龍寶酒家

營業中

休息中

龍寶酒家最近不停在電視買廣告，廣告魔力真厲害，令我心裏經常出現龍蝦🦞的畫面，唔試唔心熄，今日星期六假期，就找出時間專程到葵芳龍寶晚飯，不過下午先來做兩個鐘頭運動，準備好今晚擦一餐，消耗卡路里咁就唔怕食肥啦😁😁😁$98 （特價）一隻波士頓龍蝦🦞伊麵（上湯焗）龍蝦肉彈牙再配搭上湯鮮甜加上足一斤伊面底，飽飽👍$98 蘿蔔清湯牛坑腩蘿蔔清甜，牛坑腩軟腍👍鍋仔上菜，煲住熱辣辣咁食，連清湯都飲清晒，好味道😋$48 川貝花旗參燉鱷魚🐊（一位）滋補湯水少不了每枱奉送生果🍊幾細心

限敍令放寛到6人的第二天，我們來到已2030，姐姐話什麻特價菜都沒有了，乳鴿，燒味，魚。。。隨便點，龍蝦伊麵底。上湯，有蝦味，有點小驚喜。而芥菜魚肚，魚肚偏硬，菜有點過生，但味道對的，胡椒味濃郁。两菜，不夠熱。。。侍應不足，下單足足等了十五分鐘。。。

龍堡通知飲下午茶多，晚飯都係過時過節先一家大細去食😋今次兩個人去食⋯上菜速度超快，點完菜唔駛20分鐘就即刻上菜🤭🤭快啲上完菜趕下一張枱😂😂兩個人叫咗佢哋嘅特價海鮮🦞$88有埋伊面底都算平（唔該自己番屋整餐飽😁😁）味度都可以龍蝦都新鮮，肉質鮮嫩👍🏻有下次！秋風起叫埋個臘味抄芥蘭⋯正😋整多個北菇扣鵝掌煲，之後又好耐冇食過咕嚕雞球，叫到成枱都係⋯心諗得兩個人實食唔哂啦🤭最後⋯全清👍🏻唔知以為我哋啱啱放監出嚟😂😂最尾重有兩個蘋果仔送俾你食😚😚太滿足了☺️

乳鴿聚會😋固之然係食乳鴿啦因為屋企人想食又知夜市有平18.8一隻，限一人一隻咁我地9個叫哂鴿鴿呢間野的環境就系老人家多既酒樓 環境就一般，唔好同的出名酒樓比啦今次食物快靚正未人齊，叫左個炸大腸好食，到齊哂又再叫多轉推介1：炸大腸再叫一隻 炸子雞皮系脆架 唔錯叫左個 醃辣青瓜有人食好辣又人食話唔辣（但我麻麻地覺好食）推介2：椒鹽豆腐好好食，入口要小心，因為熱到不得了叫左2個素都唔錯，因為系放上台的食品都好夠熱，唔會冷冰冰因為平時都有飲開呢間酒樓只因佢既 乳鴿抵食 ，薄餐都好味同場晚市好多人食晚飯叫 拉斯維加斯蟹，真系好大隻（的長老朋友都好食識丫）但見到佢地好開心。PS:千祈咪喺做節嘅節日去食, 因為唔會有水準，第一，人多出品就差的，上餸都慢（因為食完12月呢餐後，親戚再約做冬去食，出哂事，慢，出錯餸，上錯台，同吹都冇用，因為佢太多，所以咪節日去）

新春蘿蔔糕換領日期18/1至22/1，第一日去已經無得換領，大家會諗唔通好食到俾日換晒，如果係咁都好d，但係事實上係未蒸好，所以無得換住，都無辦法心諗唯有晏d打去先換。點知打去時話有，但到咗都係無得換，仲要個部長講，「你幾時打嚟，邊個話你聽有咪揾邊個囉」說完就走咗去，你話呢d咁嘅服務態度，揾人想再幫襯都幾難。

知客完全唔掂，冇禮貌，冇態度，淨係訂枱訂到一肚氣，我未見過d知客咁寸對客人，完全唔想做生意！未食飯已經要受氣!本人已經好有禮貌問訂位，連尊重人都唔識，點做生意？我絶不會幫襯！

今日個女上完堂話要食點心喎，咁我係OpenRice睇吓葵芳附近有咩好選擇，見到呢間龍寶好似唔錯就上去試吓啦。平日下午茶係低既，佢所有啲孖寶啊點心拼盤啊到咗週末每款要再加$3 ，變咗唔係咁抵啦，仲有人哋只係收加一服務費，佢要加13%嘅服務費變相又貴咗啲啦。有d點心嘢嘅賣相同埋味道都OK嘅，例如春卷同雞扎都可以，佢藥膳雞腳就睇落寒酸咗啲，好似都係得三四隻到。最後我哋叫咗兩個孖寶+1個點心拼盤，我哋兩大一細買單$110,最慘係我四歲嘅女佢都想去茶錢，無話可說。

