龍泉私房菜 (已搬遷) 新店位置

HKD 228套餐花雕蛋白蒸海紅蟹 – 唯一水準之作, 未放上台面已經聞到酒味濃郁, 蟹新鮮, 蛋白好滑, 食唔停口, 送白飯一流原隻鮑魚扣山珍海味 – 真係好唔掂, 第一. 賣相唔OK , 成碟都係汁, 仲係黑炆炆色架,第二. 一入口已經咸到要吐返出黎, 第三 D鮑魚入面係完全無味既, 好難食鮮蟹肉扒生翅 – 我諗果D唔可以叫做翅, 似鯊魚骨多D, 質地硬同有骨…招牌三色蝦 – 上台就見到黃金蝦既外皮已經淋哂, 偏黑, 唔夠水準, 而炸蝦丸同豉油皇炒蝦只是普普通通天下第一雞 – 雞肉嫩滑, 都ok, 係細隻左D金銀蒜粉絲蒸元貝 – 普普通通清蒸老虎斑 – 都幾好食~ 係蒸得耐左少少瑤柱扒西蘭花 – 茨汁懷疑用返鮑魚尾送個做法, 又結又咸………..d西蘭花又唔用油”霎” 又煮得過熟 飄香炒飯 – 叫做粒粒分明啦, 不過個人覺得炒得太乾對於一間餐廳黎講, 食物水準同口啤係好重要既,如果以上兩方面都做得好既話, 根本唔怕比人所謂網上抹黑，惡意批評啦老闆您煮野比客人食都係想佢地食得開心, 享受您既食物, 有意見反映比您知, 係好事, 應該欣然接受, 咁生意先會長做長有…

上次大班同事嚟過一次，覺得料足又幾好味，尋晚約舊同學慶生，推介呢度，再食一次，仍然order每人$228嘅鮑參翅肚招牌菜式，保持水準呀~尤其果碟「花雕蛋白蒸海紅蟹」，有少少花雕味嘅蛋白幼滑清香，蟹肉「實淨」有鮮味，食得出好新鮮，其他好似「鮮蟹肉扒生翅」呀、「招牌三色蝦」呀咁，都好足料大家都食得好滿意，猛話下次再嚟~原本無習慣寫「食後感」，但飯後大廚何先生入嚟問我哋意見，佢講講吓，忍唔住同我哋訴苦，話近排有人喺網上抹黑，惡意批評，佢話私房菜講口碑，呢啲不盡不實的食評，對佢哋影響好大，有食客睇完取消booking，話希望我哋食完之後，可以如實報道，還佢一個公道咁話。所以，小妹只好處女下海，寫一次食評，算對得住「做好呢份工」嘅何大廚~鮮蟹肉扒生翅.：翅一梳梳，好足料，每人可分到兩碗。蟹肉夾著魚翅，鮮甜，好好味。不過，依家好多朋友都響應「唔食魚翅」運動，唔要呢味，應該可以同何先生商量，改其他都無所謂，私房菜嘛~花雕蛋白蒸海紅蟹：非常出色。有少少花雕味嘅蛋白幼滑清香，蟹肉「實淨」有鮮味，食得出好新鮮，我個人認為是是日最佳，好好味。原隻鮑魚扣山珍海味：原隻鮑魚好大隻，我啲朋友見到哇哇聲，不過我就嫌

