原來可以加錢轉套餐，有飯、沙律或焗酥皮粟米湯，下次要試試。牛肉壽喜燒烏冬：牛肉好滑，份量足夠，湯底濃郁好味焦糖布丁芭菲面層有一層薄薄的焦糖，內層有層次，慢慢享受。這間餐廳最吸引應該是甜品，好多款芭菲，又有幾款法式吐司。原本在吐司和芭菲之間無法選擇，問職員當然說兩款都好吃，但她說吐司比較大，芭菲是一人份量。下次再來一個，要試其他款式，太吸引了。如果喜歡抹茶應該很開心，因為可以試試幾款抹茶芭菲或蛋糕。我想會再來，因為想試沙律、蛋包飯加甜品。大家經過葵芳，除了葵芳廣場的小食店，可以試試這間日式餐廳。

L.D.K. by Ufufu Café 葵芳日式餐廳香蕉朱古力多士外脆內軟🧁食物質素：😍😍😍😍📸打卡指數：😍😍😍😍🧹衛生指數：😍😍😍😍💁🏻‍♂️店員表現：😍😍😍💵性價之比：😍😍😍地址:葵芳興芳路223號新都會廣場3樓345A號舖地下🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹葵芳呢間餐廳其實好多地方都有分店，今次午餐求其入，無期望反而有驚喜🤣地方大坐得都舒服，佢既下午茶套餐真係勁抵！大家喺唔同地方見到可以入去試吓😙🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹🔹1.牛肉壽喜燒烏冬 $98 Rating: 8/10。佢啲烏冬真係好滑好滑好滑。個壽喜燒湯底好食。唔會太鹹又唔會無味 剛好。肥牛唔會過老唔鞋。配料仲有我最鍾意食嘅金菇🥰。Menu入邊都算幾受歡迎2.九州風海鮮蕃茄意粉 $138 Rating: 7/10。麵係天使麵比較幼身。意粉軟硬度適中。海鮮份量都唔算少。意粉入味。滿足😋3.香蕉朱古力曲奇法式多士 $88 9/10。超級勁有驚喜。食嗰陣仲係暖笠笠。外脆內軟。證明真係即叫即整🤣。配埋個雪糕一凍一熱咁食。正啊喂🤪4.福岡八女抹茶紅豆拿鐵 $52 7/10。抹茶味香。可以自己調校甜度。紅豆蓉同抹茶真

一直都冇寫開寫評，但食左呢間劣食和收銀職員回答太精彩，不得不開account分享，相就冇影，因為冇打卡習慣。夜晚食蜆肉意粉，碟野冇煙，係暖既，唔緊要，個意炒食落係漿糊咁、好痴牙，從未食過咁惡劣既意粉，基本上用熱水煮熟咁，同個湯和蜆肉冇關係，湯係味精，蒜蓉都冇粒冇炒過。尊重食物，我都會食完，我唔提出換過碟，都明白晚飯時間冇用，我怕加料。基本上職員只係落單先出現，埋單時，叫我地自己出埋單，我反應意粉有問題，從未試過咁差既口感，收銀職員回覆：可能我地唔岩你口味。what ? 我地表示：我地係善意反映意見，碟野的確係劣食，意粉都有標準。完唔會再去，都唔知點解要收服務費。

下午茶親子雞肉滑蛋丼，雞粒少到冇人有，仲要唔多新鮮，但就多飯多蛋，全程等於食緊蛋撈飯，劏房戶都未致於食到咁可憐卦，加埋杯凍飲，比左$69，呢一餐真係難望！Btw，咁既餐都夠膽拎出黎賣！

上網睇咗好多次都想試下, 星期六有時候終於第一次嚟呢間餐廳食晚餐。星期六都預咗要等下位, 好彩我地等唔算好耐, 約20分鐘左右。坐低後, 枱面有兩本餐牌, 一本係甜品, 另一本係主餐。打開甜品餐牌已經比佢吸引住, 樣樣都想試。我叫左一份朱古力香蕉曲奇法式吐司, 兩個仔叫左一個日式咖哩吉列豬扒飯, 日式咖哩吉列豬扒蛋包飯, 老公叫咗日式肉汁燴牛肉粒飯, 再加錢要沙律同焗酥皮粟米湯。呢個吐司好食, 我一個人食哂一份吐司外脆內軟, 好正。老公同兩個仔不約而同話銀咖哩好食啲沙律同酥皮湯都OK!總括嚟講, 不過不失, 甜品係正, 價錢都合理。飯類就普通啲, 但都可以的!

