餃子園 (已結業)

10.17 (wed) dinner睇完醫生去醫肚，想食ｄ濕野。上次揀左對面，今次就呢間啦。叫左韭菜餃麵…都ok啦，韭菜餃都唔錯。但又唔係超級好食加必食o個ｄ啦。麵就肯定好過對面上星期六食既…我坐既位置對住廚房，我覺得如果唔係有咩"正"野俾客人睇就唔好開放式廚房，俾人見到你ｄ衛生又唔係好得，而且…最令我滴汗係個阿姐一邊溝調味料一邊試味，試完隻羹繼續撈ｄ調味料，之後佢左白色既粉撈多一陣再試味，試完又繼續撈…幸好我冇食任何同醬有關既野，天呀！雖然呢ｄ野可能好common，但"眼不見為乾淨"嘛。呢件事會同一位想黎既朋友講…而我，當然唔敢再黎喇

下午繼續和友人在中環享用午餐要了一份翠玉瓜拚素菜餃翠玉瓜還算爽口,分量亦大但印象中兩種口味的餃子都較為偏淡友人則點了比較特別的魚肉餃(正式的名字忘了,不過餡料是混有魚肉的)吃了一口,腥到不行原諒我不懂欣賞這邊的豆漿以分量取勝味道嘛,還算可以吧

可能生意好,唔憂做,服務態度係差D啦!但我仍然愛到這裡吃餃子。今次叫了:津白餃、羊肉餃、另一款菜餃(忘了名字)-全都在數分鐘內消滅晒,你話好唔好吃?炸醬麵-麻麻,比起我媽煮的差得遠,少了肉末,黃豆的質素也不高,吃下去不夠豆香。今次我也被人鬧,叫我唔好分開來叫,要一次過叫。唉...都費時辨駁,笑住講:「好呀!」鬼叫中意食佢哋煮的餃子咩...下次一定要食到翠玉瓜餃,聽講好快賣晒!

由於飲酒過後，還未夠飽，所以轉戰食麵。上次試了王府，味道麻麻。今次行過少少，試下呢間。翻看餐牌，選擇不多，感覺應該幾專門。要了白菜餃和酸辣麵。酸辣麵先上，一小碗，份量不多，麵身質感討好，但冇韌度，欠口感，酸辣湯底材料尚算豐富，味道佳，若辣度再勁一點會更好吃；至於餃子，皮略嫌厚咗啲，但菜肉比例平均，清清地，不錯。不過都係一句，量少，若是當午飯或晚飯，女仔也未必夠。

中午12:20pm 進入歺廳,朋友末到,先order 山楂水+手撕雞.12:32pm 金姓男子,相信是老板+伙計,叫我打電話給我的朋友,我說她正前來,而且當時還有空位,亦沒有客人輪候中,我如此回答,對方竟說"叫你打電話啫,洗唔洗咁多嘢講"天呀!這是什麼服務態度.難道我要跟他的"指示"打電話,於是我立即埋單走人,對方竟說收一半錢(因我只吃了一半食物),我堅持付全數,對方當然亦照收$, 最後他竟還趕我离開他的鋪頭.猤 能想象今時今日HK還能有如此服務態度的歺廳仍然生存, 特首的"與時並進"有時真的一点不錯.各位,如想食lunch 食到一肚氣,就請幫襯吧.在此,我祝他生意與隆.PS 我的朋友在我离開歺廳後2 mins 到達