其實嚟龍泉食私房菜已經唔係第一次了. 以前係13字樓B4室, 今次去佐新開既15字樓B1室食佐$228 套餐. 鮮蟹肉扒生翅. 一如已往, 翅一梳梳, 好足料.比起酒樓嗰d 大舊好多. 我個人唔明其他食客話呢道餸唔好.我每次食翅都會諗起龍泉, 同龍泉比較一番. 因為我暫時未見過邊間酒樓d翅可以比佢多料. 值得一讚!花雕蛋白蒸海紅蟹- 未上枱, 已經聞到花雕既香味, 食落冇酒既苦結味. 正正正!原隻鮑魚扣山珍海味- 哇, 呢道餸真係好重本. 有花膠, 海參+鮑魚, 鮑魚仲幾大隻, 試諗下而家d婚晏5-6千蚊一枱, 都未必有一隻鮑魚仔俾你食.味道我個人就覺得ok. 清蒸老虎斑- 時間啱啱好. 條魚又鮮又滑. 天下第一鷄 - 可能平時食得太多, 所以感覺一般. 招牌三色蝦 - 好正, 有黃金蝦, 美極蝦, +芝士蝦丸 蝦肉好新鮮,爽口, 每款都係我的最愛. 金銀粉絲蒸元貝- 和一般酒樓水準一樣. 都ok瑤柱扒西蘭花 - 冇咩特別. 都ok飄香炒飯 - 本身我唔中意食飯都食佐一碗, 因為真係炒得好乾身, 好香, 又唔油. 我最怕油~ 呢個我俾满分!

簡單d講, 個老細兼大廚真係要再鑽研下d廚藝~講真, 叫得私房菜, 口碑好重要!!!! 野食唔掂, 真係搵鬼識你間野~ 奉勸大家一句, 千祈唔好”立”亂踩上私房菜…….10人, 朋友生日飯228套餐鮮蟹肉扒生翅 – 湯幾好飲, 應該足料!!!! 不過d翅真係好唔掂, 從來未食過咁多骨又腥既翅, 好話唔好聽, 粉絲都好食過佢~招牌三色蝦 – 炸蝦丸都ok幾彈牙, 豉油皇炒蝦夠惹味而黃金蝦本身味道亦唔錯, 但係蝦肉不夠新鮮, 肉質又霉又唔爽口…….煮得好都無用~天下第一雞 – 雞肉嫩滑, 味道適中!!!算是不錯~金銀蒜粉絲蒸元貝 – 扇貝蒸得過熟, 韌左d…..加上d粉絲又碎濕濕, 唔好食~清蒸老虎斑 – 蒸得剛剛好, 好食~ 如果再用滾油淋面會更加好~原隻鮑魚扣山珍海味 – 呢個真係食到火滾, 又咸又唔match~其實d鮑魚又唔係乾鮑, 唔駛扣佢啦, 成個茨汁唔知做乜, 結過白膠漿~瑤柱扒西蘭花 – 茨汁懷疑用返鮑魚尾送個做法, 又結又咸………..d西蘭花又唔用油”霎” 又煮得過熟, 淋成咁岩阿伯食多d~飄香炒飯 – 飯炒得粒粒分明, 幾好, 但太乾身, 好似唔夠油炒~ 個人覺得ok合格

7月9日（星期五）晚，因為要開始準備下個月的考試，所以這個月打算盡量減少出席食友們的飯局，最初也曾推掉這個飯局。然而人算不如天算，是日我在銅鑼灣溫完書等待女友放工期間，卻突然收到食友的來電，說仍有空位而問我可有空前來，我說已約了女友吃晚飯，食友便叫我和女友一起來。結果，我和女友始終都出席了是晚飯局。地方是很隱蔽，就算得到食友的教路，始終都撘錯了電梯，最後要勞煩食友來接我們。約二十人分兩位坐也祇是剛好坐得下，畢竟是住宅地方有限，還要客廳有三檯，房內有一檯客。鮮蟹肉扒生翅：喝得出紅燒湯芡是用足老雞、金華火腿等材料熬出來的，奈何豆粉下得頗多，而且翅是翅裙尾碎，就算是私房菜也得將貨就價；花雕蛋白蒸海紅蟹：未上檯已聞到花雕的酒香，蟹肉幼滑鮮味；招牌三色蝦：美極蝦既入味又惹味，黃金蝦的咸蛋黃漿緊緊的黏附在蝦殼上，極俱鹹香，同檯食友都紛紛如此美味的黃金蝦是如何烹調，相反炸蝦丸甚為普通；金銀蒜粉絲蒸元貝：一般酒樓食肆都可吃到的菜式，並無特別；天下第一雞：雖雞肉甚嫩滑，味道偏鹹，亦無雞味，何以名為「天下第一雞」？原隻鮑魚扣山珍海味：芡汁色深味濃，卻未能襯托出鮑魚,海參,花膠及冬菇等材料的味道，亦令我差點