今次係為咗慶祝爸爸生日而去食嘅一餐飯而且係爸爸選擇嘅！ 佢見到好抵食！乳鴿只係16.8一隻,而且可以跟人頭叫！ 沙巴老虎斑$68一條，假日+ $20，所以嗰日食就要$88見到好多抵食嘅菜式，屋企人一開頭冇睇清楚，全部都叫晒，點知抵食嘅菜式只可以五選一，我哋最後揀咗條魚$88同埋用正價價錢叫咗兩隻乳鴿，來到之後乳鴿都算係熱嘅，但係就細隻咗少少同埋色澤冇咁靚！ 味道都OK嘅條魚都尚算大條，條魚蒸得啱啱好，啲魚肉好滑，豉油汁撈飯超級好味！ 仲叫咗西蘭花炒帶子$118,帶子雖然都幾多既，但係迷你粒帶子，真係好唔抵食呀！ 我哋係有揸車嚟嘅，食滿$400有$30泊車優惠，但係因為一開始冇攞入場時間，所以最後搞左勁耐先有$30，泊車優惠極為不方便！所以入停車場之前一定要攞到入場時間！

講句老實說話，之前多次去龍寶飲茶，吃飯，雖然要加13%的小費，但都覺得ok嘅。但最近2次去飲茶，叫咗蒜蓉粉絲鮮魷，感覺唔新鮮，霉霉哋，一D都唔似鮮魷，口感极差。一次係咁，两次又係咁，就真係唔掂吖，希望下次有改進，或者寧願冇咗呢個點心好過啦

葵芳龍寶知客，態度極惡劣，從未試過book枱book到一肚氣，未食先受氣，超趕客，唔會貼錢來受氣，即刻唔想幫襯，會black list.試過其他分店，員工態度最衰呢間。

一家大小一共10幾人,一早定了桌,所以不用等位!我們坐的位子靠近魚缸位置,小朋友特別開心,可以看魚.但是很多餐車推來推去,大家一定要小心安全.衛生環境畢竟不是什麼新的酒樓,就一般般.服務的話不知道人少還是各自有負責的範圍.有些人不會理會.食物其實我們叫了大概8道菜,不過後面的忘記拍了.😄乳豬要自己動手剪,不過很脆口,也不厚哦!龍蝦伊麵也好吃,啖啖肉,魚個人愛吃^&^不做評語.那個素菜豆腐真的非常酸,還以為豆腐壞掉了.最不好吃的一道菜.燒鵝也肥美!我們後面還點了,壽包---水果(蘋果)---白菜....忘了名字,都普普通通.

之前到過兩次喝茶吃㸃心，覺得出品也Okay, 有舊式酒樓的味道。吃晚飯也是第一次來，是晚食客不多，也不用預訂座位，還可以自選坐那桌。看看餐牌，價錢跟一般酒樓收費差不多，侍應生立即問要不要預留竹絲雞響螺燉湯$188。再 order了小菜。燒鵝肉質好實。西蘭花鮮魷炒虾仁，份量也算大碟，虾沒虾味，魷好硬。椒鹽排骨是甜的。客家鯪魚煎釀豆腐叫做尚算 okay, 只是豆腐帶㸃酸味而只。白飯煲得不夠軟身。飯後，遞上原個橙做為時令水果，方便帶走。

同家人提早食團年飯。一星期前已訂枱並說明訂埋 賀佳節九大簋全包宴 $2488套餐，問實 2月13日是否$2488，接聽職員說是，因當天不是星期五丶六丶日不需另加$200，仲話好抵食。點知當日攞位坐下後，見張咭寫$2688，問侍應為何加多$200，她說今天所有餐都要加$200，問她拿宣傳餐單來看，成間酒樓居然一張都無，我亞爸係咁話佢地唔老實，以後唔好補襯。將近食完，我老公走圍look look居然俾佢揾到張宣傳餐單，原來白纸黑字寫明2月13日要加$200。條氣馬上順晒，講真依家近過年，好難揾到間酒家$3000內全包宴套餐。由最初$1388食到$2688，可見舖租/食材價格不斷漲價

黎到龍寶⋯⋯但同之前平時食開嘅品質都完全變晒，今次原全唔掂👎👎今次冇哂水準😓😓⋯⋯個盅翅又勁腥味😓😓冇咗之前D水準👎👎，個京都骨油味多過汁👎👎得條魚口感同味還可以啦，不過上枱已經甩頭同半邊眼珠掉出，都唔腥嘅叫左個福建炒飯，炒飯好濕，唔夠乾身下次唔黎食

今晚，超值，抵食聚。一家人食飯，點了個1488套餐，比想像中好。軟殼蟹配咖哩汁，超配；乳豬一出，誰與爭鋒；蠔餅內有蝦膠，極度驚喜；共九餸，樂此不疲，仲有紅酒一支，啤酒2支，今晚時令水果火龍果，一家人又食又拎，開心了一晚，真心推介。