一入去, 有個包緊水餃有口音既阿叔好有禮貌咁招呼, 加晒分啦.點知, 落order果位姐姐由頭到尾到黑口黑面, 好似好唔耐煩. 佢對住廚房淥水餃果個亞姐更加怒容滿面, 話佢搞錯d野, 而果位廚房亞姐又露出好茫然既樣, 我地都開始擔心...蒜泥白肉: 咁大個女未試過食剛在冰格攞出黎既蒜泥白肉. d肉凍到黐埋一齊. 雖然d汁都夠惹味, 但我接受唔到凍冰冰既肥豬肉呀!韭菜餃: 最好味最正常係佢.白菜餃加酸辣湯底: 湯底唔夠酸亦唔夠辣. 不過都ok. 最得人驚係佢既白菜餃入面既豬肉唔熟! 初時都唔覺. 係男友發現水餃餡既質地不尋常地滑. 果時我已經食左兩隻. 跟住我咬開另一隻一半, 果然係未熟! 頂, 我即刻指俾個黑面姐姐睇啦, 佢乜都無講, 叫左果個口音亞叔黎睇. 昏暗既燈光下, 架著老花眼鏡既佢, 話"嗯, 差小小, 差小小". 跟住同廚房果個茫然亞姐講"加多兩隻俾佢地啦". 我真係想問佢加多兩隻俾我地做乜鬼. 咁湯入面其他水餃如果都唔熟點算? 不過我地費事同佢嘈, 因為食左生豬肉既感覺好核突. 跟住果個moment我見到廚櫃下面有兩隻曱甴爬行. oh my god! 果下真係走都走唔切!

與同事晚飯，小店由兩位有上海口音的叔叔打理，環境亦見整齊。由於之前食左麵包，所以只吃烤麩，同事叫了炸醬麵及一碟鮮肉白菜餃share。烤麩($20)－－清淡量少，正合我意。同事的炸醬麵－－睇黎好似幾好食鮮肉白菜餃($26)－－一碟八隻，每隻都好飽滿。白茶切碎粒，食到有菜頭，有咬口，讚。味道唔太濃亦唔亦淡，起碼我對味精咁敏感都無口喝。餃皮較厚，食完好飽。服務好好，店長叔叔埋單時前後講左三次唔該，亦不斷向其他客人講「手腳慢，唔好意思」。埋單$89，以咁既服務同食物質素，一定會再幫襯。

我食o左津菜餃麵, 同行人食韮菜餃麵, 相比之下津菜餃好食好多, 雖然唔算係超班的餃子, 但都可以接受, 皮雖然厚身d, 但唔會好硬, 餡都好足, 個人頗滿意佢個醋.而佢個麵就真係好淋, 我就鍾意有咬口d ge. 湯底唔得, 好似冇味gum.我地重share o左一個爐打滾, 因為之前睇書見過, 今日有得食真係一定要try. 超多豆沙, 夾住少少花生碎, 一圏糯米包一圏豆沙, 好味, 但好似糯米糍, 但比糯米糍多豆沙, 但我個人都係鍾意食糯米皮ge, haha, 不過$6一粒有d貴lor.

人手嚴重不足呀! 店舖唔算大, 一個似係老闆, 一個負責樓面, 一個負責廚房, 就係三個人打理一間舖. 但舖到未坐滿, 三個人都係咁行來行去, 野又唔執, order 又唔落, 後來其中一個仲出左去送外賣tim.等左好耐, 終於有人落order 啦, 我問餃子雙拼得唔得, 答左我得, 但之後又話"依家order比較多, 雙拼好易亂, 不如唔好雙拼啦", 最終我堅持.白菜餃拼羊肉餃- 白菜餃幾好, 但羊肉餃略鹹, 又無咩羊味.炸醬麵- 係叉燒醬撈麵, 普通.海蜇- 有d辣醬係面架, d 辣醬幾好味, 海蜇撈埋d辣醬, 味道唔錯.山楂茶- 似酸梅湯.係中環黎講, 呢度既價錢唔貴, 但因為服務唔好, 又等得太耐既關係, 印象分都大減, 連帶食物上時, 都感有點"拿西"呢.

有一排冇去中環揾嘢食。不知不覺呢頭已開咗好多新食肆。要試，真係要D時間...何况連舊嗰D都未試哂呢?大熱天，想食清少少，就揀食水餃...照例先叫個冷盤，亦照例都係叫蒜泥白肉...查實應該葱蒜白肉先啱...蒜太大粒，絕不可稱之為"泥"；青葱粒亦太多，跟正統嘅蒜泥白肉還差很遠，不過剔除正統或不正統嘅因素，味道還是可以的...見到餐牌上有個叫豬肉翠玉瓜餃，幾特別。試一口，肉不夠鮮，有少少怪味，極失望...跟對面王府嘅水準相差太遠la..