一如其他食友所言,地點是真的難找,又有前後電梯,又有部份不能直達頂樓,建議打個電話,再確認後先入電梯.說得私房菜,總是隱身在住宅大廈之內,又因為地方要夠大,或是減輕成本,往往是選擇些樓齡較長的樓宇.雖然門前當眼處是掛了”龍泉”大大個招牌,但有不少食友是花了點時間才找得到,而且是日除在大廳的三四檯之外,兩間房間亦有客人,想來口碑也不錯吧!翻開檯上的菜單,訂價在私房菜而言是一點也不貴,大概由$128到 $310不等,豐儉由人,當天由食友新手發辦,選了”鮑參翅肚海鮮餐”,一人$228.鮮蟹肉扒生翅 : 見先前幾位食友都說大大啖翅,原先都有少許期望,但近日可能成本上漲又或是環保意識增加了,翅當然是有,但絕非想像那麼多,而且豆粉茨比較杰,,又是一句,將貨就價.花雕蛋白蒸海紅蟹 :一檯八至九人,所以有四隻女孩子手掌大小的花蟹,吃來有點膏,不錯,而且未上檯前已聞到陣陣花雕的香味,亦可能花蟹水份比較多,所以將蛋白都蓋過了,由於蛋白將蟹瓜及蟹拑都緊緊包裹住,看得出是一齊蒸,感覺有誠意得多,吃一口蛋白,酒味足,但略為過火.原隻鮑魚扣山珍海味 : 選料足夠,既有原隻鮑魚,海參,花膠及冬菇等等,漿汁又調教得夠

公司請食飯，有同事介紹這間私房菜所以來試一試。初時沒有期望，因為看菜單每位只是HK$228，竟然有鮑魚又有翅，心想應該都會是將貨就價；加上這家私房菜所處的大廈很舊（有點重慶大廈feel），找電梯也找了很久，所以更加未吃先扣分。到了私房菜所在單位，真的很住家感覺，地方不太大，我們被安排坐廳，總共放了2張10人桌和2張4人桌，還有兩個房，據老板娘後來告訴我們，房間分別最多可坐12人和14人。當晚加上我們共有3枱人，應該大家都是吃同一個餐。坐下不到10分鐘已上菜，順序為：鮮蟹肉扒生翅－翅真是一梳梳，我們6個人，每人可以分到2碗，味道更是適中；天下第一雞－雞肉又滑又林，味道真的不錯；花雕蛋白蒸海紅蟹－這味菜用上3隻紅蟹來蒸，一上桌已聞到陣陣花雕香氣，蛋白吸收了蟹的精華，比蟹本身還要好吃；招牌三色蝦－分別為鹹蛋黃炸海蝦，豉油皇蝦和炸蝦丸。蝦肉很彈牙，炸蝦丸有乒乓球般大粒；原隻鮑魚扣山珍海味－這道菜是全晚highlight，鮑魚竟然用上乾鮑，雖然不是很大隻，但炆得很林很入味，還加上大量的花膠和海參來扣，簡直落重本。只是個人意見覺得這個菜略為鹹了一些；清蒸老虎斑－吃到這裡我已經飽得不得了，所以只吃了

有朋友試過讚好，剛好有生日聚會，就選在這裡慶祝。坐定定後，送支紅酒&汽水俾我哋嘆下先。1) 先來鈎翅--- 足料，啖啖翅。 2) 花雕蛋白蒸蟹--- 未到枱已酒香撲鼻，好味呀! 3) 三色蝦--- 黃金蝦、豉油皇蝦&蝦丸，前兩款屬水準之作，蝦丸口感不夠彈牙，可能因為有 包心芝士吧。 4) 山珍海味--- 呢個真係超好食，有原隻鮑魚、海參、花膠加埋大大隻嘅冬菇一齊炆，真係越食越好味，超正! 5) 鷄--- 滑滑的肉，略嫌生左少少。6) 魚--- 新鮮美味，但係就細條左D啦! 我哋十個人喎。7) 蒸元貝--- 一人一隻，亦屬水準之作。8) 瑤柱西蘭花--- 用瑤柱包住西蘭花，就好似大花球咁上枱，好睇又好食。9) 炒飯--- 用芫茜同义燒粒炒飯，乾身夠爽口。最後送埋生果，好滿足咁食左一餐私房菜。