🇯🇵🍝和風鵝肝梅子意粉$138和風系列的意粉汁實在配搭得好味，意粉軟硬適中，喜歡意粉煮完仲有啲汁，雖然得一片鵝肝，但意粉中還有雜菇，都不算齋。🇯🇵🍝九州風海鮮蕃茄意粉$138蕃茄系列的醬汁都好味，有蜆肉、蝦、青口等，味道唔錯。這間餐廳都食過幾次都keep到水準，主菜和甜品選擇又多，每次來都有選擇困難症😆，這次試新都會這間分店都算大，但係都要排隊，尤其是繁忙時間，下次會再來試其他款式。

疫情之下已經好耐冇去日本，掛住去日本嘅Cafe食嘢，見到呢間嘅甜品都係芭菲為主有日本西式餐廳既感覺～咖喱吉列豬扒蛋包飯 🌟🌟🌟🌟份量好足，大大份吉列豬扒，吉列豬扒炸到好脆，日式咖喱味唔會好濃或者好淡，岩岩好，配上滑蛋包住西炒飯，味道好唔錯～女仔一個人就食唔哂，豬扒分量真係好多，share就會岩岩好牛肉壽喜燒烏冬 🌟🌟🌟🌟鐵鍋上嘅烏冬，熱辣辣，烏冬非常彈牙，牛肉份量都好足夠，壽喜燒味道濃，但食到最後就會好咸Tiramisu栗子🌰芭菲 🌟🌟🌟🌟🌟非常吸睛既栗子🌰芭菲我入去時已經見到第二枱叫咗，滿滿既粟子，已經諗好就算幾飽都要叫，黎到個下真係好興奮栗子蓉包住cream、雲呢拿籽雪糕同埋朱古力雪糕～雲呢拿味好香濃，朱古力雪糕係偏苦既朱古力製成，底下係比較生既香蕉粒，2人分享絕對夠食同滿足，唔會太甜唯獨個Tiramisu就比較遜色，無咩味，食左兩啖放棄左

假日好多人排隊🚶🏻‍♀️🚶🚶🏻‍♂️好彩佢送餐超快▫️海老野菌忌廉汁意粉🦐 $132忌廉唔漏 味道比較淡咗少少 蝦都大隻而且彈牙〰️可惜 我係超級中意野菌 佢野菌分量對我黎講有啲少🥲同埋唔好掛住傾計 啲忌廉汁好易會乾架 好好享受美食❣️▫️鰻魚醬油蛋包飯🍳 $158唔食饅魚既我〰️正係食咗蛋包飯🤣覺得不錯 蛋好滑 入面有啲麵酥 食落脆脆地 甜甜地 有層次感好多🤓！▫️脆炸烏賊🦑 $56點配既沙律醬好濃味 我幾中意😗魷魚同炸粉係完全分離 超級難夾🤣🤣味道方面都無乜特別 唔洗特別點▫️焗酥皮粟米湯🌽 $30黎呢間食 最主要因為想飲酥皮湯 酥皮賣相幾好 但係完全唔酥皮 唔脆而且好粉 粟米湯🌽都係罐頭湯 同預期有啲出入

Today ordered their Deep-fried Chicken with Cream Cheese Curry Udon and Baked Cheese Cod Roe Rice Cake.This cheesy rice cake was amazing. It was chewy and the creamy cheese was a lovely match with this appetizer but I would rather call it a small main course as it was quite fulfilling. I would have given it 5 stars but the dish was a bit salty due to the cod roe. I think they can omit the salt for the cheese sauce so the cod roe can also be the seasoning for the dish.The fried chicken was crispy

ufufu cafe 最特色我覺得是甜品。。試過好多次，通常都係去沙田/葵芳分店食。。而佢地ge食物和甜品都好出色～所以價錢不便宜，但值得去食的卡邦尼煙肉意粉。。汁的濃度同味道都調教得恰到好處🤩👍🏻👍🏻.另外。。佢呢個炸雞好好味～～第一次揀呢個😁😁👍🏻👍🏻估唔到有驚喜！！ 推介推介～.款式好多。。。最後揀了這款紅莓味雪芭～.另一驚喜就是這個多士。。呢個真係好好味！！ 外脆內軟整到😋👍🏻一開始望落感覺好似好硬，食落好驚喜。。外脆內軟，而且味道配搭得好好！！😍👍🏻推介去試😁