被古靈精怪的德．奧菜嚇得魂魄分離，附近收工後衝忙滾落食街，吃碗回魂的北方炸醬麵。甫坐下，靚姐依舊一副愛理不理的態度，點了炸醬冷麵，三分鐘不到已有得吃，效率方面倒是無可挑剔；快是因為麵已煮好，放入雪櫃備用。紅（甜豆醬）、綠（青瓜絲）、白（芽菜）三色元素所組成，色澤分明，賣相亦見吸引。經冷凍處理的白麵，乾爽而帶微微嚼勁，較之腍而餬口的湯麵，感覺相去十萬八千離，下回再押，定必押回冷麵。冷麵撈以原粒黃豆、肉絲及豆乾構成的甜炸醬，輕嚼，舌尖沾上陣陣豆香，隨後而至是微微辛辣感覺，伴以爽口的青瓜與芽菜絲，青瓜與甜豆醬，再次泛起零碎京味回憶。步出店後，心思思盤算著王府的炸醬麵，年多前試過，仍不忘鹹而微甜的滋味。

同朋友食完high tea後的晚餐，點了翠玉瓜餃、豆漿同山渣茶。山渣茶少少酸，飲了真的慢慢變得開胃，清醒頭腦。翠玉瓜餃與平日嘗的薄皮餃子不同，它比較厚，所以口感也比較好，不只是一層皮這麼簡單。雖然有優良的皮，但配料就略咸，如果不是的話會好好多。

前晚第一次同朋友來食晚飯,覺得服務態度好親切,好有屋企feel.又快又扺食.我哋兩人叫咗:蒜泥白肉: 水準一流!平平地20蚊望落以為細細碟,但份量還算夠兩個人分.肉地超嫩,蒜泥勁香,食完個口又唔會成晚好勁蒜頭味.正!麻醬貢菜k啦,第一次食,好爽口,味道淡淡,下次未必會再叫.京蔥羊肉餃: 正,肉好腍,啲蔥又夠香.同豆瓣醬,豉油同醋一起食簡直食過番尋味.可能因為一向鍾意食濃味,反而覺得可以羶啲!朋友叫咗個餃子麵,唔記得係咩,個樣唔錯.食得好happy,必定會再幫親!

4月7日3人來quick lunch,叫咗:1)糖醋小排骨: 味道不錯,不過肉質幾"un",唔嫩2)烤麩: 味道good,夠入味3)北蔥羊肉餃子: 有羊肉味,皮幾薄。反而覺得咁樣有d怪,因北方餃子應是有d厚4)香芹豬肉餃子: 不夠芹菜味,可以不試5)雪菜肉絲湯麵:聽說1般6)豆漿X2: 不錯因不太甜-但服務態度十分良好,應記1功

20070321店面不大，還算OK乾淨，不過位子少，坐得很逼。honey選了窗邊，面前這張大枱由四張小方枱砌成，圍滿應該可以招呼八個人。直望進去就是開放式的廚房，旁邊一張很大的鋪著麵粉的砧板，這是很正宗的用來做北方水餃的工具，頓時令我加了一點信心。一共叫了三樣東西，上的速度還是蠻快，姐仔的態度卻著實差到不能再差，笑容是一定沒有的了，而且不用正眼瞧你，說話也沒什麼好氣，連收錢的時候說謝謝都像是從牙縫裏擠出來：）翠玉瓜鮮肉水餃：皮白肚大，翠玉瓜切成很細很小的條狀，與鮮肉質感迥異，配起來清清淡淡的，不錯；炸醬麵：一碗在北京是5元的東西，山長水遠過來之後就變成了25元：）豆瓣炸醬、青瓜絲等都很足料，與煙韌的面底拌在一起，略帶甘甜；四喜烤麩：追加的一味小菜，清香微涼，不算太鹹。吃的時候只覺得味道不錯，不過回去之後兩個人都渴得厲害，懷疑炸醬或烤麩裏面，應該落了相當重手的味精……在此巧遇多年未曾謀面的朋友，也是一樂。