小弟上網搵到此私房菜，已在個多星期前向何生book了房間(之後再打多次confirm有房)但到了預訂日期前3天，先收到何生致電說原來看錯了編排，小弟訂的一天原來已沒位了我不知是否因為是新客還是訂的不是貴價的菜單如果無位的話，應該早d通知而唔應該3日前才通知如果大家訂此私房菜請記緊book位時再三強調日期有沒有位，以免到時掃興和臨急臨忙再搵地方

其實我地已經幫襯過2,3次..個位哥哥既服務態度真係好好...好有禮貌..食飯最緊要d野好食之外就係服務態度...如果唔係幾好食都冇胃口la.."佢個度地方唔算大...有一間房..外面有2張大檯..我地通常坐房..鮮蟹肉扒生翅 - 呢個真係好抵食..真係食到好大舊翅..起碼唔似出面係酒樓個d得幾條翅招牌三色蝦 - 個蝦丸係最好食..但一定要趁熱食...d芝士流哂出黎..." 正原隻鲍魚扣山珍海味 - 呢個味道都幾好..唔會好咸..而且炆得好"林"(裡面有花膠,海參,鮮鮑魚,東茹)大概係咁多樣野...我最鍾意係d花膠..養顏ma"天下第一雞 - 呢個雞都ok la..不過由於我地對d白切雞都冇太大興趣..所以就麻麻地"但佢d肉質都算ok..我最怕食白切雞係因為出面酒樓d雞一定係好"鞋"...呢個都已經好好多"!清蒸老虎斑 - 條魚都蒸得幾好..不過我都比較鍾意食細魚..因為大條既魚始終肉質比較老花雕蛋白蒸海紅蟹 - d 蛋香好滑..仲有我最鍾意食蟹.d 蟹好新鮮...好有鮮味!金銀蒜粉絲蒸元貝= 呢個都好新鮮..好好味.."飄香炒飯 - 炒飯炒得好靚..唔會痴埋一舊舊..我d fd都

同幾個朋友一齊試過d 餸. 第一道餸係 "金山扒翅", 大大舊翅, 夠晒份量. 最中意就係所有餸菜不含味精制作, 啱晒我地而家追求健康飲食. 最正, 最有特色嗰幾味餸就係招牌三色蝦及 花雕蛋白蒸蟹 . 三閊蝦有黃金蝦, 鼓油蝦及芝士蝦丸, 朋友最中意芝士蝦丸, 未摆上枱, 佢地話已經聞到好香既芝士味.食落又唔覺"漏", 芝士份量控制得啱啱好. 另外花雕蛋白蒸蟹, 有好香既花雕味. 但卻沒有苦澀的酒味. 令唔飲酒既朋友, 讚不絶口!而原汁鮑魚扣山珍海味卻份量十足, (有鮑魚, 花膠, 及海參, 而鮑魚的份量是每位客人都有一個), 清蒸海班: 是用貴價的老虎班, (圖中的班是三人份量而已, 十人份量的會大幾倍) 金銀蒜蒸聖子皇: 好食但又不肥膩.而天下第一雞 則非常滑. 但略嫌不夠鮮甜. 可能是老板和我們認識, 給我們三個人一隻鷄的份量太大, 令我們覺得有得 略遜一籌.總得來說 是非常不錯的. 因為$216 就可以吃到那麼多貴價的餸菜, 而且有紅酒, 汽水,啤酒及生果送. 最適合一班朋友聚會, 及一些小的飲晏.