今日同嗰朋友farewell😛 嚟咗呢間LDK食，叫咗3嗰前菜，3嗰主菜同4杯飲品share食✌🏻 前菜⁃脆炸大蝦🍤伴蛋黃醬 $78 - 賣相好靚，但食落真係好普通，完全唔值呢嗰價🥲⁃溏心蛋煙肉薯仔沙律🥗 $82 - 中意食沙律嘅我覺得好食😋 佢送到嚟會傻一樽仔橄欖油你自己落⁃芝士明太子烤年糕 $58 - 呢個我覺得好好食👍🏻👍🏻👍🏻 中意食年糕嘅朋友一定要食，不過2-4個人食啱啱好，唔好嘗試一嗰人食哂😂 同埋記得撈好啲醬，先突出到明太子溝埋嘅味！ 咪就變咗一舊無味嘅年糕架了😂主菜⁃自家製煙三文魚蕃茄意粉 $108 ⁃蒲燒鰻魚撈烏冬配溫泉蛋 $128 ⁃厚切煙肉卡邦尼意粉 $98呢3嗰意粉食落都好普通，但賣相真係一流，性價比相對低飲品我自己就叫咗山梨縣朱古力奶 $48，明明已經叫咗少冰，但都冇乜朱古力味🥲 佢啲甜品賣相真係幾好，但係今次冇食到😮‍💨 睇吓下次有冇機會嚟再食先😛

開左好耐一直都想試，但見成日都排長龍就卻步，難得見到可以排第一就排黎食，等左10分鐘就有位。整體覺得鹹食係正常，甜品係會令你回頭。小食類有雞扒，我地都覺得幾好食，雞扒仲滑，好快就食晒😂芝士明太子焗年糕， 年糕好煙韌， 不過就最好keep住食左先，如果唔係啲芝士同年糕都會冇咁軟身。唔記得咗呢個叫咩名，現在係生薑豚肉撈烏冬咁上下🤣 啲豚肉好入味黎到重頭戲🤪 焦糖布丁芭菲，一食落去果下真係有被嚇親，可能係香港食得太多港式布丁味，佢呢個焦糖布丁口感超滑，滑得黎又有好濃嘅焦糖味，配埋下面啲雪糕食係會有滿足感

有人推介，佢嘅烏冬真喺唔錯 。。。芝士咖哩炸雞烏冬 $98 佢嘅芝士咖哩濃度就知道足料，味道都好啱我口味 ，可能我都喺影得快，所以啲炸雞都無咩淋到，食落少少嘅炸香，加上嫰嫰地嘅雞肉。食埋彈牙嘅烏東，呢款嘢真喺唔錯 ，但價錢就貴咗啲。草莓 奇異果蘇打 $48 極多水果 ，但可能加咗啲蘇打落去 ，分唔到新唔新鮮啦，但飲落都唔錯。蕉糖布丁芭菲 $68整得都幾靚，好岩打卡，但性價比就差啲。普通左啲。我覺得最好味，可以叫嘅都喺烏東HAHA另加服務費

今次推介一間我好中意既甜品餐廳💓今次試咗佢哋其中一間分店（葵芳店）餐廳嘅菜式包括日式同西式🌟甜品嘅選擇都好多👅食物嘅擺盤幾靚 適合打卡🤗⭐ 香蕉曲奇法式吐司 ＄88非常有驚喜嘅法式吐司 一試難忘 👍第一次試士多啤梨味甜甜酸酸嘅感覺 好開胃 😍今次我哋試朱古力味🍫整體嚟講比較甜 有好濃厚嘅朱古力味吐司口感非常有驚喜🤩外面香脆可口麵包鬆軟 有甜甜既蜜糖味吐司中間好creamy 有梳乎厘嘅質感暖暖既吐司配埋雪糕食 有冰火交融嘅感覺🤣👍非常值得一試💓目前係我食過最好味嘅吐司！😍推薦指數：⭐⭐⭐⭐⭐⭐ 吉豚佐咖哩蛋包飯 ＄148蛋嘅口感好好夠creamy👍不過唔係好食得出有牛油味飯唔係普通白飯 係炒飯底 食落去有酸酸甜甜嘅感覺 好開胃👅吉列豚肉嘅肉質不過不失可以一讚係外面炸得好香脆亦都唔會有油益味推薦指數：⭐⭐⭐⭐⭐ 牛肉壽喜燒烏冬 ＄102我哋一入到餐廳就見好多枱客人都係嗌呢個食物🤣壽喜燒汁偏甜 味道濃沃重口味嘅朋友一定鍾意❤牛肉肉味濃郁 大約有六至七塊烏冬口感好好👅唯一美中不足係配菜比較少 得大蔥和少量金菇🙈 性價比唔高推薦指數：⭐⭐⭐⭐價格：⭐⭐⭐環境：⭐⭐⭐⭐味道：⭐⭐⭐⭐衛生：⭐⭐⭐